DANIEL 2:47 - KITTA KAREBA MADECENG

⁴⁷ Makkedai arungngé, “Tongeng, Daniél, iyaro Allataalamu kaminang maloppo ri yelle'na sining Allataalaé. Aléna iyanaritu makuwasa ri sininna arungngé, sibawa timpa'éngngi sininna rahasiyaé. Uwisseng gau'éro saba' muwulléi pakatajangngi bettuwanna rahasiyaéwé.”

DANIEL 2:47 ပူးပေါင်းရင်းမြစ်များ

KAJAJIYANG 41:39

Namakkeda arungngé lao ri Yusuf, “Allataala pura paissengi manekko iyaé lao ri iko, jaji manessani makkedaé lebbi maccako nenniya mapanré naiya muwi niga.

2 ARUNG-NGARUNG 5:15

Nainappa aléna silaong sininna pattinrona lisu lao ri Elisa. Nakkeda Naaman lao ri Elisa, “Uwissenni makkekkuwangngé, makkédaé risininna linoé banna engka séddi Allataala, iyanaritu Allataala iya nasompaé tau Israélié. Rimakkuwannanaro, tatarimani Puwang pabbérékué.”

AYUB 12:19

Napakariyawai imang-ngimangngé sibawa sining tomariyoloé.

MAZMUR 136:2

Sukkuru'no lao ri Allataala Iya Posséuwaé; mannennungengngi pammaséna.

MAZMUR 136:3

Sukkuru'no lao ri Puwang Iya Pommatanré; mannennungengngi pammasé-Na.

MAZMUR 72:11

Sininna arungngé suju'i matu ri yolona, sininna bangsaé mancajiwi ata-atanna.

MAZMUR 82:1

Mazmurna Asaf. Allataala pimpingngi pengadilang ilahié ri surugaé, nainappa nabbéréyang apettun-Na:

MAZMUR 96:4

Saba' battowai Puwangnge, sibawa ripoji senna, harusu'i riyétauri lebbi naiya seninna déwataé.

YEHEZKIEL 26:7

Makkedai Puwang Iya Pommatanré, “Utiwii matu Arung Nébukadnézar polé ri Babél untu' gasako, éh Tirus. Arung iya kaminang mawatangngéro poléi matu polé ri manorang sibawa tentara iya battowaé, sibawa maéga anyarang nenniya karéta-karéta musu enrengngé pasukang makkinnyarang.

DANIEL 11:36

Arunna wanuwa manorang napogau'i matu siyélo atinna. Nasibawang atempong makkedai matu makkedaé lebbi battowai naiya muwi déwata niga, mala lebbi battowa towi naiya Allataala Iya Pommatanré. Naulléi matu pogau'i makkuwaéro narapi maccappa caina Allataala. Saba' aga iya puraé napattette Allataala harusu'i kajajiyang riyolo.

DANIEL 2:19

Iyatoro wennié nappaissengengngi Allataala rahasiyaéro lao ri Daniél ri laleng séuwa pakkitang. Nanapojini Daniél Allataala ri surugaé,

DANIEL 2:22

Aléna ritu timpa'i rahasiya iya malamung senna'é. Naisseng sininna iya kajajiyangngé ri laleng pettangngé. Risalipuriwi ri cahaya matajangngé.

DANIEL 2:28

Iyakiya ri surugaé engka Allataala iya timpa'éngngi sininna rahasiyaé, na Aléna pura paissengiwi Puwakku aga iya kajajiyangngé matu ri esso ri munri. Makkekkuwangngé, palaloni atatta pakatajangngi nippi sibawa pakkitang iya natarimaé Puwakku wettunna matinroro.

DANIEL 2:29

Wettunna Puwakku mattengngang matinro, mannippiwi Puwakku passalenna wettu mangoloé. Allataala iya timpa'éngngi sininna rahasiyaé mappaitangngi lao ri Puwakku aga kajajiyang matu.

DANIEL 2:30

Iyaé rahasiyaé purai napannessa lao ri atatta tenniya nasaba lebbi maccai atatta naiya muwi niga, sangadinna kuwammengngi naulléi Puwakku missengngi bettuwanna nippinna Puwakkuro sibawa majeppuwi towi passalenna lise atinna Puwakku.

DANIEL 2:37

Iya malebbié Puwakku iyanaritu arungngi polé ri sininna arungngé; Puwakku ritu iya kaminang makuwasaé. Allataala ri surugaé pura mpéréngngi Puwakku akkarungengngéwé, akuwasang, awatangeng sibawa arajang.

DANIEL 3:15

Nah, makkekkuwangngé, sadiyakoga untu' suju' sibawa sompai dato'-dato'éro wettunna moni musi'é? Rékko dé' mumaélo, matteruko matu riyaggenrungeng ri laleng api iya malluwa'-luwa'é. Na déwata nigana mulléi passalama'ko matu polé ri akuwasakku?”

