DANIEL 4:1 - KITTA KAREBA MADECENG

¹ Iyanaé pappallebbanna Arung Nébukadnézar iya nakkiringengngé lao risining tau polé ri sininna bangsaé, suku bangsaé sibawa basaé ri sininna linoé: “Salama!

DANIEL 4:1 ပူးပေါင်းရင်းမြစ်များ

1 TAWARIKH 12:18

Sala séddinna polé ri mennang, iyanaritu Amasai, iya rimunri mancaji pamimping kalompo iya riteppué “Kalompo Telluppuloé”, rikuwasaiwi ri Rohna Allataala nainappa makkeda, “Daud, ana' Isai! Idi sokokko! Tennapodo iko sibawa mennang iya duwangngékko mallolongengngi. Engkai Allataala rangengekko!” Nanatarimani Daud mennang sibawa nakkai mennang mancaji parawira ri laleng tentarana.

EZRA 4:17

Nanakirinni arungngé pappébalinnaé, “Nalettu ri Gubernur Réhum sibawa Simsai jurutulisi'na propinsié, enrengngé sellao-sellaona iya monroé ri Samaria sibawa ri kota-kota laingngé ri propinsi Efrat Yajang. Salama.

EZRA 5:7

“Lettu natarimai Arung Darius. Tennapodo mapparéntai Datu sibawa saléwangeng!

ESTER 3:12

Na ri tanggala seppulona tellu uleng séddi, naobbini Haman sining jurutulisi'na arungngé. Risuroni mennang moki sure' situru sibawa sininna iya riparéntangngéngngi, nainappa iyaro sure'é ribettuwangi ri laleng sininna basaé sibawa rilémba ri laleng sininna oki iya ripaké ri akkarungengngéro. Iyaro sure'é riyokii ri laleng asenna Arung Ahasywéros sibawa rica' sibawa ciccinna, nainappa nakiring masitta lao risining panguwasaé, gubernur-é sibawa tomarajaé ri sininna propinsié. Lise'na iyanaritu parénta makkedaé ri tanggala seppulona tellu uleng Adar, sininna bangsa Yahudié, muwi macowa iyaré'ga malolo, muwi makkunrai iyaré'ga ana'-ana', harusu'i riyuno temmaddampeng, sibawa rirappai waramparanna mennang.

ESTER 8:9

Iyatoro essoé, iyanaritu tanggala 23 uleng tellu, uleng Siwan, naobbini Mordékhai sining jurutulisi'na arungngé nanaparéntangngi mennang moki sure' lao risining gubernur-é ri iya 127 propinsié, polé ri India lettu ri Sudan. Iyaro sure'-sure'é riyokii ri laleng basa sibawa oki propinsi-propinsiéro tungke'-tungke'. Nakiring towi iyaro sure'é lao ri tau Yahudié ri laleng basa sibawa oki Yahudi.

DANIEL 3:29

Rimakkuwannanaro uwapparéntangngi makkedaé tungke' tauwé muwi polé ri bangsaé, suku bangsaé iyaré'ga basaé, iya powadaé pappakatuna lao ri Allataala iya nasompaé Sadrakh, Mésakh sibawa Abédnégo, rilétta'-létta'i matu sibawa riruttungngi matu bolana naripancaji goppo sésa-sésa. Saba' dé' gaga déwata iya mullééngngi pogau'i aga iya puraé napogau' Allataalaro.”

DANIEL 3:4

gorani ajudanna arungngé sibawa macenno, “Saudara-saudara polé ri sininna bangsaé, suku bangsaé sibawa basaé! Engkalingai iyaé paréntana arungngé:

DANIEL 6:25

Nainappa naparéntang arungngé tauwé kuwammengngi natikkengngi sining tau iya puraé mapparapekengngi Daniél. Nainappa mennang silaong sibawa ana'-ana'na nenniya sining bainéna riyaggenrungeng ri laleng gowa singaéro. Dé'pa mennang nalettu ri borina gowaéro, iyaro singa-singaé naluruini mennang sibawa reppo'i buku-bukunna.

DANIEL 6:27

Uwapparéntangngi lao ri sininna tauwé iya engkaé ri daérana akkarungekku kuwammengngi namétau sibawa mappakalebbi lao ri Allataala iya nasompaé Daniél! Aléna iyanaritu Allataala iya tuwoé mannennungeng, lettu ripaccappurenna linoé mapparéntai. Akkarungen-Na dé' namakkullé binasa. Akuwasan-Na dé'gaga cappuna.

DANIEL 7:14

Riwéréngngi alebbireng sibawa akuwasang selaku arung, angkanna sining tau polé ri sininna bangsaé, suku bangsaé sibawa basaé mattumaniwi lao ri aléna. Mattahangngi matu akuwasanna lettu mannennungeng, apparéntanna dé' matu naripalésso.

ZAKHARIA 8:23

Ri esso-essoéro seppulo tau laing laowi matu ri séddié tau Yahudi sibawa makkeda, ‘Macinna tokki maupe pada-pada iko; saba' riyéngkalingai makkedaé Allataala barakkakiko.’ ” Puwang Iya Pommakuwasaé pura mabbicara.

RIWAYA'NA RASUL-RASUL-E 2:6

Wettunna naéngkalinga iyaro onié, maéga senna' tau polé makkatulung. Tasséleng manenni mennang méngkalingai sining tau mateppe'éro mabbicara ri laleng basana mennang tungke'-tungke'.

ROMA 1:7

Iyaro saba'na uwokii iyaé sure'é lao ri iko. Tennapodo Allataala Ambo'ta sibawa Puwang Yésus Kristus mabbéré barakka sibawa asaléwangeng lao ri iko.

EFESUS 1:2

Iyya, Paulus, surona Kristus Yésus nasaba élona Allataala, mamménasa tennapodo Allataala Ambo'ta sibawa Puwang Yésus Kristus mabbéré barakka sibawa asaléwangeng lao ri iko.