DANIEL 4:34 - KITTA KAREBA MADECENG

³⁴ Labe'nana iyaro wettu pituttaungngé, congana ri langié, nanalisuna amaingekekku. Naupojiwi Allataala Iya Pommatanré. Upojiwi sibawa upakalebbii Aléna iya tuwoé mannennungenro. “Mancaji arungngi matu Allataala untu' mannennungeng. Makuwasai sillampé wettué.

DANIEL 4:34 ပူးပေါင်းရင်းမြစ်များ

2 SAMUEL 22:31

Pangkaukenna Allataala sukkui, jancinna Puwangnge weddingngi riyatepperi! Pada-padai kaliyawoé lao ri sininna iya mallinrungngé ri Aléna.

1 TAWARIKH 29:10

Napoji-pojini Arung Daud Puwangnge ri yolona tau maégaéro. Makkedai, “Oh Puwang Allataala iya nasompaé Yakub toriyolota, ripojiko untu' mannennungeng!

1 TAWARIKH 29:13

Makkekkuwangngé, oh Puwang Allataalata, sukkuru'ki ri Iko, sibawa mappojiki ri asem-Mu iya marajaé.

AYUB 1:21

sibawa makkeda, “Rijajiyakka temmappunnai agi-agi, na matéka matti temmappunnaito agi-agi. Puwangnge pura mabbéréyangngi na Puwangnge muto pura malai. Ripojiwi asen-Na!”

MAZMUR 10:16

Mapparéntai Puwangnge untu' mannennungeng; bangsa-bangsa iya dé'é Naissengngi lennye'i matu polé ri tana-Na.

MAZMUR 102:24

Napoloi Puwangnge awatangekku ri wettu malolo-Ku mupa, sibawa naponcokiwi umuru'ku.

MAZMUR 107:15

Sitinajai mennang sukkuru lao ri Puwangnge nasaba pammasé-Na, nasaba sining ébbu-Na iya mappabengngaé untu' tolinoé.

MAZMUR 107:22

Leppessanni mennang sukkuru sibawa tiwi pakkasuwiyang, sibawa mabbirittangngi pangkauken-Na sibawa élok-kélong marennu.

MAZMUR 107:31

Sitinajai mennang sukkuru lao ri Puwangnge nasaba pammasé-Na, nasaba sining ébbu-Na iya mappabengngaé untu' tolinoé.

MAZMUR 107:8

Sitinajai mennang sukkuru lao ri Puwangnge nasaba pammasé-Na, nasaba sining ébbu-Na iya mappabengngaé untu' tolinoé.

MAZMUR 111:7

Adélé'i Puwangnge sibawa matinului ri laleng sininna tindakan-Na, sininna parénta-Na weddingngi riyattuwang.

MAZMUR 121:1

Elong ziyara. Makkitaka lao risining bulué, polé kégi pattulungngé untu' aléku?

MAZMUR 123:1

Elong ziyara. Congaka lao ri Iko oh Puwang iya mapparéntaé ri surugaé.

MAZMUR 145:13

Apparéntam-Mu tette'i sillampé wettué, akuwasam-Mu mattahangngi massossoreng. Matinului Puwangnge lao ri sininna jancin-Na, pennoi pammasé ri laleng sininna pangkauken-Na.

MAZMUR 146:10

Iyaro Puwangnge Arungngi untu' mannennungeng. Eh Sion, makuwasai Allataalamu lettu mannennungeng. Pojiwi Puwangnge!

MAZMUR 50:14

Akkasuwiyangenni akkarobangeng sukkuru lao ri Allataala, rupaini jancimmu lao ri Iya Pommatanré.

MAZMUR 66:7

Mapparéntai sibawa barani untu' mannennungeng. Najagaiwi bangsa-bangsaé, kuwammengngi dé' naulléi matempo tau maronta'é lao ri Aléna.

MAZMUR 7:17

Jaji rihukkungngi ri jana muto, sibawa risissai ri ateddekenna muto.

