DANIEL 4:32 - KITTA KAREBA MADECENG

³² Ripaddésu'ko matu polé ri masaraka tolinoé, nenniya tuwo sibawa sining olokolo'é ri padangngé. Pituttaung ittana manréko matu wella pada-pada sapingngé. Purairo muwangakuiwi matu makkedaé Allataala Iya Pommatanré makuwasai ri yasé'na akkarungenna tolinoé na iyaro akkarungengngé Nabbéréyangngi lao ri nigi-nigi iya Napilé.”

DANIEL 4:32 ပူးပေါင်းရင်းမြစ်များ

2 TAWARIKH 33:13

Natarimani Allataala sempajanna Manasyé nanapalisui ri Yérusalém untu' mapparéntasi. Nasaba kajajiyangngéro mateppe'ni Manasyé makkedaé Puwangnge iyanaritu Allataala.

AYUB 9:12

Rékko marrampasa'i, niga barani mattéyangngi? iyaré'ga barani makkutana ri Aléna, ‘Eh, maga-Ko?’

MAZMUR 115:3

Allataalata engkai ri surugaé, napogau'i aga iya Naéloriyé.

MAZMUR 135:6

Napogau'i aga iya Naéloriyé, ri langié sibawa ri linoé, ri tasi'é sibawa ri dolangeng iya maliyungngé.

ASSURENG 8:10

Nappébali iyaro arungngé, “Assempajanno untu' aléku baja.” Nakkeda Musa, “Maéloka pogau'i aga iya naéllauwé Puwakku. Nanaissengngi matu Puwakku makkedaé dé'gaga Allataala laingngé pada-padanna Puwangnge, Allataalata.

ASSURENG 9:14

Iyaé sisengngé Upapoléi matu abalaé tenniya banna risining pejaba'é sibawa ra'ya'é bawang, iyakiya laoto ri iko, kuwammengngi muwissengngi makkedaé dé'gaga padak-Ku ri sininna linoé.

ASSURENG 9:29

Nakkeda Musa lao ri arungngé, “Lettu'ku muwa ri saliweng kota, uwakkai matu limakku untu' massempajang ri Puwangnge. Mappésauwi matu guttué sibawa soroi matu bosi ése'é, kuwammengngi naissengngi Puwakku makkedaé iyaé linoé appunnangenna Puwangnge.

YESAYA 37:20

Oh Puwang Allataalata, paleppe'ki polé risining tau Asyur-éro, kuwammengngi sininna bangsaé ri linoé naissengngi makkedaé Idi alé-aléna Puwang.”

YESAYA 40:15

Untu' Puwangnge bangsa-bangsaé pada-padai sitetti uwai ri laleng séro'é, pada-padai séddié awu ri timbangengngé; padai ringenna pulo-puloé sibawa awu manenné'é.

YESAYA 40:17

Sininna bangsaé dé' bettuwanna lao ri Aléna, samanna dé'gaga ri yolo-Na.

YESAYA 45:3

Na-Uwérékko matu waramparang asugireng iya tassubbué, kuwammengngi muwissengngi Iyya ritu Puwang, Allataalana Israélié, iya puraé mobbiko sibawa asemmu.

YEREMIA 27:5

“Nasibawang akuwasak-Ku iya battowaé nenniya nasibawang awatangek-Ku purani Upancaji linoé sibawa tolinoé nenniya sininna olokolo'é, naweddik-Ka mabbéréyangngi lao ri nigi-nigi iya Uwéloriyé.

DANIEL 2:21

Aléna ritu pattette'i wettué sibawa pattaungengngé, Aléna galéttéi sibawa lanti'i panguwasaé. Aléna ritu mabbéré apanréng, enrengngé mabbéréyangngi pappéjeppué.

DANIEL 4:31

Dé'pa napajaka mabbicara wettunna paéngkalinga sadda polé ri langié, “Arung Nébukadnézar, éngkalingai iyaé! Akuwasammu selaku arung riyalani polé ri alému.

DANIEL 5:21

Ripaddésu'i polé ri masaraka tolinoé sibawa akkalenna mancajiwi pada-pada akkaleng olokolo'é. Tuwoi silaong kaleddé ale'é, manré wella pada-pada sapingngé sibawa matinroi ri tana lapangngé angkanna ririca ri cinoddoé. Angkanna nangakui makkedaé Allataala Iya Pommatanré makuwasai ri akkarungeng tolinoé na iyaro akkarungengngé Nabbéréyangngi lao ri nigi-nigi iya Napilé.

YOSUA 4:24

kuwammengngi naissengngi sininna tauwé ri linoé pékkugi rajanna akuwasanna Puwangnge. Nanallalengiwi mupakalebbii matu Puwang Allataalamu untu' mannennungeng.”