DANIEL 4:12 - KITTA KAREBA MADECENG

¹² Manyila daud-daunna sibawa maéga senna buwana, genne untu' nanré pabbanuwana sininna linoé. Olokolo maliyaé léwui ri yawa accinaungenna sibawa manu'-manu'é massarangngi ri takké-takkéna. Na sininna anu tuwoé weddingngi nanré buwa-buwana.

DANIEL 4:12 ပူးပေါင်းရင်းမြစ်များ

AYUB 12:24

Napancajiwi sining pamimpingngé alippuwang, angkanna sollé mennang temmakkéakkatta.

AYUB 14:7

Engka mupa addennuwang lao ri aju iya ritubbangngé; cura'i matu paimeng, nainappa mattakké.

AYUB 14:9

iyakiya rékko nagéssai uwai, tuwoi paimeng; pada-pada tanet-taneng maloloé, mompoi cura-cura'na paimeng.

AWATINGENG 4:20

Natikkengngi mennang arung napiléna Puwangnge, tau iya tattuwangngé selaku pabbéré atuwong, sibawa pallinrung polé ri balié.

YEHEZKIEL 17:23

Uwaddincekengngi ri bulu iya kaminang matanré ri Israélié. Kuwaniro matu cura', sibawa powassélé buwa, nainappa mancaji aju camara iya magaggaé. Sininna rupanna manu'-manu'é massarangngi matu ri lalenna sibawa mallinrung ri yawana accinaungenna.

YEHEZKIEL 31:17

Natinrosiwi matu mennang lao ri linona tau maté nenniya maddeppungeng sibawa mennang iya sempé'énna lebbi riyolo. Na sininna iya tudangngé riyolo ri yawana ajuéro ritale'i matu ri yelle'na bangsa-bangsaé.

DANIEL 4:14

Makkedai sibawa macenno, ‘Tubbangngi ajuéro sibawa rette'i takké-takkéna, padduttungngi daud-daunna sibawa assiyamporengngi buwana. Rukkai olokolo iya léwué ri yawana sibawa manu'-manu' iya massarangngé ri takké-takkéna.

MATIUS 13:32

Batu sawi iyanaritu biné iya kaminang baiccu'é. Iyakiya rékko tuwoi, mancajiwi iya kaminang battowaé ri yelle'na tanet-tanengngé. Mabbatangngi, angkanna poléi manu'-manu'e massarang ri takke-takkena.”

MARKUS 13:32

“Namuni makkuwaro, dé'to séddi tau missengngi uppanna essona iyaré'ga tetté siyaganna. Malaéka'-malaéka'na ri surugaé dé, sibawa Ana'na dé'to, banna Ambo'é bawang missengngi.

MARKUS 4:32

Iyakiya rékko tuwoi, mancajiwi pong battowa ri yelle'na tanet-tanengngé. Takké-takkéna makkuwamani woronna angkanna poléi manu'-manu'é mébbu sarang ri yawana accinaungenna.”

LUKAS 13:19

Keadaanna pada-pada pakkalarapang mangoloéwé. Séddi batu sawi nalai séddié tau nainappa nataneng ri dare'na. Iyaro batu sawi-sawié tuwoi namancaji pong ngaju, naébbuna sarang manu'-manu'é ri takké-takkéna pong ngajuéro.”