DANIEL 4:2 - KITTA KAREBA MADECENG

² Macinnaka curitai passalenna anu makalallaingngé sibawa mappahérangngé iya puraé napogau' Allataala Iya Pommatanré lao ri iyya.

DANIEL 4:2 ပူးပေါင်းရင်းမြစ်များ

AYUB 7:14

Iyakiya Mupéttaurika sibawa nippi; Mupapoléi nippi majaé sibawa nawa-nawangngé.

MAZMUR 51:14

Ebbuka marennu paimeng nasaba asalamakeng polé ri alé-Mu, wérékka ati iya macenningngé untu' matinulu ri Iko.

MAZMUR 65:9

Sininna pabbanuwana linoé métau sibawa mappakalebbi mitai sining pangkaukem-Mu iya maseroé. Sininna linoé polé ricappa'na lao ri cappa'na Muwébbui gora-gora marennu.

MAZMUR 66:16

Poléni sibawa éngkalingai, éh sininna tau mateppe'é, ucuritai matu aga napogau' Allataala ri aléku.

MAZMUR 71:18

Oh Allataala, aja' tasalaika, lettu macowaka sibawa maubeng, kuwammengngi uwabbirittangngi akuwasammu sibawa abaraningem-Mu lao ri sininna assossoreng mangoloé.

DANIEL 2:1

Riséuwaé wenni, duwattaung mapparéntanana Arung Nébukadnézar, mannippiwi. Iyaro nippinna makkuwamani pausérinna atinna, angkanna dé'na nawedding matinro.

DANIEL 3:26

Nainappa maddeppé Nébukadnézar ri sumpanna apiéro sibawa mangobbi, “Sadrakh, Mésakh sibawa Abédnégo, ata-atanna Allataala Iya Pommatanré! Assuno polé ri apiéro!” Namassuna mennang.

DANIEL 4:17

Iyanaro apettutta idi malaéka'-malaéka' iya matike'é sibawa sadiya-sadiyaé. Akkattata iyanaritu kuwammengngi sining tauwé muwi kégi mangakuiwi, makkedaé Allataala Iya Pommatanré makuwasai lao ri akkarungenna tolinoé sibawa iyaro akkarungengngé Nabbéréyangngi lao ri nigi-nigi iya Napilé, mala muwi lao ri tau iya kaminang dé'é gaga bettuwanna!’

DANIEL 4:24

Puwakku, iyanaé bettuwanna pakkitangngéro, sibawa iyanaé iya napettuiyé Allataala Iya Pommatanré passalenna Puwakku.

DANIEL 4:25

Ripaddésu'i matu Puwakku polé ri masaraka tolinoé sibawa tuwo ri yelle'na sining olokolo'é ri padangngé. Pituttaung ittana manréi matu wella Puwakku pada-pada sapingngé sibawa matinro ri tana lapangngé, angkanna ririca ri cinoddoé. Purapiro nappai nangakui Puwakku makkedaé Allataala Iya Pommatanré makuwasai ri yasé'na akkarungeng tolinoé, Nanabbéréyangngi iyaro akkarungengngé lao ri nigi-nigi iya Napilé.

DANIEL 4:34

Labe'nana iyaro wettu pituttaungngé, congana ri langié, nanalisuna amaingekekku. Naupojiwi Allataala Iya Pommatanré. Upojiwi sibawa upakalebbii Aléna iya tuwoé mannennungenro. “Mancaji arungngi matu Allataala untu' mannennungeng. Makuwasai sillampé wettué.

DANIEL 5:18

Allataala Iya Pommatanré mébbui Nébukadnézar, ambo'na Puwakku mancaji arung maraja sibawa mpéréngngi arajang nenniya ataromporeng.

DANIEL 6:27

Uwapparéntangngi lao ri sininna tauwé iya engkaé ri daérana akkarungekku kuwammengngi namétau sibawa mappakalebbi lao ri Allataala iya nasompaé Daniél! Aléna iyanaritu Allataala iya tuwoé mannennungeng, lettu ripaccappurenna linoé mapparéntai. Akkarungen-Na dé' namakkullé binasa. Akuwasan-Na dé'gaga cappuna.

DANIEL 7:25

Mabbicarai matu méwai Allataala Iya Pommatanré sibawa tenre'i umma'na Allataala. Makkuragai matu pinrai hukkung-hukkungngé sibawa pésta-pésta agamana umma'na Allataala, narikuwasai matu mennang tellu sitengnga taung ittana.

YOHANES 4:48

Nakkeda Yésus lao ri pegawé saorajaéro, “Rékko dé' muwitai anu makalallaingngé, dé' mumateppe.”

YOSUA 7:19

Nakkeda Yosua lao ri Akhan, “Ana'ku, akuini sibawa powadani terus terang kuwaé ri yolona Puwangnge, Allataalana Israélié, aga pura mupogau'. Paissengika, aja' musubbui.”