DANIEL 4:14 - KITTA KAREBA MADECENG

¹⁴ Makkedai sibawa macenno, ‘Tubbangngi ajuéro sibawa rette'i takké-takkéna, padduttungngi daud-daunna sibawa assiyamporengngi buwana. Rukkai olokolo iya léwué ri yawana sibawa manu'-manu' iya massarangngé ri takké-takkéna.

DANIEL 4:14 ပူးပေါင်းရင်းမြစ်များ

AYUB 24:20

Riyallupaiwi ri indo'na muto, sibawa sining latié manréi tubunna. Asenna dé'na narisénge'na matu; ripaccappui pada aju iya maléttungngé.

YEREMIA 27:5

“Nasibawang akuwasak-Ku iya battowaé nenniya nasibawang awatangek-Ku purani Upancaji linoé sibawa tolinoé nenniya sininna olokolo'é, naweddik-Ka mabbéréyangngi lao ri nigi-nigi iya Uwéloriyé.

YEREMIA 51:6

Passalama'i alému! Larino polé ri Babél, aja' narapiko maccowé riyuno nasaba dosana! Saba' iyanaé wettunna Uwale' jana Babél, sibawa hukkungngi situru sibawa pangkaukenna.

YEREMIA 51:9

Tau laing iya monroé kuwaro makkedai séddié lao ri laingngé, ‘Purani makkuraga tulungngi Babél, iyakiya matengnge'ki! Lebbi kessing muwi tasalaiwi iyaé wanuwaé natalisu ri wanuwatta tungke-tungke. Puwangnge pura hukkungngi Babél sibawa maladde, sibawa mancuru sisengngi.’ ”

YEHEZKIEL 31:10

Rimakkuwannanaro, Iyya, Puwang Iya Pommatanré, paissengiko aga kajajiyang matu ri aju iya coppo'naé lettu ri ellungngéro. Saba' pédé matanréi, pédé matempo towi.

DANIEL 2:21

Aléna ritu pattette'i wettué sibawa pattaungengngé, Aléna galéttéi sibawa lanti'i panguwasaé. Aléna ritu mabbéré apanréng, enrengngé mabbéréyangngi pappéjeppué.

DANIEL 3:4

gorani ajudanna arungngé sibawa macenno, “Saudara-saudara polé ri sininna bangsaé, suku bangsaé sibawa basaé! Engkalingai iyaé paréntana arungngé:

DANIEL 4:12

Manyila daud-daunna sibawa maéga senna buwana, genne untu' nanré pabbanuwana sininna linoé. Olokolo maliyaé léwui ri yawa accinaungenna sibawa manu'-manu'é massarangngi ri takké-takkéna. Na sininna anu tuwoé weddingngi nanré buwa-buwana.

DANIEL 4:23

Naita towi Puwakku séddi malaéka' nonno polé ri surugaé namakkedato, ‘Tubbangngi iyaé ajué sibawa paccappui, iyakiya leppessangngi tona monro ri laleng tanaé. Siyoi sibawa ranté bessi nenniya tembaga nainappa musalai ri padang wellaé. Leppessanni narica cinoddo sibawa tuwo silaong sibawa olokolo'é pituttaung ittana.’

DANIEL 4:29

Seppulo duwa uleng ri munrinna, wettukku joppa-joppa ri tammengngé ri langga yasé'na saorajaku ri Babél,

DANIEL 5:20

Iyakiya wettunna mancaji matempo, matedde ati sibawa mabecco, ripasempé'i polé ri kadéra akkarungenna angkanna ateddéngeng arajanna.

DANIEL 5:21

Ripaddésu'i polé ri masaraka tolinoé sibawa akkalenna mancajiwi pada-pada akkaleng olokolo'é. Tuwoi silaong kaleddé ale'é, manré wella pada-pada sapingngé sibawa matinroi ri tana lapangngé angkanna ririca ri cinoddoé. Angkanna nangakui makkedaé Allataala Iya Pommatanré makuwasai ri akkarungeng tolinoé na iyaro akkarungengngé Nabbéréyangngi lao ri nigi-nigi iya Napilé.

MATIUS 3:10

Sadiyani wasé untu' tubbangngi pong ngajué lettu ri ure'-ure'na. Tungke' pong ngaju iya dé'é napowassélé' buwa makessing ritubbangngi matu naribuwang ri laleng apié.

MATIUS 7:19

Tungke' pong ngaju iya dé'é naulléi powassélé buwa makessingngé, ritubbangngi naritunu.

LUKAS 3:9

Sadiyani wasé untu' tubbangngi pong ajué lettu ri ure'-ure'na. Tungke' pong aju iya dé'é napowassélé' buwa makessing ritubbangngi matu naribuwang ri laleng apié.”

WAHYU 10:3

Nainappa gora sibawa sadda battowa pada-pada sining singaé iya mattengngangngé mowang. Puranana gora iyaro malaéka'é, iya pitu guttué mappébalini sibawa sadda maddalenrung.

WAHYU 18:2

Nasibawang sadda iya battowaé, gorai, “Sempé'ni! Sempé'ni Babél battowaé! Makkekkuwangngé mancajini onronna sining sétangngé sibawa sining roh majaé. Ri lalenna tuwoi sininna rupanna manu'-manu' iya najisi'é sibawa iya nacéccé tauwé.