DANIEL 2:2 - KITTA KAREBA MADECENG

² Rimakkuwannanaro naobbini sining pabotoé, pajjappi maccaé, sanroé sibawa sining tau mappangissengengngé, untu' pakatajangngi nippinnaro.

DANIEL 2:2 ပူးပေါင်းရင်းမြစ်များ

KAJAJIYANG 41:8

Elénana maséssani arungngé, rimakkuwannaro nasuroni mobbii sininna passéhéré'é sibawa tau maccaé ri Maséré. Nainappa nacurita nippinna lao ri mennang, iyakiya dé' muwi séddi tau mulléi pakatajangngi bettuwanna.

ESTER 1:13

Mappunnaiwi abiyasang arungngé untu' méllauwi pallolongenna sining tau accaé passalenna persoalang hukkungngé sibawa ade'é. Rimakkuwannanaro naobbini sining pappangajana iya missengngéngngi aga harusu napogau' ri laleng parakara makkuwaéro.

ASSURENG 7:11

Rimakkuwannanaro naobbi toni arungngé sining tau maccaé sibawa ahli-ahli passéhéré'na, nanapogau' toni makkuwaéro sibawa pangissengeng mappalennye'-lennye'na mennang.

YESAYA 19:3

Dé' upajajiwi matu rancana-rancanana Maséré sibawa lemmaiwi sumange'na mennang. Méllauwi matu mennang pattulung ri barahala-barahalaé, méllau pangaja sibawa panunju lao risining sanroé sibawa roh-roh-é.

YESAYA 8:19

Iyakiya sining tauwé nasuroko matu méllau panunju polé ri sanro-sanroé iya mabbici-bici'é sibawa mamek-kamengngé témunna. Iyaro sining tauwé makkedai matu, “Dé'ga tasipato méllau panunju polé ri waliyala-waliyalaé nasaba apentingenna tau tuwoé?”

DANIEL 1:20

Tungke' arungngé pangolo persoalang iya mapparelluwangngé pappakatajang sibawa pertimbangang, naitai makkedaé pangaja sibawa tangngana iya eppa kalloloéro wékkaseppulo lebbi makessinna naiya pangajana sibawa tangngana sininna paboto enrengngé pajjappi maccaé risininna akkarungenna.

DANIEL 1:4

Harusu'i mennang kallolo-kallolo iya dé'é sala-salanna. Harusu'i mennang magello, matanré aggurunna, macca sibawa malowang pangissengenna enrengngé sipato untu' majjama ri laleng saorajaé. Aspénas harusu paggurui mennang mabbaca sibawa maroki basa Babél.

DANIEL 2:10

Nappébali sining tau accaéro, “Ri sininna linoé dé' muwi séddi tau iya mullééngngi mappaissengengngi aga iya nacinnaiyé Puwakkuro. Sibawa dé'pa naengka séddi arung, muwi maga rajanna sibawa lebbina, tuntu'i gau' pada-padaéro polé risining pabotoé, pajjappi maccaé, sibawa sining tau mappangissengengngé ri saorajana.

DANIEL 2:27

Nappébali Daniél, “Puwakku, dé'gaga tau mappangissengeng, pajjappi macca, paboto iyaré'ga pappalakiya iya mullééngngi mappaissengengngi gau'éro lao ri Puwakku.

DANIEL 3:8

Siyagangngaré tau Babél pakéi kasempatangngéro untu' cilakaiwi tau Yahudié.

DANIEL 4:3

Temmaka rajanna appahérangeng iya napogau'é! Temmaka serona anu makalallaing iya napogau'é! Mancaji arungngi matu Allataala untu' mannennungeng. Makuwasai sillampé wettué.”

DANIEL 4:6

Nainappa uwobbi sining tau acca iya engkaé ri Babél untu' pakatajangekka bettuwanna nippiéro.

DANIEL 5:7

Nagorana méllauwi kuwammengngi nariyobbi sining pabotoé, ahli pajjappié sibawa ahli pappalakiyaé. Wettunna mennang engkani, makkedani arungngé, “Nigi-nigi mulléi bacai iyaro okié sibawa paissengika bettuwanna, uwéréngngi matu pakéyang akkarungeng maddupa jumba collipao sibawa ranté ulaweng tanrang alebbireng. Ri lainnaéro uwakkai matu mancaji panguwasa matellué ri laleng akkarungekku.”

1 SAMUEL 6:2

naobbini tau Filistingngé sining imangngé sibawa sining passéhéré'é nainappa makkutana, “Harusu'i riyaga iyaro Petti Assijancinna Puwangnge? Rékko ripalisui ri onronna, pékkugi carana?”