DANIEL 2:34 - KITTA KAREBA MADECENG

³⁴ Wettunna Puwakku mettengngang tangngai, séuwa batu loppo leppe polé ri peppingngé, tennagéssa tauwé, nanageppai dato-dato'éro ri ajéna iya polé ri bessié sibawa tana litaéro, angkanna mareppo.

DANIEL 2:34 ပူးပေါင်းရင်းမြစ်များ

MAZMUR 118:22

Batu iya nabuwangngé panré bolaé, mancajini batu passunna.

YESAYA 28:16

Rimakkuwannanaro, makkeda makkuwaiyé Puwang Iya Pommatanré, “Maélo-Ka palénne pallangga iya mawatangngé sibawa masse'é ri Sion; séddi batu pallangga iya mangke'é sibawa oki: ‘Niga mateppe masse, dé' matu namanyara kala.’

YESAYA 60:12

Bangsa sibawa akkarungeng iya dé'é namaélo mattumani ri iko, binasai matu sibawa lennye'i teddeng.

YESAYA 8:9

Addeppungenno sibawa métau, éh sininna bangsaé! Engkalingai éh cappa-cappa linoé! Sadiyano untu' mammusu, iyakiya sibawa ati iya métaué! Ya, sadiya-sadiyano, iyakiya sibawa pappénedding métau!

YEHEZKIEL 32:28

Makkuwaniro tau Maséré'é rikuburu matu sibawa ripaléwu ri tengngana sining tau iya dé'é naissengngi Allataala sibawa maté ri laleng ammusurengngé.

YEHEZKIEL 47:5

Siseppi mangukkuru sibbéla 500 météré, na uwaina kuwaro maliyung senna untu' riyola sibawa mallaleng. Rékko maéloi mallétto tauwé harusu'i nangé.

DANIEL 2:33

poppanna poléi ri bessié sibawa ajéna sibagiyang polé ri bessié na sibagiyassi poléi ri tana litaé.

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

DANIEL 8:25

Nasaba maccai mabbellé, mallolongengngi matu sining belléna. Nattempowangngi matu aléna, na temmabbéré papparéngngerang lebbi riyolo napabbinasai matu lebbi maéga tau. Mala baraniwi méwai Arung Iya Pobbattowaé. Iyakiya riyancuru'i matu tenniya awatangeng tolino.

ZAKHARIA 12:3

Iyakiya rékko narapini iyaro essoé, Uwébbui matu Yérusalém pada-pada batu iya matane'é; muwi bangsa niga iya cobaéngngi makkai lolongetto matu acilakang. Masséddiwi matu sininna bangsaé untu' gasai Yérusalém.

ZAKHARIA 4:6

Iyaro malaéka'é nasuroka palettu'i lao ri Zérubabél pasenna Puwang-ngéwé, “Tenniya nasibawang awatangeng tentara sibawa tenniyato nasibawang awatangeng riyalé mumallolongeng matu, sangadinna nasibawang Roh-Ku.

MATIUS 16:18

Rimakkuwannanaro issenni, ikona iyanaritu Pétrus, batu masse'é. Na ri yasé'na pallangga batuéwé maélo Upatettong garéja-Ku, iya dé'é nawedding ricau; namuni amaténgngé!

YOHANES 1:13

iya riyajjanciyangngé tenniya polé ri rupa tauwé, saba' iyaro atuwong mabarué poléi ri Allataala assalenna.

RIWAYA'NA RASUL-RASUL-E 4:11

Yésus iyanaé naseng aya'éwé ri laleng Kitta'é, ‘Batu iya dé'é napakéi sining tukang batué mancajiwi batu kaminang poko'é.’

2 KORINTUS 5:1

Saba' riissengngi makkedaé rékko bola – iyanaritu watakkalé – iya riyonroiyé ri linoéwé ribongkara'i, napassadiyangekki matu Allataala séuwa bola ri surugaé, iya aléna muto Allataala mébbui sibawa iya tahangngé lettu mannennungeng.

IBRANI 9:24

Saba' dé' nauttama Kristus ri Bili' Mapaccingngé ébbu tolinoé, iya bannaé pulambangngi Bili' Mapaccingngé iya sitongennaé. Muttama'i Kristus ri surugana muto; kuwaniro makkekkuwangngé mangolo ri Allataala untu' apentingetta.

1 PETRUS 2:7

Iyaro batué mangke' senna' untu' iko iya mateppe'é. Iyakiya untu' sining tau iya dé'é namateppe', nakennai aya'-aya'na Kitta'éwé, “Batu iya dé'é napakéi sining tukang bangunangngé mancajiwi batu iya pentingngé.”

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”

WAHYU 17:14

Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”