DANIEL 4:18 - KITTA KAREBA MADECENG

¹⁸ Eh Béltsazar, iyanaro nippikku. Makkekkuwangngé powadani bettuwanna lao ri iyya. Dé' muwi séddi tau polé risining tau accaé iya engkaé ri akkarungekku mulléi powadai lao ri iyya, iyakiya iko mulléi, saba' ripennoiko ri rohna déwata-déwata iya mapaccingngé.”

DANIEL 4:18 ပူးပေါင်းရင်းမြစ်များ

KAJAJIYANG 40:12

Nakkeda Yusuf, “Iyanaé pappakatajanna: Iyaro tellué takké bettuwanna tellungngesso.

KAJAJIYANG 41:15

Nakkeda arungngé ri aléna, “Puraka mannippi, nadé'gaga séddi tau mulléi pakatajangngi bettuwanna. Engka mabbirittangngi ri iyya makkedaé mulléi pakatajangngi nippié.”

KAJAJIYANG 41:8

Elénana maséssani arungngé, rimakkuwannaro nasuroni mobbii sininna passéhéré'é sibawa tau maccaé ri Maséré. Nainappa nacurita nippinna lao ri mennang, iyakiya dé' muwi séddi tau mulléi pakatajangngi bettuwanna.

YESAYA 19:3

Dé' upajajiwi matu rancana-rancanana Maséré sibawa lemmaiwi sumange'na mennang. Méllauwi matu mennang pattulung ri barahala-barahalaé, méllau pangaja sibawa panunju lao risining sanroé sibawa roh-roh-é.

DANIEL 1:20

Tungke' arungngé pangolo persoalang iya mapparelluwangngé pappakatajang sibawa pertimbangang, naitai makkedaé pangaja sibawa tangngana iya eppa kalloloéro wékkaseppulo lebbi makessinna naiya pangajana sibawa tangngana sininna paboto enrengngé pajjappi maccaé risininna akkarungenna.

DANIEL 2:38

Napancajiwi Puwakku panguwasana lao ri sibagiyang linoé iya engkaé pabbanuwana sibawa lao ri sininna manu'-manu'é nenniya olokolo laingngé. Aléna Puwakku iyanaritu ulu ulawengngé ri dato'-dato'éro.

DANIEL 2:7

Mappébalisi mennang, “Sitinajanna Puwakku mappaissengengngi riyolo iyaro nippié lao ri idi, purapiro natapakatajangngi matu bettuwanna.”

DANIEL 5:15

Sining tomaccaé sibawa ahli pajjappié purani nacoba bacai iyaé okié sibawa paissengika bettuwanna. Iyakiya dé' naulléi mennang.

DANIEL 5:8

Malluruni sining tau accaé, iyakiya dé' muwi séddi tau mulléi bacai iyaro okié iyaré'ga mappaissengengngi bettuwanna lao ri arungngé.

AMOS 3:7

Puwang Iya Pommatanré dé' naengka napogau'i séuwaé tennapannessai rancana-Na lao risining nabié, ata-atan-Na.