DANIEL 4:3 - KITTA KAREBA MADECENG

³ Temmaka rajanna appahérangeng iya napogau'é! Temmaka serona anu makalallaing iya napogau'é! Mancaji arungngi matu Allataala untu' mannennungeng. Makuwasai sillampé wettué.”

DANIEL 4:3 ပူးပေါင်းရင်းမြစ်များ

MAZMUR 104:24

Temmaka égana winru-Mu, Puwang, iya manenna Mupancajiwi sibawa mapanré; pennoi linoé sibawa iya Mupancajiyé.

MAZMUR 105:27

Ri Maséré napogau'i anu makalallaingngé, pangkaukeng-pangkaukeng battowa polé ri Puwangnge,

MAZMUR 145:13

Apparéntam-Mu tette'i sillampé wettué, akuwasam-Mu mattahangngi massossoreng. Matinului Puwangnge lao ri sininna jancin-Na, pennoi pammasé ri laleng sininna pangkauken-Na.

MAZMUR 66:7

Mapparéntai sibawa barani untu' mannennungeng. Najagaiwi bangsa-bangsaé, kuwammengngi dé' naulléi matempo tau maronta'é lao ri Aléna.

MAZMUR 72:18

Ripojiwi Puwangnge, Allataalana Israélié! Banna Aléna pogau'i gau'-gau' iya mappabengngaé.

MAZMUR 77:19

Maddalenrung guttué, reppe billa'é, taggottang linoé sibawa ténré.

MAZMUR 86:10

Saba' poré-Ko sibawa pogau'i sining anu makalallaingngé, banna Iko ritu Allataala.

MAZMUR 92:5

Saba' pangkaukem-Mu pésennangiwi atikku, makkélokka marennu nasaba winru-Mu.

YESAYA 25:1

Puwang, Iko ritu Allataalaku, upakaraja-Ko sibawa upojiwi asem-Mu. Saba' ébbu-ébbu-Mu mappabengnga senna; mappammulai riyolo Murancanai, sibawa pogau'i sibawa matinulu.

YESAYA 28:29

Iyaro apanréngngé poléi ri Puwang Iya Pommakuwasaé. Sininna rancana-Na Puwangnge mapanréi sibawa tuli mallolongengngi.

YESAYA 9:7

Puwangnge pura pateppai pahukkungengngé ri yasé'na akkarungenna Israélié.

YEREMIA 10:10

Iyakiya Idi, Puwang, Allataala iya tongengngé, Allataala mabbéré atuwong, arung mannennungengngé. Rékko macai-Ko, taggottangngi linoé, rékko majjameru'-Ko dé' natahang bangsa-bangsaé. (

DANIEL 2:2

Rimakkuwannanaro naobbini sining pabotoé, pajjappi maccaé, sanroé sibawa sining tau mappangissengengngé, untu' pakatajangngi nippinnaro.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 4:17

Iyanaro apettutta idi malaéka'-malaéka' iya matike'é sibawa sadiya-sadiyaé. Akkattata iyanaritu kuwammengngi sining tauwé muwi kégi mangakuiwi, makkedaé Allataala Iya Pommatanré makuwasai lao ri akkarungenna tolinoé sibawa iyaro akkarungengngé Nabbéréyangngi lao ri nigi-nigi iya Napilé, mala muwi lao ri tau iya kaminang dé'é gaga bettuwanna!’

DANIEL 7:14

Riwéréngngi alebbireng sibawa akuwasang selaku arung, angkanna sining tau polé ri sininna bangsaé, suku bangsaé sibawa basaé mattumaniwi lao ri aléna. Mattahangngi matu akuwasanna lettu mannennungeng, apparéntanna dé' matu naripalésso.

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

ROMA 11:33

Masero senna' asugirenna Allataala! Battowa tongeng apanréngen-Na sibawa pangissengen-Na! Nigana mulléi salidikiwi sining apettun-Na? Nigana mulléi majeppuiwi cara-carana majjama?

ULANGENG 4:34

Engkaga naengka séuwa déwata iya baraniyé malai séddié bangsa polé ri bangsa-bangsa iya engkaé nainappa napancaji mennang umma ri aléna, pada-pada iya napogau'é Puwang Allataalamu untu' iko ri Maséré? Alému mitai pékkugi Allataala sibawa awatangeng iya battowaé papolé abala sibawa musu, pogau'i sining anu makalallaingngé sibawa pogau'i gau'-gau' iya maseroé.

1 TIMOTIUS 1:17

Allataala, Arunna sininna wettué, sitinajai ripakalebbi sibawa tuli ripoji, saba' Aléna mannennungeng, iya dé'é napaita sibawa iya séuwaé! Aming.

IBRANI 1:8

Iyakiya lao ri Ana'éro, makkedai Allataala, “Kadéra arajam-Mu, oh Allataala, mannennungengngi matu! Apparéntangem-Mu iyanaritu apparéntang iya adélé'é.

IBRANI 2:4

Ri lainnaéro, turu'i Allataala péwatangiwi asabbiyanna iyaro sining tauwé ri laleng napakangkana maddupa-rupang anu makalallaing enrengngé gau'-gau' iya dé'é padanna kuwaéttopa mabbagé-bagéyangngi sining pabbéré polé ri Rohna Allataala situru élo-Na muto.

1 PETRUS 4:11

Tau iya mappalettu'é biritta, harusu'i palettu' biritta polé ri Allataala; tau iya tumaningiyéngngi tau laingngé, harusu'i natumaningi sibawa awatangeng polé ri Allataala, kuwammengngi ri laleng sininna gau'é, weddingngi ripakaraja Allataala naolai Yésus Kristus. Aléna ritu makuwasa sibawa sipato' ripakaraja lettu mannennungeng. Aming.

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”