DANIEL 3:28

Nainappa makkeda arungngé, “Pojiwi Allataala iya nasompaé Sadrakh, Mésakh sibawa Abédnégo. Purai nasuro malaéka'-Na untu' passalama'i iya tellu atan-Na iya mateppe'é ri Aléna. Purai mennang najjalékkai paréntaku sibawa lebbi napojiwi maté naiya sompaéngngi iyaré'ga tumaningiwi muwi déwata niga sangadinna Allataalana muto mennang.

DANIEL 3:29

Rimakkuwannanaro uwapparéntangngi makkedaé tungke' tauwé muwi polé ri bangsaé, suku bangsaé iyaré'ga basaé, iya powadaé pappakatuna lao ri Allataala iya nasompaé Sadrakh, Mésakh sibawa Abédnégo, rilétta'-létta'i matu sibawa riruttungngi matu bolana naripancaji goppo sésa-sésa. Saba' dé' gaga déwata iya mullééngngi pogau'i aga iya puraé napogau' Allataalaro.”

DANIEL 4:17

Iyanaro apettutta idi malaéka'-malaéka' iya matike'é sibawa sadiya-sadiyaé. Akkattata iyanaritu kuwammengngi sining tauwé muwi kégi mangakuiwi, makkedaé Allataala Iya Pommatanré makuwasai lao ri akkarungenna tolinoé sibawa iyaro akkarungengngé Nabbéréyangngi lao ri nigi-nigi iya Napilé, mala muwi lao ri tau iya kaminang dé'é gaga bettuwanna!’

DANIEL 4:25

Ripaddésu'i matu Puwakku polé ri masaraka tolinoé sibawa tuwo ri yelle'na sining olokolo'é ri padangngé. Pituttaung ittana manréi matu wella Puwakku pada-pada sapingngé sibawa matinro ri tana lapangngé, angkanna ririca ri cinoddoé. Purapiro nappai nangakui Puwakku makkedaé Allataala Iya Pommatanré makuwasai ri yasé'na akkarungeng tolinoé, Nanabbéréyangngi iyaro akkarungengngé lao ri nigi-nigi iya Napilé.

DANIEL 4:32

Ripaddésu'ko matu polé ri masaraka tolinoé, nenniya tuwo sibawa sining olokolo'é ri padangngé. Pituttaung ittana manréko matu wella pada-pada sapingngé. Purairo muwangakuiwi matu makkedaé Allataala Iya Pommatanré makuwasai ri yasé'na akkarungenna tolinoé na iyaro akkarungengngé Nabbéréyangngi lao ri nigi-nigi iya Napilé.”

DANIEL 5:11

Saba' ri laleng akkarungenna Puwakku engka séddi worowané iya ripennoiyé ri rohna déwata-déwata iya mapaccingngé. Ri wettu apparéntanna ambo'na Puwakku, pabuttini iyaro tauwé mappunnaiwi amaccang, pappéjeppu sibawa pangissengeng, iya pada-padaé pangissengenna sining déwataé. Ambo'na Puwakku Arung Nébukadnézar pura makkai mancaji pamimpinna sining pabotoé, ahli pajjappié, sining tau mappangissengengngé sibawa ahli pappalakiyaé.

AMOS 3:7

Puwang Iya Pommatanré dé' naengka napogau'i séuwaé tennapannessai rancana-Na lao risining nabié, ata-atan-Na.

1 KORINTUS 14:25

Gau'-gau' iya tassubbué ri laleng atinna ripannessai matu, angkanna napakariyawai matu aléna nainappa nasompa Allataala. Mangakui matu makkedaé tonget-tongengngi Allataala engka ri tengnga-tengngamu.

ULANGENG 10:17

Puwang Allataalamu engkai ri yasé'na sininna déwataé sibawa nasau manengngi sininna akuwasangngé. Aléna Allataala iya marajaé sibawa makuwasa iya harusu'é riturusi. Dé' napojiwi kacowé-cowé sibawa dé'to natarima pasoso.

1 TIMOTIUS 6:15

Apolén-Na ripattentui matu ri wettu iya teppa'é ri Allataala muto. Aléna ritu Makuwasa séddi-séddié; Marajai, Arunna sininna arungngé, sibawa Puwanna sininna puwangngé.

YOSUA 22:22

“Iya Pommakuwasaé iyanaritu Puwangnge! Iya Pommakuwasaé iyanaritu Puwangnge! Naisseng magi tapogau'i gau'éwé, namaéloki kuwammengngi muwisseng towi! Akkalarapanna tapogau'i gau'éro sibawa akkatta méwai Puwangnge iyaré'ga nasaba dé'na tamateppe ri Aléna, leppessakki maté makkekkuwangngétto!

WAHYU 1:5

sibawa polé ri Yésus Kristus, sabbi iya matinulué. Aléna ritu bunge'-bunge' ripatuwo paimeng polé ri amaténgngé sibawa Aléna ritu makuwasa lao risining arunna linoé. Yésus mamaséiki, nanasibawang amatén-Na nanapaleppe'ki polé ri dosa-dosata,

WAHYU 17:14

Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”

WAHYU 19:16

Ri jumbana sibawa ri poppan-Na tarokii asengngéwé, “Arunna sininna arungngé, sibawa Puwanna sininna puwangngé.”