DANIEL 3:30 - KITTA KAREBA MADECENG

³⁰ Purairo napaénré'ni arungngé pangka'na Sadrakh, Mésakh sibawa Abédnégo, angkanna mennang mancaji pajaba-pajaba matanré ri propinsi Babél.

DANIEL 3:30 ပူးပေါင်းရင်းမြစ်များ

MAZMUR 1:3

Iyaro tauwé naduppai sininna usahana; pada-padai ajué ri wiring saloé iya mabbuwaé ri wettunna sibawa dé' naengka namakelle daunna.

MAZMUR 91:14

Adanna Puwangnge, “Tau iya pojiyékko Upassalama'i matu, iya mangakuiyék-Ka Ulinrungiwi matu.

DANIEL 1:7

Kapala ruma tanggana saorajaé sulléiwi aseng-ngasenna mennang mancaji: Béltsazar, Sadrakh, Mésakh sibawa Abédnégo.

DANIEL 2:49

Iyakiya nasaba paréllaunna Daniél, nabbéréyangngi arungngé apparéntanna propinsi Babélro lao ri Sadrakh, Mésakh sibawa Abédnégo, na aléna Daniél monroi ri saorajaé.

DANIEL 3:1

Ri séuwaé wettu mébbui Arung Nébukadnézar séuwa dato-dato ulaweng iya tanrénaé 27 météré sibawa sakkana nawéki 3 météré. Napatettongngi ri tanété Dura ri propinsi Babél.

DANIEL 3:12

Iyakiya siyagangngaré tau Yahudi iya puraé nawéréng Puwakku apparéntang ri propinsi Babél dé' nabati-batiwi paréntana Puwakkuro. Iyanaritu Sadrakh, Mésakh sibawa Abédnégo. Iyaro sining tauwé dé' namaélo sompai déwata-déwatana Puwakku sibawa dé'to nasompai dato-dato ulaweng iya napatettongngé Puwakku.”

YOHANES 12:26

Tau iya maéloé tumaningi-Ka harusu'i maccowéri-Ka; kuwammengngi nasibawa-Ka matu pattumanik-Ku kégi-kégi-Ka engka. Tau iya tumaningiyék-Ka ripakalebbii matu ri Ambo'-Ku.”

ROMA 8:31

Agana wedding ripowada makkekkuwangngé passalenna iya manennaro? Rékko engkai Allataala ri idi, nigana mulléi méwaki?

1 SAMUEL 2:30

Iyya, Puwang Allataalana Israélié, pura majjanci riyolo, makkedaé kaluwargamu sibawa appammu tumaningika matu selaku imang untu' mannennungeng. Iyakiya makkekkuwangngé dé' Upuwéloi gau'éro! Saba' iya pakalebbiék-Ka, Upakalebbii matu iyakiya iya pakatunaék-Ka, Upakatunai matu.