Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DANIEL 3:7 - KITTA KAREBA MADECENG

7 Naéngkalinganana ripaoni paréwa musi'éro, sining tau polé risininna bangsaé, suku bangsaé sibawa basaé, suju'ni sibawa sompai dato'-dato' ulawengngéro.

အခန်းကိုကြည့်ပါ။ ကော်ပီ




DANIEL 3:7
15 ပူးပေါင်းရင်းမြစ်များ  

Iya labe'é pada-padai Babél kaca ulaweng iya Uwakkatenningngé sibawa iya mébbuéngngi sininna linoé mabo'. Ménungngi anggoro bangsa-bangsaé polé ri kacaéro, angkanna mennang mancaji jangeng.


Nanasuju'na Arung Nébukadnézar ri yolona Daniél sibawa mabbéré parénta kuwammengngi naripakalebbi Daniél sibawa riyakkasuwiyangeng lao ri aléna akkarobangeng ritunu enrengngé akkarobangeng-akkarobangeng iya laingngé.


Aléna Puwakku pura passu parénta makkedaé ripaoninna muwa paréwa musi'é, sininna tauwé harusu'i suju' sibawa sompai dato'-dato' ulawengngéro,


gorani ajudanna arungngé sibawa macenno, “Saudara-saudara polé ri sininna bangsaé, suku bangsaé sibawa basaé! Engkalingai iyaé paréntana arungngé:


Rékko moniwi tarompé'é, riyaccowéri ri oni sulingngé, kacapié, rebanaé, gambusu'é, serdangngé sibawa paréwa musi' laingngé, harusu'i saudara-saudara suju' sompai dato'-dato' ulaweng iya puraé napatettong Arung Nébukadnézar.


Nigi-nigi dé' naturusiwi iyaé paréntaé, matterui riyaggenrungeng ri laleng api iya malluwa'-luwa'é.”


Siyagangngaré tau Babél pakéi kasempatangngéro untu' cilakaiwi tau Yahudié.


Ri wettu labe'é naleppessangngi Allataala tuwo bangsa-bangsaé situru élona tungke'-tungke'.


Taissenni makkedaé idi'é appunnangennai Allataala, namuni sininna linoéwé engkai ri yawa akuwasanna Si Majaé.


Iyaro naga battowaé riyabbéyanni massu! Aléna ritu iyaro ula macowaé iya riyasengngé Ibillisi' iyaré'ga Sétang, iya bellééngngi sininna linoé. Ribuwanni ri linoé silaong sininna malaéka'na.


Sibawa sininna tau iya tuwoé ri linoé nabengnguwangngi sibawa sining anu makalallaingngé iya weddingngé naébbu ri yolona olokolo' iya mammulangngéro. Sibawa nasuro manengngi mennang patettong séuwa dato'-dato' polé ri olokolo'éro iya puraé nalo peddang, iyakiya tette'i tuwo.


Séddi polé ri yelle'na iya pitu ulunna olokolo'éro paitai pada-pada lo maseroé, iyakiya iyaro loé sauni. Sininna linoé maccowériwi iyaro olokolo'é sibawa marasa hérang.


Iyaro olokolo'é risompai matu ri sininna tau iya tuwoé ri yasé'na linoé, sangadinna sining tau iya asennaé purani riyoki riwettu dé'napa naripancaji linoé, ri laleng kitta'na tau tuwoé appunnangenna Ana' Bimbala' iya puraé rigéré.


Iyaro olokolo'é engka naengka natuwo riyolo, iyakiya makkekkuwangngé dé'na natuwo. Cinampe'pi nassu matu polé ri pepping amaténgngé enrengngé nalao matu mattuju ri abinasangngé. Sining tau iya tuwoé ri linoé riwettu dé'napa naripancaji linoé iya asennaé dé' nariyoki ri laleng Kitta'na Tau Tuwoé, iyaro sining tauwé hérangngi matu rékko naitai iyaro olokolo'é. Saba' iyaro olokolo'é engka naengka natuwo riyolo. Makkekkuwangngé dé'na natuwona, iyakiya maéloi mompo paimeng.


Na iyaro olokolo'é ritikkenni silaong nabi palsué iya mébbuéngngi sining anu makalallaingngé ri yolona olokolo'éro. (Nasibawang sining anu makalallaingngéro iyaro olokolo'é bengnguwangngi sining tau iya mappunnaiyé tanrang olokolo'éro, sibawa sining tau iya sompaéngngi dato'-dato'na olokolo'éro.) Nainappa iyaro olokolo'é sibawa nabi palsuéro riyabbéyang tuwo-tuwo ri laleng tasi apié iya malluwa'-luwa'é sibawa balérang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