DANIEL 4:9 - KITTA KAREBA MADECENG

⁹ “Eh Béltsazar, pamimpinna sining tau mappangissengngé, uwisseng makkedaé ripennoiko ri rohna déwata-déwata iya mapaccingngé, angkanna dé'gaga rahasiya iya tassubbué ri alému. Engkalingai nippikkué, sibawa pakatajanni bettuwanna.

DANIEL 4:9 ပူးပေါင်းရင်းမြစ်များ

KAJAJIYANG 41:38

Nanakkeda arungngé lao ri mennang, “Dé' namakkullé lolongekki tau laing iya lebbi coco'é naiya Yusuf, saba' ripimpingngi ri rohna Allataala.”

YESAYA 33:18

Taumu iya pura labe'é lao ri pallélé simaé, pajaba'é sibawa jennang laingngé riyéngngerang mani bawang.

YESAYA 54:14

Ripatettokko ri yasé'na adélékengngé, ripabélai polé ri amétaurengngé sibawa attenrekengngé.

YEHEZKIEL 17:23

Uwaddincekengngi ri bulu iya kaminang matanré ri Israélié. Kuwaniro matu cura', sibawa powassélé buwa, nainappa mancaji aju camara iya magaggaé. Sininna rupanna manu'-manu'é massarangngi matu ri lalenna sibawa mallinrung ri yawana accinaungenna.

YEHEZKIEL 28:3

Muwasengngi lebbi maccako naiya Danél, angkanna dé'gaga rahasiya iya tassubbué ri alému.

DANIEL 1:20

Tungke' arungngé pangolo persoalang iya mapparelluwangngé pappakatajang sibawa pertimbangang, naitai makkedaé pangaja sibawa tangngana iya eppa kalloloéro wékkaseppulo lebbi makessinna naiya pangajana sibawa tangngana sininna paboto enrengngé pajjappi maccaé risininna akkarungenna.

DANIEL 2:47

Makkedai arungngé, “Tongeng, Daniél, iyaro Allataalamu kaminang maloppo ri yelle'na sining Allataalaé. Aléna iyanaritu makuwasa ri sininna arungngé, sibawa timpa'éngngi sininna rahasiyaé. Uwisseng gau'éro saba' muwulléi pakatajangngi bettuwanna rahasiyaéwé.”

DANIEL 2:48

Nainappa nawéréng Daniél tudangeng iya matanré, nawérénni maéga hadiya iya magelloé, sibawa naakkai mancaji gubernurna Babél, enrengngé napancajiwi pamimping kaminang matanré lao ri sininna pappangajana saorajaé.

DANIEL 4:18

Eh Béltsazar, iyanaro nippikku. Makkekkuwangngé powadani bettuwanna lao ri iyya. Dé' muwi séddi tau polé risining tau accaé iya engkaé ri akkarungekku mulléi powadai lao ri iyya, iyakiya iko mulléi, saba' ripennoiko ri rohna déwata-déwata iya mapaccingngé.”

DANIEL 4:5

Iyakiya riséuwaé wenni wettukku matinro, mannippika sibawa lolongeng pakkitang iya pénennengi sennaéngngi atikku.

DANIEL 4:8

Angkanna poléni Daniél iya riyasengngétto Béltsazar pada-pada asenna déwataku. Ripennoini Daniél ri rohna déwata-déwata iya mapaccingngé. Ucuritang towi aléna nippikku, adakku,

DANIEL 5:11

Saba' ri laleng akkarungenna Puwakku engka séddi worowané iya ripennoiyé ri rohna déwata-déwata iya mapaccingngé. Ri wettu apparéntanna ambo'na Puwakku, pabuttini iyaro tauwé mappunnaiwi amaccang, pappéjeppu sibawa pangissengeng, iya pada-padaé pangissengenna sining déwataé. Ambo'na Puwakku Arung Nébukadnézar pura makkai mancaji pamimpinna sining pabotoé, ahli pajjappié, sining tau mappangissengengngé sibawa ahli pappalakiyaé.

1 SAMUEL 4:8

Cilaka tongenni! Nigana mulléi passalama'ki polé ri déwata-déwata iya mawatangngéro? Dé'ga na déwata-déwataéttoro pura mpunoi tau Maséré'é ri padang kessi'é riyolo?