MAZMUR 9:2

Nasibawang ati sukku maéloka sukkuru lao ri Iko, Puwang, sibawa mabbirittangngi winru-Mu iya mappabengngaé.

MAZMUR 92:1

Elong untu' esso Saba'é.

YESAYA 13:11

Makkedai Puwangnge, “Maélo-Ka hukkungngi linoé nasaba jana, sibawa sining tau majaé nasaba dosa-dosana mennang. Tungke tau matempoé Upakariyawai matu, tau maboroé sibawa mabecco'é Uhukkungngi matu.

YESAYA 2:11

Tau matempoé ripakariyawai matu sibawa tau maboroé ripatunru'i. Banna Puwangnge bawang ripakaraja.

YESAYA 24:15

sibawa tauwé ri alau pojiwi matu. Pabbanuwaé ri wiring tasi'é napakarajai matu Puwangnge, Allataalana Israélié.

YEREMIA 10:10

Iyakiya Idi, Puwang, Allataala iya tongengngé, Allataala mabbéré atuwong, arung mannennungengngé. Rékko macai-Ko, taggottangngi linoé, rékko majjameru'-Ko dé' natahang bangsa-bangsaé. (

AWATINGENG 3:38

Makessing sibawa maja napajoppai banna nasaba paréntana Puwangnge.

DANIEL 12:7

Tau iya laingngéro makkai iya duwa limanna ménré ri langié. Uwéngkalingai mattanro nasabbing Allataala iya mannennungengngé sibawa makkeda, “Iyaro sining kajajiyangngé matterui matu tellu sitengnga taung ittana. Pajanana paccallangngé lao ri umma'na Allataala, paja toni iyaro sining kajajiyang makalallaingngé.”

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 4:2

Macinnaka curitai passalenna anu makalallaingngé sibawa mappahérangngé iya puraé napogau' Allataala Iya Pommatanré lao ri iyya.

DANIEL 4:26

Napparéntangngi sining malaéka'é kuwammengngi na tona iyaro ajué rileppessangngi monro ri laleng tanaé. Bettuwanna iyaro makkedaé mancaji arungngi matu paimeng Puwakku purana nangakui Puwakku makkedaé Allataala makuwasaiwi sininna linoé.

DANIEL 4:3

Temmaka rajanna appahérangeng iya napogau'é! Temmaka serona anu makalallaing iya napogau'é! Mancaji arungngi matu Allataala untu' mannennungeng. Makuwasai sillampé wettué.”

DANIEL 4:32

Ripaddésu'ko matu polé ri masaraka tolinoé, nenniya tuwo sibawa sining olokolo'é ri padangngé. Pituttaung ittana manréko matu wella pada-pada sapingngé. Purairo muwangakuiwi matu makkedaé Allataala Iya Pommatanré makuwasai ri yasé'na akkarungenna tolinoé na iyaro akkarungengngé Nabbéréyangngi lao ri nigi-nigi iya Napilé.”

DANIEL 4:36

Wettunna lisuni amaingekekku ri aléku, na alopponna, arajanna sibawa ataromporenna arajakku ripalisuni lao ri iyya. Riduppaina risining pegawéku nenniya sining tomarajaku, naripalisuka ri akkarungekku, mala arajakku mancaji lebbi battowai naiya riyoloé.

DANIEL 5:18

Allataala Iya Pommatanré mébbui Nébukadnézar, ambo'na Puwakku mancaji arung maraja sibawa mpéréngngi arajang nenniya ataromporeng.

DANIEL 5:21

Ripaddésu'i polé ri masaraka tolinoé sibawa akkalenna mancajiwi pada-pada akkaleng olokolo'é. Tuwoi silaong kaleddé ale'é, manré wella pada-pada sapingngé sibawa matinroi ri tana lapangngé angkanna ririca ri cinoddoé. Angkanna nangakui makkedaé Allataala Iya Pommatanré makuwasai ri akkarungeng tolinoé na iyaro akkarungengngé Nabbéréyangngi lao ri nigi-nigi iya Napilé.

