DANIEL 5:11 - KITTA KAREBA MADECENG

¹¹ Saba' ri laleng akkarungenna Puwakku engka séddi worowané iya ripennoiyé ri rohna déwata-déwata iya mapaccingngé. Ri wettu apparéntanna ambo'na Puwakku, pabuttini iyaro tauwé mappunnaiwi amaccang, pappéjeppu sibawa pangissengeng, iya pada-padaé pangissengenna sining déwataé. Ambo'na Puwakku Arung Nébukadnézar pura makkai mancaji pamimpinna sining pabotoé, ahli pajjappié, sining tau mappangissengengngé sibawa ahli pappalakiyaé.

DANIEL 5:11 ပူးပေါင်းရင်းမြစ်များ

KAJAJIYANG 41:38

Nanakkeda arungngé lao ri mennang, “Dé' namakkullé lolongekki tau laing iya lebbi coco'é naiya Yusuf, saba' ripimpingngi ri rohna Allataala.”

2 SAMUEL 14:17

Mateppe'i atatta makkedaé iyaro jancinna Puwakku tanggungngi matu asalamakenna atatta saba' Puwakku iyanaritu pada-padai malaéka'na Allataala, iya mullééngngi pasilaingengngi aga iya makessingngé sibawa aga majaé. Tennapodo Puwang Allataalana Puwakku sibawangngi Puwakku!”

YEHEZKIEL 28:3

Muwasengngi lebbi maccako naiya Danél, angkanna dé'gaga rahasiya iya tassubbué ri alému.

YEHEZKIEL 28:4

Mupakéi amaccammu sibawa pappéjeppummu untu' paddeppungeng waramparang, ulaweng sibawa péra'.

DANIEL 1:4

Harusu'i mennang kallolo-kallolo iya dé'é sala-salanna. Harusu'i mennang magello, matanré aggurunna, macca sibawa malowang pangissengenna enrengngé sipato untu' majjama ri laleng saorajaé. Aspénas harusu paggurui mennang mabbaca sibawa maroki basa Babél.

DANIEL 2:11

Nacinnaiwi Puwakku séuwa iya mawatang senna'é. Dé' muwi séddi mulléi pennoiwi sangadinna sining déwataé, iyakiya dé' mennang naonro ri yelle'na tolinoé.”

DANIEL 2:22

Aléna ritu timpa'i rahasiya iya malamung senna'é. Naisseng sininna iya kajajiyangngé ri laleng pettangngé. Risalipuriwi ri cahaya matajangngé.

DANIEL 4:18

Eh Béltsazar, iyanaro nippikku. Makkekkuwangngé powadani bettuwanna lao ri iyya. Dé' muwi séddi tau polé risining tau accaé iya engkaé ri akkarungekku mulléi powadai lao ri iyya, iyakiya iko mulléi, saba' ripennoiko ri rohna déwata-déwata iya mapaccingngé.”

DANIEL 4:5

Iyakiya riséuwaé wenni wettukku matinro, mannippika sibawa lolongeng pakkitang iya pénennengi sennaéngngi atikku.

DANIEL 4:6

Nainappa uwobbi sining tau acca iya engkaé ri Babél untu' pakatajangekka bettuwanna nippiéro.

DANIEL 5:14

Uwéngkalingai makkedaé ripennoiko ri roh-rohna déwata iya mapaccingngé, sibawa mappunnaiko amaccang, pappéjeppu, sibawa pangissengeng iya dé'é padanna.

DANIEL 5:7

Nagorana méllauwi kuwammengngi nariyobbi sining pabotoé, ahli pajjappié sibawa ahli pappalakiyaé. Wettunna mennang engkani, makkedani arungngé, “Nigi-nigi mulléi bacai iyaro okié sibawa paissengika bettuwanna, uwéréngngi matu pakéyang akkarungeng maddupa jumba collipao sibawa ranté ulaweng tanrang alebbireng. Ri lainnaéro uwakkai matu mancaji panguwasa matellué ri laleng akkarungekku.”

RIWAYA'NA RASUL-RASUL-E 12:22

Gora-gorani iyaro ra'ya'é iya méngkalingaéngngi, “Iyaé sadda déwata, tenniya sadda tolino!”

RIWAYA'NA RASUL-RASUL-E 14:11

Wettunna naita tau maégaé aga pura napogau' Paulus, gorani mennang ri laleng basa Likaonia, “Nonnoni déwata-déwataé ri linoé sibawa tubu tolino.”

RIWAYA'NA RASUL-RASUL-E 16:16

Riséuwaé esso wettutta lao ri onrong assempajangengngé, siruntu'ki séddi makkunrai; atai. Iyaro makkunraié rikuwasaiwi ri roh sétang iya mulléngngi botoi kajajiyang-kajajiyang mangoloé. Iyaro makkunraié nawéréngngi asarong battowa puwanna ri laleng nabotona dallé'na tauwé.

WAHYU 3:9

Engngerangngi iyaé: Sining tau iya mancajiyé umma'na Ibillisi'éro, sining tau pabbelléng iya mangakuiyéngngi aléna Yahudi, padahal tenniya, maélo Uwébbu angkanna mennang polé suju' ri yolomu. Nanaissengngi matu mennang makkedaé Uwamaséiko.