DANIEL 2:5 - KITTA KAREBA MADECENG

⁵ Nappébali arungngé, “Purani uwala apettungngéwé: Harusu'ko mappaissengengngi nippiéro lao ri iyya, makkuwatoro bettuwanna. Rékko dé' muwulléi, rilétta'-létta'ko matu sibawa riruttungngi matu bolamu.

DANIEL 2:5 ပူးပေါင်းရင်းမြစ်များ

2 ARUNG-NGARUNG 10:27

Iyaro dato-dato'é naancuru'ni silaong bolana nainappa iyaro onrongngé napancaji ajjambangeng lettu essoéwé.

EZRA 6:11

Uwapparéntangngi kuwammengngi tau iya majjalékkaiyéngngi paréntaéwé ribébbui séddi alliri bolana, naricéru cappa'na, nainappa ritoddokeng watakkaléna tauwéro gangka bettu. Harusu'i ribongkara bolana sibawa ripancaji onrong warowo.

MAZMUR 50:22

Pénessaini, iko mallupaiyéngngi Allataala; jagaiwi aja' narapiko Upabbinasa, na dé'gaga mappassalama.

MAZMUR 58:7

Oh Allataala, poloi isi-isinna mennang, reddu'i suwana singa-singa maloloéro, Puwang.

DANIEL 2:12

Naéngkalinganaro mancaji macai senna'ni arungngé sibawa mabbéré parénta untu' mpuno manengngi sining tau accaé iya engkaé ri Babél.

DANIEL 3:29

Rimakkuwannanaro uwapparéntangngi makkedaé tungke' tauwé muwi polé ri bangsaé, suku bangsaé iyaré'ga basaé, iya powadaé pappakatuna lao ri Allataala iya nasompaé Sadrakh, Mésakh sibawa Abédnégo, rilétta'-létta'i matu sibawa riruttungngi matu bolana naripancaji goppo sésa-sésa. Saba' dé' gaga déwata iya mullééngngi pogau'i aga iya puraé napogau' Allataalaro.”

DANIEL 4:9

“Eh Béltsazar, pamimpinna sining tau mappangissengngé, uwisseng makkedaé ripennoiko ri rohna déwata-déwata iya mapaccingngé, angkanna dé'gaga rahasiya iya tassubbué ri alému. Engkalingai nippikkué, sibawa pakatajanni bettuwanna.

ULANGENG 13:16

Sininna waramparanna pabbanuwana kotaéro harusu'i ripaddeppungeng sibawa rigoppo ri tana lapangngé, nainappa kotaé sibawa sininna waramparanna harusu'i ritunu selaku akkarobangeng lao ri Puwang Allataalamu. Pura manennanaro harusu'i risalai mancaji ruttungeng sibawa dé' nawedding ripatettong paimeng.

YOSUA 6:26

Iyaro wettué napassui Yosua iyaé pappésangkaé, “Nigi-nigi makkuraga patettongngi paimeng iyaé kota Yérikho, nakennai matu tanrona Puwangnge. Nigi-nigi pasangngi pandamenna teddéngngi matu ana' macowana; sibawa nigi-nigi pasangngi pintu-pintu gerbanna ateddéngengngi matu ana' malolona.”

1 SAMUEL 15:33

Namakkedana Samuél, “Pada-pada peddammu mébbui maéga indo' ateddéngeng ana'na, makkuwatoniro indo'mu ateddéngeng matu ana'na.” Nainappa Samuél natetta Agag ri yolona mézbaé ri Gilgal.