DANIEL 2:30 - KITTA KAREBA MADECENG

³⁰ Iyaé rahasiyaé purai napannessa lao ri atatta tenniya nasaba lebbi maccai atatta naiya muwi niga, sangadinna kuwammengngi naulléi Puwakku missengngi bettuwanna nippinna Puwakkuro sibawa majeppuwi towi passalenna lise atinna Puwakku.

DANIEL 2:30 ပူးပေါင်းရင်းမြစ်များ

KAJAJIYANG 41:16

Nappébali Yusuf, “Tenniya atatta, Puwakku, sangadinna Allataala iya mpéréngngékka matu pappakatajang iya tongengngé.”

MAZMUR 139:2

Muwisseng sininna pangkaukekku; Mupahangngi pikkirakku polé mabéla.

YESAYA 45:4

Uwobbiko sibawa Uwérékko pattellareng, namuni dé' muwissek-Ka. Usuroko tulungngi Israélié atak-Ku, saba' mennang bangsa upilé-Ku.

DANIEL 1:17

Allataala mabbéréyangngi lao ri iya eppa kalloloéro amaccang sibawa apanréng ri laleng kitta'é sibawa pangissengengngé. Ri lainnaéro lao ri Daniél riwéréng towi amaccang untu' pakatajangngi pakkitangngé sibawa nippié.

DANIEL 2:47

Makkedai arungngé, “Tongeng, Daniél, iyaro Allataalamu kaminang maloppo ri yelle'na sining Allataalaé. Aléna iyanaritu makuwasa ri sininna arungngé, sibawa timpa'éngngi sininna rahasiyaé. Uwisseng gau'éro saba' muwulléi pakatajangngi bettuwanna rahasiyaéwé.”

DANIEL 2:49

Iyakiya nasaba paréllaunna Daniél, nabbéréyangngi arungngé apparéntanna propinsi Babélro lao ri Sadrakh, Mésakh sibawa Abédnégo, na aléna Daniél monroi ri saorajaé.

AMOS 4:13

Bulu sibawa angingngé, Puwangnge ritu pancajiwi; napannessai rancana-Na lao ri tolinoé. Naébbui essoé sibawa wennié; joppai ri yasé'na coppo-coppo linoé. Puwang Allataala Iya Pommakuwasaé, iyanaro asen-Na.

MATIUS 24:22

Akkalarapanna Allataala dé' naponcokiwi wettunna; dé'gaga séddi tau salama'. Iyakiya nasaba umma'-Na, naponcokiwi Allataala iyaro wettué.

MARKUS 13:20

Ebara'na Allataala dé' naponcokiwi iyaro wettué, dé'gaga séddi tau salama'. Iyakiya nasaba umma'-Na naponcokiwi Allataala iyaro wettué.

RIWAYA'NA RASUL-RASUL-E 3:12

Wettunna naita Pétrus iyaro sining tauwé, makkedani lao ri mennang, “Eh sining tau Israélié, magi muhérang Saudara-saudara ri gau'éwé? Magi mumakkita matteru lao ri idi? Muwasengngiga Saudara-saudara iyaé tauwé naulléi joppa nasaba engka akuwasang ri idi iyaré'ga nasaba matinuluki ri Allataala?

ROMA 8:28

Taisseng makkedaé Allataala matoro'i sininna gau'é, angkanna napowassélé iya makessingngé untu' sining tau iya mamaséiyéngngi sibawa iya Naobbié situru rancana-Na.

2 KORINTUS 4:15

Iya manennaro iyanaritu untu' apentingemmu. Saba' pédé' maégai tau péneddingiwi pammaséna Allataala, pédé' maéga towi sempajang sukkuru' iya ripalettu'é ri Allataala; nanallalengiwi naripakalebbi Allataala.