DANIEL 3:10 - KITTA KAREBA MADECENG

¹⁰ Aléna Puwakku pura passu parénta makkedaé ripaoninna muwa paréwa musi'é, sininna tauwé harusu'i suju' sibawa sompai dato'-dato' ulawengngéro,

DANIEL 3:10 ပူးပေါင်းရင်းမြစ်များ

1 TAWARIKH 15:16

Nasuro towi Daud iyaro sining pamimping tau Léwié kuwammengngi nasuroi siyagangngaré tau polé ri sukunna mennang untu' makkélong sibawa macculéyangngi élokkélong mariyo-riyoé ri kacapié sibawa simbal-é.

1 TAWARIKH 15:28

Sininna umma Israélié laowi tinrosiwi Petti Assijancingngé lettu ri Yérusalém sibawa gora-gora marennu, oni tarompé, napiri, simbal sibawa kacapi.

2 TAWARIKH 29:25

Situru sibawa panunju-panunju iya nabbéréyangngé Puwangnge lao ri Daud naolai Nabi Gad, iya majjamaé untu' arungngé sibawa naolai Nabi Natan, arungngé taroi sining tau Léwié ri Bolana Puwangnge macculé kacapi sibawa gambusu,

MAZMUR 94:20

Dé' musiyempe sibawa haking-haking majaé, iya rancangngéngngi jaé situru hukkungngé.

ASSURENG 1:16

Makkedai arung Maséré'é, “Wettummu tulungngi mémmana makkunrai Ibranié, éngngerangngi iyaé: Rékko ana' iya jajiyéro worowané, unoi! Rékko ana' iya jajiyéro makkunrai, leppessanni tuwo.”

ASSURENG 1:22

Nanabbéréyanni arungngé iyaé paréntaé lao ri sininna ra'ya'na, “Tungke' ana' worowanéna tau Ibranié iya nappaé jaji harusu'i ribuwang ri laleng Salo Nil, iyakiya sininna ana' makkunraié wedding muwa rileppessang tuwo.”

PAKKATOBBA 3:16

Engka topa iya uwitaé ri linoéwé: kégi harusu engka adélékeng sibawa akessingeng, kuwaro engka ja.

YESAYA 10:1

Cilakano iko iya mébbué hukkung-hukkung iya dé'é naadélé untu' tenre'i bangsa-Ku.

DANIEL 3:11

na nigi-nigi dé' napatoiwi paréntaéro riyaggenrungengngi matu ri laleng api iya malluwa'-luwa'é.

DANIEL 3:15

Nah, makkekkuwangngé, sadiyakoga untu' suju' sibawa sompai dato'-dato'éro wettunna moni musi'é? Rékko dé' mumaélo, matteruko matu riyaggenrungeng ri laleng api iya malluwa'-luwa'é. Na déwata nigana mulléi passalama'ko matu polé ri akuwasakku?”

DANIEL 6:12

Wettunna sining balinna Daniél naita Daniél mattengngang massempajang lao ri Allataalana,

AMOS 6:5

Masennakko karang élong, pada-pada iya napogau'é Daud, namuwacculéyangngi iyaro élok-kélongngé sibawa kacapi.

YOHANES 11:57

Napowadai mennanro saba' kapala-kapala imangngé sibawa sining tau Farisié pura passu parénta makkedaé tau missengngéngngi kégi Yésus monro, harusu'i nalaporo' kuwammengngi weddingngi ritikkeng.