DANIEL 2:20 - KITTA KAREBA MADECENG

²⁰ adanna, “Iyaro Allataala mapanréi sibawa barani, ripojiwi Aléna mannennungeng!

DANIEL 2:20 ပူးပေါင်းရင်းမြစ်များ

KAJAJIYANG 14:20

Ripojiwi Allataala Iya Pommatanré, iya puraé mpérékko apakalang lao ri balimmu.” Purairo nabbéréyanni Abram lao ri Malkisédék tawaseppulona polé ri sininna barang rampasa iya natiwiénna lisu.

1 ARUNG-NGARUNG 8:56

“Ripojiwi Puwang iya puraé mabbéré atennangeng lao ri umma'-Na pada-pada iya Najjanciyangngé naolai Musa atan-Na. Sininna iya makessingngé iya Najjanciyangngé purani Narupai.

1 TAWARIKH 29:20

Purana massempajang makkuwaro, makkedani Daud lao ri tau maégaé iya maddeppungengngé kuwaro, “Pojiwi Puwang Allataalamu!” Nasininna tauwéro poji-pojiwi Puwangnge, Allataala iya nasompaé toriyolona. Nainappa mennang suju' untu' pakalebbii Puwangnge sibawa arungngé.

2 TAWARIKH 20:21

Purana barunding sibawa ra'ya'é, nasuroni arungngé pakkélongngé pakéi pakéyang pada-padaé iya biyasaé napaké ri upacara-upacara mattentué ri laleng agamaé. Iyaro pakkélongngé harusu'i mabbarisi sibawa magello ri yolona barisi'na tentaraé namakkélotto, “Pojiwi Puwangnge! Mannennungengngi pammasé-Na!”

NEHEMIA 9:5

Assompangngé iyaro essoé napammulaiwi sining tau Léwi mangoloéwé: Yésua, Kadmiél, Bani, Hasabnéya, Sérébya, Hodia, Sébanya sibawa Pétahya. Makkedai mennang, “Tettonno sibawa pojini Puwang Allataalata! Wéréngngi pappojiyang Aléna mannennungeng! Ripojiwi asen-Na iya pennoé alebbireng, aseng iya maseroé, napakacauriwi sininna pappojiyangngé!”

MAZMUR 113:1

Pojiwi Puwangnge! Eh ata-atanna Puwangnge, pojiwi asenna Puwangnge!

MAZMUR 113:2

Ripakalabbai matu asen-Na, makkekkuwangngé sibawa sillampé wettué.

MAZMUR 115:18

Iyakiya idi iya tuwoé sukkuru'ki lao ri Aléna, makkekkuwangngé sibawa lettu mannennungeng. Pojiwi Puwangnge!

MAZMUR 147:5

Battowa tongeng sibawa masero Puwat-ta, dé' naribilang apanrén-Na.

MAZMUR 41:13

Mutulukka nasaba alempurekku, sibawa mébbuka tuwo sibawak-Ko untu' mannennungeng.

MAZMUR 50:23

Tau iya makkasuwiyangengngé sukkuru selaku akkarobangenna, aléna ritu pakalebbi-Ka; sibawa lao ri tau passadiyaé laleng Ujellokengngi matu asalamakeng polé ri Iyya.”

MAZMUR 62:11

Aja' muwaddennuwangiwi wassélé appassangngé, sibawa aja' muwattuwangngi barang rirappaé. Mala rékko tattambai asugiremmu, aja' naddeppé atimmu ri aléna.

AMSAL 8:14

Iyya'na ritu mabbéré wéré. Sibawa iyya'to ritu pakajajiyangngi. Maccaka sibawa mawatatto.

YEREMIA 32:19

Masero sining rancana-Mu, sibawa makalallaing sining pangkaukem-Mu; Muwitai sininna iya napogau'é tolinoé, nenniya mpale'i mennang situru sibawa pangkaukenna mennang.

YEHEZKIEL 28:3

Muwasengngi lebbi maccako naiya Danél, angkanna dé'gaga rahasiya iya tassubbué ri alému.

MATIUS 6:13

Aja' taleppessakki ateddéngeng ateppereng wettutta ricobai, iyakiya taleppessakki polé ri akuwasanna iya mappéjariyé. [Ikona Arung makuwasa sibawa malebbi lettu mannennungeng. Amin.]’

YUDAS 1:24

Allataala, iya mulléngngi jagaiwi kuwammengngi nadé' musempé, sibawa mulléngngi tiwiko lao ri yolo-Na iya malebbié sibawa mariyo-riyo temmakkécella.

WAHYU 5:12

Namakkélong mennang sibawa sadda battowa, “Iyaro Ana' Bimbala' iya puraénna rigéré, sitinajai tarima akuwasang asugireng, apanréng sibawa awatangeng; sitinajai ripakalebbi, ripakaraja enrengngé ripoji-poji!”