DANIEL 4:5 - KITTA KAREBA MADECENG

⁵ Iyakiya riséuwaé wenni wettukku matinro, mannippika sibawa lolongeng pakkitang iya pénennengi sennaéngngi atikku.

DANIEL 4:5 ပူးပေါင်းရင်းမြစ်များ

KAJAJIYANG 41:1

Labe'nana duwattaung, mannippini arung Maséré, naitai aléna tettong ri wirinna Salo Nil.

DANIEL 1:7

Kapala ruma tanggana saorajaé sulléiwi aseng-ngasenna mennang mancaji: Béltsazar, Sadrakh, Mésakh sibawa Abédnégo.

DANIEL 2:1

Riséuwaé wenni, duwattaung mapparéntanana Arung Nébukadnézar, mannippiwi. Iyaro nippinna makkuwamani pausérinna atinna, angkanna dé'na nawedding matinro.

DANIEL 2:3

Wettunna mennang tettong ri yolona, makkedani arungngé, “Mannippika, namauséi atiku nasaba macinnaka missengngi bettuwanna!”

DANIEL 4:10

Wettukku mattengngang matinro, uwitai séddi aju iya tuwoé ri tengnga-tengngana linoé.

DANIEL 4:13

Wettukku mattengngang nennun-nennungngi pakkitangngéro, uwitai séddi malaéka nonno polé ri surugaé; paitai sadiya-sadiya sibawa matike.

DANIEL 4:15

Iyakiya leppessangngi tona monro ri laleng tanaé. Siyoi sibawa ranté bessi sibawa tembaga nainappa musalai ri padang wellaé. Leppessanni narica cinoddo, nenniya tuwo silaong sining olokolo'é enrengngé tanet-tanengngé.

DANIEL 4:19

Naéngkalinganaro, Daniél iya riyasengngétto Béltsazar, tassélenni sibawa bengnga untu' siyagangngaré ittana. Na iyya, Arung Nébukadnézar makkeda lao ri aléna, “Béltsazar, aja' mubata-bata nasaba iyaro nippié sibawa bettuwanna.” Nappébali Béltsazar, “Puwakku, temmaka kessinna ébara'na kajajiyang-kajajiyang iya nabotoé nippiéro nakennai sining balinna Puwakku na tenniya Puwakku.

DANIEL 5:10

Naéngkalingana gora-gorana arungngé sibawa sining tomarajana, muttama'ni indo'na arungngé ri laleng onrong appéstangngéro. Nainappa makkeda, “Tuwoi Puwakku mannennungeng! Pattennanni atinna Puwakku sibawa aja' mumakawiya.

DANIEL 5:11

Saba' ri laleng akkarungenna Puwakku engka séddi worowané iya ripennoiyé ri rohna déwata-déwata iya mapaccingngé. Ri wettu apparéntanna ambo'na Puwakku, pabuttini iyaro tauwé mappunnaiwi amaccang, pappéjeppu sibawa pangissengeng, iya pada-padaé pangissengenna sining déwataé. Ambo'na Puwakku Arung Nébukadnézar pura makkai mancaji pamimpinna sining pabotoé, ahli pajjappié, sining tau mappangissengengngé sibawa ahli pappalakiyaé.

DANIEL 7:1

Ri séuwaé wenni, ri taung mammulangngé mancaji arunnana Bélsyazar ri Babél, mannippiwi Daniél sibawa lolongeng pakkitang. Iyaro nippié uwokii sibawa laporanna passalenna pakkitakkuro iyanaritu selaku mangoloéwé: Mangirii anginrajaé polé ri sininna sulapa'é nanassabariwi engkana anginraja ri dolangengngé.

DANIEL 7:28

Sikumiro iyaé laporangngé. Mausé senna'ka angkanna mancaji makawiya, iyakiya dé' muwi séddi tau upaissengi passalenna iya manennaro.