DANIEL 2:44 - KITTA KAREBA MADECENG

⁴⁴ Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 2:44 ပူးပေါင်းရင်းမြစ်များ

KAJAJIYANG 49:10

Nakkatenningngi matu Yéhuda tekkeng akkarungengngé, mapparéntai matu wija-wijanna mannennungeng. Tiwii matu bangsa-bangsaé pakkasuwiyang, enrengngé suju' sibawa tunru ri yolona.

2 SAMUEL 7:16

Tuli mappunnaiko matu wija-wijanna, sibawa Uwébbui matu akkarungemmu mattahang mannennungeng. Untu' mannennungeng séddi polé ri wija-wija, mapparéntai matu selaku arung.’ ”

MAZMUR 145:13

Apparéntam-Mu tette'i sillampé wettué, akuwasam-Mu mattahangngi massossoreng. Matinului Puwangnge lao ri sininna jancin-Na, pennoi pammasé ri laleng sininna pangkauken-Na.

YESAYA 60:12

Bangsa sibawa akkarungeng iya dé'é namaélo mattumani ri iko, binasai matu sibawa lennye'i teddeng.

DANIEL 2:28

Iyakiya ri surugaé engka Allataala iya timpa'éngngi sininna rahasiyaé, na Aléna pura paissengiwi Puwakku aga iya kajajiyangngé matu ri esso ri munri. Makkekkuwangngé, palaloni atatta pakatajangngi nippi sibawa pakkitang iya natarimaé Puwakku wettunna matinroro.

DANIEL 2:34

Wettunna Puwakku mettengngang tangngai, séuwa batu loppo leppe polé ri peppingngé, tennagéssa tauwé, nanageppai dato-dato'éro ri ajéna iya polé ri bessié sibawa tana litaéro, angkanna mareppo.

DANIEL 2:35

Na iyatoro wettué namaruttung sininna dato'-dato'éro sibawa mancaji goppo bessi, tana lita, tembaga, péra', sibawa ulaweng iya ancuru'énna pada-pada awué ri onrong addésekeng gandongngé ri wettu pellaé. Iyaro goppoé makkalutturengngi nairi anging, angkanna tettaro baté muwi aga. Iyakiya batu iya ruttungngéngngi iyaro dato'-dato'é mancaji silloppoi bulué sibawa pennoiwi sininna linoé.

DANIEL 2:37

Iya malebbié Puwakku iyanaritu arungngi polé ri sininna arungngé; Puwakku ritu iya kaminang makuwasaé. Allataala ri surugaé pura mpéréngngi Puwakku akkarungengngéwé, akuwasang, awatangeng sibawa arajang.

DANIEL 2:43

Campurang bessinna sibawa tana litaro tanrangi towi makkedaé iyaro akkarungengngé makkuragai matu péwatangiwi aléna sibawa pakangka kawing sicampuru, iyakiya iyaro usahaé siya-siyai, pada-padato bessié dé' naulléi siyameng sibawa tana litaé.

DANIEL 4:3

Temmaka rajanna appahérangeng iya napogau'é! Temmaka serona anu makalallaing iya napogau'é! Mancaji arungngi matu Allataala untu' mannennungeng. Makuwasai sillampé wettué.”

DANIEL 4:34

Labe'nana iyaro wettu pituttaungngé, congana ri langié, nanalisuna amaingekekku. Naupojiwi Allataala Iya Pommatanré. Upojiwi sibawa upakalebbii Aléna iya tuwoé mannennungenro. “Mancaji arungngi matu Allataala untu' mannennungeng. Makuwasai sillampé wettué.

DANIEL 6:26

Purairo kirinni sure' Arung Darius lao risining tau polé ri sininna bangsaé, suku bangsaé sibawa basaé ri sininna linoé, “Salama!

DANIEL 6:27

Uwapparéntangngi lao ri sininna tauwé iya engkaé ri daérana akkarungekku kuwammengngi namétau sibawa mappakalebbi lao ri Allataala iya nasompaé Daniél! Aléna iyanaritu Allataala iya tuwoé mannennungeng, lettu ripaccappurenna linoé mapparéntai. Akkarungen-Na dé' namakkullé binasa. Akuwasan-Na dé'gaga cappuna.

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

DANIEL 8:25

Nasaba maccai mabbellé, mallolongengngi matu sining belléna. Nattempowangngi matu aléna, na temmabbéré papparéngngerang lebbi riyolo napabbinasai matu lebbi maéga tau. Mala baraniwi méwai Arung Iya Pobbattowaé. Iyakiya riyancuru'i matu tenniya awatangeng tolino.

MIKHA 4:7

Purani mennang riképo sibawa mabéla polé ri kampong assalenna. Iyakiya, polé risining tau iya risésaéro maélo-Ka pammulaiwi séuwa assossoreng iya barué. Mancajiwi matu nennang bangsa iya battowaé sibawa mawatang. Uparéntai matu mennang ri Bulu-bulu Sion lettu mannennungeng.”

HAGAI 2:22

akkarungeng-akkarungengngé Uruttungngi sibawa akuwasanna mennang Uwancuru'i. Karéta-karéta musué sibawa tonangiyéngngi Ubaliccuwai; sininna anyaranna matéi matu sibawa sining pakkinnyaranna sisulléi matu siyuno.

HAGAI 2:7

Upawéwang manengngi matu sininna bangsaé sibawa ritiwii matu waramparanna lao Kumaiyé, angkanna pennoi matu Bola-Ku sibawa asugirenna mennang.

MATIUS 28:18

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

YOHANES 12:34

Nakkeda tau maégaéro lao ri Aléna, “Manuru' Kitta Hukkutta, Arung Pappassalama'é tuwoi matu mannennungeng. Pékkugi-Ko wedding makkeda makkedaé Ana'na Tolinoé harusu'i ripakatanré ri yasé'na linoé? Niga iyaro Ana'na Tolinoé?”

IBRANI 12:28

Rimakkuwannanaro, sitinajaki mattarima kasi lao ri Allataala, nasaba tarimaki polé ri Aléna séuwa akkarungeng iya dé'é nawedding taggoccang. Sitinajaki mattarima kasi sibawa massompa ri Allataala sibawa mappakalebbi enrengngé métau, situru cara iya naéloriyé muto Allataala.

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”