DANIEL 2:4 - KITTA KAREBA MADECENG

⁴ Mappébalini mennang ri laleng basa Aram, “Tuwoi Puwakku mannennungeng! Curitani nippiéro lao ri idi, natapakatajangngi matu bettuwanna.”

DANIEL 2:4 ပူးပေါင်းရင်းမြစ်များ

KAJAJIYANG 31:47

Nasenni Laban iyaro goppo batué Yégar-Sahaduta, na Yakub masengngi Galéd.

KAJAJIYANG 41:8

Elénana maséssani arungngé, rimakkuwannaro nasuroni mobbii sininna passéhéré'é sibawa tau maccaé ri Maséré. Nainappa nacurita nippinna lao ri mennang, iyakiya dé' muwi séddi tau mulléi pakatajangngi bettuwanna.

1 ARUNG-NGARUNG 1:25

Iyato essoé napura makkasuwiyangeng maéga bimbala, saping lai sibawa ana' saping iya macommo'é. Sininna ana' worowanéna Datu purani naundang. Makkuwatoro sining pallima tentarana Datu, sibawa Imam Abyatar. Mappéstani mennang makkekkuwangngé silaong aléna sibawa gora-gora, ‘Tuwoi Arung Adonia!’

1 ARUNG-NGARUNG 1:31

Nasuju'na Batsyéba nakkedato, “Tuwoi Petta Arungngé untu' mannennungeng!”

2 ARUNG-NGARUNG 18:26

Namakkeda Elyakim, Sébna, sibawa Yoah lao ri parawiraéro, “Puwang, abbicarani sibawa idi ri laleng basa Aram bawang, ripahang muwa. Aja' mupakéi basa Ibranié, napahangngi matti ra'ya'é ri tompo'na témbo'éro.”

EZRA 4:7

Makkuwatoro ri laleng apparéntanna Artahsasta, arung Persia, makkolingngi iyaro kajajiyangngé: Bislam, Mitrédat, Tabeel sibawa sellao-sellaona menang mokii sure' lao ri arungngé. Iyaro sure'é naokii ri laleng basa Aram, sibawa harusu'i rilémba wettunna ribacangeng.

NEHEMIA 2:3

nainappa mappébali, “Tuwoi Datu untu' mannennungeng! Pékkugi atatta temmasara, rékko kota onrong kuburu'na néné-nénéna atatta makkekkuwangngé goppo ruttungeng mani monro sibawa pintu-pintu gerbanna ancuru'ni nanré api.”

YESAYA 36:11

Namakkeda Elyakim, Sébna sibawa Yoah lao ri parawira Asyur-éro, “Puwang, abbicara bawanni ri laleng basa Aram sibawa idi, tapahang muwa. Aja' tapakéi basa Ibranié, napahangngi matu ra'ya'é ri yasé'na témbo kotaéro.”

YESAYA 44:25

Iyya ritu rusa'i botona tukang pabotoé, sibawa macculé-culéiwi tukang pappalakiyaé. Ubantai ada-adanna tau mapanré, apanrénna mennang Upancajiwi adonggong.

DANIEL 1:4

Harusu'i mennang kallolo-kallolo iya dé'é sala-salanna. Harusu'i mennang magello, matanré aggurunna, macca sibawa malowang pangissengenna enrengngé sipato untu' majjama ri laleng saorajaé. Aspénas harusu paggurui mennang mabbaca sibawa maroki basa Babél.

DANIEL 2:7

Mappébalisi mennang, “Sitinajanna Puwakku mappaissengengngi riyolo iyaro nippié lao ri idi, purapiro natapakatajangngi matu bettuwanna.”

DANIEL 3:9

Makkedai mennang lao ri Arung Nébukadnézar, “Tuwoi Puwakku mannennungeng!

DANIEL 4:19

Naéngkalinganaro, Daniél iya riyasengngétto Béltsazar, tassélenni sibawa bengnga untu' siyagangngaré ittana. Na iyya, Arung Nébukadnézar makkeda lao ri aléna, “Béltsazar, aja' mubata-bata nasaba iyaro nippié sibawa bettuwanna.” Nappébali Béltsazar, “Puwakku, temmaka kessinna ébara'na kajajiyang-kajajiyang iya nabotoé nippiéro nakennai sining balinna Puwakku na tenniya Puwakku.

DANIEL 4:7

Iyakiya wettunna sining pabotoé, pajjappi maccaé, sining tau mappangissengengngé sibawa sining pappalakiyaéro polé sibawa ucuritangngi nippikkuro lao ri mennang, dé' muwi séddi tau mulléi pakatajangngi bettuwanna.

DANIEL 4:9

“Eh Béltsazar, pamimpinna sining tau mappangissengngé, uwisseng makkedaé ripennoiko ri rohna déwata-déwata iya mapaccingngé, angkanna dé'gaga rahasiya iya tassubbué ri alému. Engkalingai nippikkué, sibawa pakatajanni bettuwanna.

DANIEL 5:10

Naéngkalingana gora-gorana arungngé sibawa sining tomarajana, muttama'ni indo'na arungngé ri laleng onrong appéstangngéro. Nainappa makkeda, “Tuwoi Puwakku mannennungeng! Pattennanni atinna Puwakku sibawa aja' mumakawiya.

DANIEL 5:8

Malluruni sining tau accaé, iyakiya dé' muwi séddi tau mulléi bacai iyaro okié iyaré'ga mappaissengengngi bettuwanna lao ri arungngé.

DANIEL 6:21

Lettu'nana kuwaro, gorani sibawa sadda bata-bata, “Daniél, atanna Allataala iya tuwoé! Aga Allataalamu iya musompaé sibawa matinuluro naulléi passalama'ko polé risining singaéro?”

DANIEL 6:6

Nainappa mennang makkeda, “Banna weddikki lolongengngi asalanna Daniél ri laleng passaleng iya engkaé assisumpungenna sibawa agamana.”

DANIEL 6:7

Nainappa massamang mennang lao mangolo ri arungngé sibawa makkeda, “Puwakku Arung Darius, tuwoi Puwakku untu' mannennungeng!

MATIUS 21:9

Tau maégaé iya joppaé ri yolo sibawa ri monrinna Yésus gora-gorani, “Tuwoi Ana' Daud! Ribarakkakiwi iya polé ri laleng asenna Puwangngé! Pojini Allataala Iya Pommatanré!”

1 SAMUEL 10:24

Nainappa makkeda Samuél lao ri ra'ya'é, “Iyanaé tau iya napilé Puwangnge, dé' gaga pada-padanna ri yelle'ta maneng.” Gorani sininna bangsaéro, “Tuwoni arungngé!”