DANIEL 4:8 - KITTA KAREBA MADECENG

⁸ Angkanna poléni Daniél iya riyasengngétto Béltsazar pada-pada asenna déwataku. Ripennoini Daniél ri rohna déwata-déwata iya mapaccingngé. Ucuritang towi aléna nippikku, adakku,

DANIEL 4:8 ပူးပေါင်းရင်းမြစ်များ

KAJAJIYANG 41:38

Nanakkeda arungngé lao ri mennang, “Dé' namakkullé lolongekki tau laing iya lebbi coco'é naiya Yusuf, saba' ripimpingngi ri rohna Allataala.”

YESAYA 46:1

Iyanaé accappurenna déwata-déwatana Babél; riyolo dato-dato Bél sibawa Nébo nasompa, iyakiya makkekkuwangngé napatonangngi ri yasé'na olokolo'é, mancaji tiwi untu' olokolo iya matekkoé.

YESAYA 63:11

Nanaéngngeranni mennang wettu riyolo, wettunna Musa, atanna Puwangnge. Makkutanai mennang, “Kégani Puwangnge iya dulungngéngngi sining pamimpinna umma'-Na molai tasi'é? Kégani Puwangnge iya mabbéréyangngéngngi akuwasan-Na lao ri mennang?

YEREMIA 50:2

“Pasanno tanrang sibawa appallebbangengngi lao ri bangsa-bangsaé makkedaé sempé'ni Babél! Aja' murahasiyakangngi gau'éro! Purani riyancuru Mérodakh déwatana, sibawa dato-dato'na iya mappangaddié mareppa'ni tassiya-siya, enrengngé barahala-barahalana ripakatuna senna'ni.

YEHEZKIEL 17:23

Uwaddincekengngi ri bulu iya kaminang matanré ri Israélié. Kuwaniro matu cura', sibawa powassélé buwa, nainappa mancaji aju camara iya magaggaé. Sininna rupanna manu'-manu'é massarangngi matu ri lalenna sibawa mallinrung ri yawana accinaungenna.

DANIEL 1:7

Kapala ruma tanggana saorajaé sulléiwi aseng-ngasenna mennang mancaji: Béltsazar, Sadrakh, Mésakh sibawa Abédnégo.

DANIEL 2:11

Nacinnaiwi Puwakku séuwa iya mawatang senna'é. Dé' muwi séddi mulléi pennoiwi sangadinna sining déwataé, iyakiya dé' mennang naonro ri yelle'na tolinoé.”

DANIEL 2:26

Namakkedana arungngé lao ri Daniél iya riyasengngétto Béltsazar, “Mulléga paissengika nippikku sibawa bettuwannato?”

DANIEL 3:14

Makkutanani arungngé lao ri mennang, “Sadrakh, Mésakh sibawa Abédnégo! Tongegga dé' mumaélo sompai déwata-déwataku sibawa dé'to mumaélo suju' lao ri dato-dato ulaweng iya puraé upatettonro?

DANIEL 4:18

Eh Béltsazar, iyanaro nippikku. Makkekkuwangngé powadani bettuwanna lao ri iyya. Dé' muwi séddi tau polé risining tau accaé iya engkaé ri akkarungekku mulléi powadai lao ri iyya, iyakiya iko mulléi, saba' ripennoiko ri rohna déwata-déwata iya mapaccingngé.”

DANIEL 4:9

“Eh Béltsazar, pamimpinna sining tau mappangissengngé, uwisseng makkedaé ripennoiko ri rohna déwata-déwata iya mapaccingngé, angkanna dé'gaga rahasiya iya tassubbué ri alému. Engkalingai nippikkué, sibawa pakatajanni bettuwanna.

DANIEL 5:14

Uwéngkalingai makkedaé ripennoiko ri roh-rohna déwata iya mapaccingngé, sibawa mappunnaiko amaccang, pappéjeppu, sibawa pangissengeng iya dé'é padanna.