DANIEL 6:26

Purairo kirinni sure' Arung Darius lao risining tau polé ri sininna bangsaé, suku bangsaé sibawa basaé ri sininna linoé, “Salama!

DANIEL 7:14

Riwéréngngi alebbireng sibawa akuwasang selaku arung, angkanna sining tau polé ri sininna bangsaé, suku bangsaé sibawa basaé mattumaniwi lao ri aléna. Mattahangngi matu akuwasanna lettu mannennungeng, apparéntanna dé' matu naripalésso.

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

DANIEL 9:14

Iko, oh Puwang Alltaalata, pura hukkukki sibawa abala iya puraé Mupassadiya; tindakam-Mu tuli coco'i sibawa adélé, iyakiya idi dé' taéngkalingai saddam-Mu.

YUNUS 1:14

Rimakkuwannanaro gorani mennang lao ri Puwangnge, “Oh Puwang, maréllauki, aja' tabinasa nasaba malai nyawana tau iya dé'é napogau' muwi asalang aga lao ri idi. Oh Puwang, purani Mupogau' aga iya Mupuwéloé.”

MIKHA 4:7

Purani mennang riképo sibawa mabéla polé ri kampong assalenna. Iyakiya, polé risining tau iya risésaéro maélo-Ka pammulaiwi séuwa assossoreng iya barué. Mancajiwi matu nennang bangsa iya battowaé sibawa mawatang. Uparéntai matu mennang ri Bulu-bulu Sion lettu mannennungeng.”

LUKAS 1:33

Nanapparénta matu selaku arung ri wijanna Yakub mannennungeng. Nadé' cappuna matu akkarungenna.”

LUKAS 18:13

Iyakiya iyaro passinge' simaé tettongngi mabéla-béla sibawa mala dé' nabarani conga ri langié. Nasappurui arona nanakkedato, ‘Oh Allataala, amaséika, tau madosaéwé!’ ”

YOHANES 5:26

Pada-pada aléna Ambo'é assalennai atuwongngé, napancaji towi Ana'-Na assalenna atuwongngé.

ULANGENG 32:4

Puwangnge Pangéwangemmu iya baranié, sukku winru-Na, sibawa adélé sininna lalen-Na. Matinulu Allataalaku, dé'gaga acéko-cékong ri Aléna, Napogau'i iya makessingngé sibawa tongengngé.

1 TIMOTIUS 1:17

Allataala, Arunna sininna wettué, sitinajai ripakalebbi sibawa tuli ripoji, saba' Aléna mannennungeng, iya dé'é napaita sibawa iya séuwaé! Aming.

1 TIMOTIUS 6:16

Aléna bawang dé' nawedding rikuwasai ri amaténgngé; tuwoi ri laleng cahaya iya dé'é nawedding riyaddeppéri ri muwi niga. Dé'gaga muwi séddi tolino iya puraé mitai Aléna, iyaré'ga mulléi mitai Aléna. Ri Aléna ritu alebbirengngé sibawa akuwasangngé lettu mannennungeng! Aming.

WAHYU 10:6

Mattanroi ri laleng asenna Allataala iya tuwoé mannennungeng, iya pancajiyéngngi langié, linoé sibawa tasi'é enrengngé sininna séuwa-séuwaé iya engkaé ri lalenna. Makkedai iyaro malaéka'é, “Dé'na matu naripasoro wettunna!

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”

WAHYU 4:10

iya duwappuloé eppa pamimpingngéro tassulunni ri yolona iya tudangngé ri kadéra arajangngéro, nainappa nasompa Aléna iya tuwoé mannennungeng. Nainappa naggenrungeng mennang sining passigera'na ri yolona iyaro kadéra arajangngé sibawa makkeda,

WAHYU 4:9

Iya eppa mahlu'éro makkélongngi élokkélong pappojiyang, pappakalebbi sibawa sukkuru' lao ri Aléna iya tudangngé ri kadéra arajangngéro, iyanaritu Aléna iya tuwoé lettu mannennungeng. Na wettunna iyaro mahlu'-mahlu'é makkélong,