DANIEL 4:6 - KITTA KAREBA MADECENG

⁶ Nainappa uwobbi sining tau acca iya engkaé ri Babél untu' pakatajangekka bettuwanna nippiéro.

DANIEL 4:6 ပူးပေါင်းရင်းမြစ်များ

ASSURENG 7:11

Rimakkuwannanaro naobbi toni arungngé sining tau maccaé sibawa ahli-ahli passéhéré'na, nanapogau' toni makkuwaéro sibawa pangissengeng mappalennye'-lennye'na mennang.

YESAYA 8:19

Iyakiya sining tauwé nasuroko matu méllau panunju polé ri sanro-sanroé iya mabbici-bici'é sibawa mamek-kamengngé témunna. Iyaro sining tauwé makkedai matu, “Dé'ga tasipato méllau panunju polé ri waliyala-waliyalaé nasaba apentingenna tau tuwoé?”

DANIEL 1:17

Allataala mabbéréyangngi lao ri iya eppa kalloloéro amaccang sibawa apanréng ri laleng kitta'é sibawa pangissengengngé. Ri lainnaéro lao ri Daniél riwéréng towi amaccang untu' pakatajangngi pakkitangngé sibawa nippié.

DANIEL 2:2

Rimakkuwannanaro naobbini sining pabotoé, pajjappi maccaé, sanroé sibawa sining tau mappangissengengngé, untu' pakatajangngi nippinnaro.

DANIEL 2:48

Nainappa nawéréng Daniél tudangeng iya matanré, nawérénni maéga hadiya iya magelloé, sibawa naakkai mancaji gubernurna Babél, enrengngé napancajiwi pamimping kaminang matanré lao ri sininna pappangajana saorajaé.

DANIEL 4:15

Iyakiya leppessangngi tona monro ri laleng tanaé. Siyoi sibawa ranté bessi sibawa tembaga nainappa musalai ri padang wellaé. Leppessanni narica cinoddo, nenniya tuwo silaong sining olokolo'é enrengngé tanet-tanengngé.

DANIEL 5:11

Saba' ri laleng akkarungenna Puwakku engka séddi worowané iya ripennoiyé ri rohna déwata-déwata iya mapaccingngé. Ri wettu apparéntanna ambo'na Puwakku, pabuttini iyaro tauwé mappunnaiwi amaccang, pappéjeppu sibawa pangissengeng, iya pada-padaé pangissengenna sining déwataé. Ambo'na Puwakku Arung Nébukadnézar pura makkai mancaji pamimpinna sining pabotoé, ahli pajjappié, sining tau mappangissengengngé sibawa ahli pappalakiyaé.

DANIEL 5:7

Nagorana méllauwi kuwammengngi nariyobbi sining pabotoé, ahli pajjappié sibawa ahli pappalakiyaé. Wettunna mennang engkani, makkedani arungngé, “Nigi-nigi mulléi bacai iyaro okié sibawa paissengika bettuwanna, uwéréngngi matu pakéyang akkarungeng maddupa jumba collipao sibawa ranté ulaweng tanrang alebbireng. Ri lainnaéro uwakkai matu mancaji panguwasa matellué ri laleng akkarungekku.”