DANIEL 3:18 - KITTA KAREBA MADECENG

¹⁸ Iyakiya ébara'na dé' Napogau'i, sitinajai napahang Puwakku makkedaé dé' tamaélo sompai déwatana Puwakku sibawa dé'to tasompai dato'-dato' ulaweng iya napatettongngéro Puwakku.”

DANIEL 3:18 ပူးပေါင်းရင်းမြစ်များ

1 ARUNG-NGARUNG 19:14

Nappébali Elia, “Oh Puwang, Allataala Iya Pommakuwasaé, tuli majjamaka banna untu' Alému bawang. Iyakiya umma Israélié najjalékkaiwi assijancinna mennang sibawa Iko. Nabongkara'i mennang mézba-mézba-Mu sibawa mpunoi nabi-nabim-Mu. Banna iyya alé-aléku iya monroé, na makkekkuwangngé maéloi mpunoka!”

1 ARUNG-NGARUNG 19:18

Iyakiya 7.000 tau ri Israélié Upassalama matu, iyanaritu sining tau iya tette'é matinulu ri Iyya sibawa dé' naengka nasuju' sompai dato-dato Baal iyaré'ga bauwi.”

AYUB 13:15

Baranika saba' pettu paddennuwanna! Rékko maéloi Allataala mpunoka, uwabbéréyang bawang, iyakiya uwéwaiwi matu kédo-kédoku ri yolo-Na.

AMSAL 28:1

Lariwi tau majaé nadé'gaga lellungngi, iyakiya tau malempué, baraniwi pada-pada singaé.

DANIEL 3:28

Nainappa makkeda arungngé, “Pojiwi Allataala iya nasompaé Sadrakh, Mésakh sibawa Abédnégo. Purai nasuro malaéka'-Na untu' passalama'i iya tellu atan-Na iya mateppe'é ri Aléna. Purai mennang najjalékkai paréntaku sibawa lebbi napojiwi maté naiya sompaéngngi iyaré'ga tumaningiwi muwi déwata niga sangadinna Allataalana muto mennang.

ANGIMANGENG 19:4

Aja' musompa barahala. Aja' muwébbu dato'-dato' polé ri bessié sibawa sompai. Iyya'na Puwang Allataalamu.

MATIUS 10:28

Aja' mumétau lao ri mennang iya mpunoéngngi tubué, iyakiya dé' namakuwasa mpunoi nyawaé. Etauko ri Allataala iya makuwasaé pabbinasai tubué nenniya nyawaé ri laleng ranaka.

MATIUS 10:39

Tau linrungiyéngngi atuwonna, ateddéngengngi matu atuwonna, iyakiya tau iya ateddéngengngé atuwong nasaba matinului ri Iyya, nalolongengngi matu atuwonna.”

MATIUS 16:2

Nappébali Yésus, [“Rékko labui essoé, makkedako, ‘Makessing wettué, saba' macella langié.’

RIWAYA'NA RASUL-RASUL-E 4:19

Iyakiya mappébaliwi Pétrus sibawa Yohanés, “Alémuna pikkiri'i aga tongeng ri yolona Allataala: turusiwi paréntana Bapa'-bapa' iyaré'ga turusiwi paréntana Allataala.

IBRANI 11:25

Lebbi napojiwi manrasa-rasa silaong umma'na Allataala naiya untu' cinampe'é péneddingiwi asennangengngé polé ri atuwong iya madosaé.

YOSUA 24:15

Akkalarapanna dé' mumaélo mattumani lao ri Puwangnge, alano apettung iyato essoé ri kégiko maélo mattumani: lao ri déwata-déwata laing iya nasompaé néné-nénému ri Mésopotamia riyolo iyaré'ga lao ri déwata-déwatana tau Amorié iya muwonroiyé wanuwanna makkekkuwangngé. Iyakiya idi – iyya sibawa kaluwargaku – maélo mattumani banna lao ri Puwangnge.”

WAHYU 12:11

Saudara-saudarata purani nacau iyaro sibawa darana iyaro Ana' Bimbala'é, enrengngé nasibawang biritta tongengngé iya polé ri Allataala iya nabbirittangngé mennang. Macenning atinna makkarobangengngi nyawana narapi maté.