DANIEL 3:12 - KITTA KAREBA MADECENG

¹² Iyakiya siyagangngaré tau Yahudi iya puraé nawéréng Puwakku apparéntang ri propinsi Babél dé' nabati-batiwi paréntana Puwakkuro. Iyanaritu Sadrakh, Mésakh sibawa Abédnégo. Iyaro sining tauwé dé' namaélo sompai déwata-déwatana Puwakku sibawa dé'to nasompai dato-dato ulaweng iya napatettongngé Puwakku.”

DANIEL 3:12 ပူးပေါင်းရင်းမြစ်များ

ESTER 3:8

Namakkeda Haman lao ri arungngé, “Datu, engka séddi bangsa makalallaing iya tattale'é ri tungke' propinsi akkarungengngéwé. Ade abiyasanna silaingeng senna sibawa bangsa-bangsa laingngé. Dé' mennang naturusiwi hukkung-hukkunna akkarungengngé. Jaji, makessingengngi Datu aja' naleppessangngi mennang pogau'i siélo-élo atinna.

AMSAL 27:4

Iyaro caié mapéddara sibawa paancuru, iyakiya moloiwi pangémpurué niga tahang?

PAKKATOBBA 4:4

Uwisseng towi makkedaé mappallaung ladde'i tolinoé, banna nasaba mangémpurui mitai wassélé usahana balibolana. Iya manennaro siya-siyai simata pada-pada usaha lellungngé anging.

DANIEL 1:7

Kapala ruma tanggana saorajaé sulléiwi aseng-ngasenna mennang mancaji: Béltsazar, Sadrakh, Mésakh sibawa Abédnégo.

DANIEL 2:48

Nainappa nawéréng Daniél tudangeng iya matanré, nawérénni maéga hadiya iya magelloé, sibawa naakkai mancaji gubernurna Babél, enrengngé napancajiwi pamimping kaminang matanré lao ri sininna pappangajana saorajaé.

DANIEL 2:49

Iyakiya nasaba paréllaunna Daniél, nabbéréyangngi arungngé apparéntanna propinsi Babélro lao ri Sadrakh, Mésakh sibawa Abédnégo, na aléna Daniél monroi ri saorajaé.

DANIEL 3:11

na nigi-nigi dé' napatoiwi paréntaéro riyaggenrungengngi matu ri laleng api iya malluwa'-luwa'é.

DANIEL 3:16

Nappébali Sadrakh, Mésakh sibawa Abédnégo, “Datu iya malebbié, dé' tamaélo méwaiwi aléta.

DANIEL 3:29

Rimakkuwannanaro uwapparéntangngi makkedaé tungke' tauwé muwi polé ri bangsaé, suku bangsaé iyaré'ga basaé, iya powadaé pappakatuna lao ri Allataala iya nasompaé Sadrakh, Mésakh sibawa Abédnégo, rilétta'-létta'i matu sibawa riruttungngi matu bolana naripancaji goppo sésa-sésa. Saba' dé' gaga déwata iya mullééngngi pogau'i aga iya puraé napogau' Allataalaro.”

DANIEL 3:30

Purairo napaénré'ni arungngé pangka'na Sadrakh, Mésakh sibawa Abédnégo, angkanna mennang mancaji pajaba-pajaba matanré ri propinsi Babél.

DANIEL 6:13

lao manenni mennang mangolo ri arungngé untu' mapparapekengngi Daniél. Makkedani mennang, “Dé'ga Puwakku pura tékéngngi sure' parénta iya mattéyangngéngngi sininna tauwé telluppulo esso ittana palettu paréllaung lao ri sala séddinna déwataé iyaré'ga tolinoé sangadinna lao ri Puwakku bawang? Sibawa topa, makkedaé nigi-nigi majjalékkaiwi paréntaéro riyaggenrungengngi matu ri laleng gowa singaé?” Nappébali arungngé, “Mémeng, na iyaro paréntaé mancajiwi undang-undanna Média sibawa Persia iya dé'é nawedding ribébbu paimeng.”

DANIEL 6:14

Nainappa makkeda mennang lao ri arungngé, “Daniél, sala séddinna tau ripali polé ri Yéhuda, dé' nabati-batiwi Puwakku sibawa naangga énténgngi paréntana Puwakku. Massempajangngi secara taratoro wékkatellu si esso.”

RIWAYA'NA RASUL-RASUL-E 17:7

na Yason pura tarimai mennang ri bolana. Najjalékkaiwi mennang sining iya pura napattentué Kaisar Roma, nasaba makkedai mennang makkedaé engka mupa arung laing iya riyasengngé Yésus.”

RIWAYA'NA RASUL-RASUL-E 5:28

Makkedani, “Purano riyattéyang sibawa masero kuwammengngi aja' muwappagguru passalenna iyaé Tauwé. Iyakiya makkekkuwangngé coba mitai aga mupogau'! Muwappallebbangengngi pappagguruwammuro ri sininna Yérusalém, sibawa mala maéloko tenre'ki makkedaé idi ritu nassabari amaténna iyaro Tauwé.”