DANIEL 2:18 - KITTA KAREBA MADECENG

¹⁸ Nasuroni mennang massempajang lao ri Allataala ri surugaé kuwammengngi Namaressé babuwa lao ri mennang sibawa timpa'i rahasiyana iyaro nippié. Nanallalengiwi dé' narihukkung maté mennang silaong sining tau acca laingngé.

DANIEL 2:18 ပူးပေါင်းရင်းမြစ်များ

KAJAJIYANG 18:28

Iyakiya naullé banna engka patappulo lima tau iya dé'é napasala, tenniya limappulo. Aga Puwangnge maéloi pabbinasai sininna kotaéro banna nasaba sisala limai tau bawang?” Makkedai Puwangnge, “Iyaro kotaé dé' Upabbinasai matu ébara'na kuwaro engka Ulolongeng patappulo lima tau iya dé'é napasala.”

MAZMUR 136:26

Sukkuru'no lao ri Allataala panguwasana langié; mannennungengngi pammasé-Na.

MAZMUR 50:15

Angobbino ri Iyya ri wettu aperisengngé, Upaleppe'ko matu, namupoji-Ka matu.”

MAZMUR 91:15

Rékko mangobbii lao ri Iyya, Ubaliwi matu. Ri wettu aperisengngé, Utulungngi matu; Upaleppe'i matu sibawa Uwéréng alebbireng.

YESAYA 37:4

Purai nasuro arung Asyur parawira tanréna untu' pakatunai Allataala iya tuwoé. Nigana missengngi purani naéngkalinga Puwang Allataala iyaro pappakatunaé sibawa hukkungngi mennang iya powadaéngngi! Rimakkuwannanaro assempajanno lao ri Allataala untu' sining tautta iya tuwoé mupa.”

YEREMIA 33:3

“Angobbino ri Iyya, na Umetté matu; Upaissengiko matu gau'-gau' iya magelloé sibawa mappabengngaé iya dé'éppa muwissengngi.

YEHEZKIEL 36:37

Makkedai Puwang Iya Pommatanré, “Eh bangsa Israélié, Upalalosiko méllau tulung ri Iyya; Utambaiwi matu jumellamu pada-pada bimbala makkonrongngé.

DANIEL 2:23

Ya, Allataala nasompaé toriyoloku, upoji-Ki sibawa upakalebbi. Saba' Muwérékka amaccang sibawa awatangeng. Purani Mutarima paréllautta. Sibawa pappébali untu' arungngé purani Muwappaitang.”

DANIEL 3:17

Rékko Allataala iya risompaé naulléi passalama'ki polé ri api iya malluwa'-luwa'éro sibawa polé ri akuwasanna Puwakku, pasti napogau'i.

DANIEL 4:26

Napparéntangngi sining malaéka'é kuwammengngi na tona iyaro ajué rileppessangngi monro ri laleng tanaé. Bettuwanna iyaro makkedaé mancaji arungngi matu paimeng Puwakku purana nangakui Puwakku makkedaé Allataala makuwasaiwi sininna linoé.

YUNUS 1:9

Nappébali Yunus, “Tau Ibranika. Usompai Puwangnge, Allataala ri surugaé, iya pancajiyéngngi tasi'é sibawa pottanangngé.”

MALEAKHI 3:18

Naitai matu paimeng umma'-Ku assilaingenna ri yelle'na totona tau makessingngé sibawa tau majaé, ri yelle'na tau iya massompaé lao ri Iyya sibawa dé'é.”

MATIUS 18:12

Pékkugi pallolongemmu? Akkalarapanna engka séddi tau iya mappunnaiyé sératu kajunna bimbala', na sikaju polé risining bimbala'éro teddéng, aga napogau' matu iyaro tauwé? Pasti nasalaiwi matu bimbala' iya aséraé pulona aséra kajunnaro ri bulu-bulué nalao sappai iya teddéngngéro.

MATIUS 18:19

Naisseng towi: Rékko ri yelle'mu ri linoéwé duwa tau siyempe' passalenna agi-agi sibawa nassempajangenna, iyaro sempajanna natarimai matu Ambo'-Ku ri surugaé.

RIWAYA'NA RASUL-RASUL-E 12:4

Ritikkennana, riputtama'ni Pétrus ri laleng tarungkué. Eppa regu tentara riwéréng tugas untu' jagaiwi Pétrus kuwaro – tungke'-tungke' regu eppa tentara. Purapi Ramé-ramé Paskaé, nainappa Hérodés maélo madélékiwi Pétrus ri yolona tau maégaé.

ROMA 15:30

Nasaba Puwatta Yésus Kristus, sibawa nasaba pammasé iya nabbéréyangngé Rohna Allataala, uwéllauwi sibawa masero ri iko, tennapodo maccowéko massempajang tonget-tongeng sibawakka lao ri Allataala untu' aléku.

2 PETRUS 2:9

Jaji, naisseng Puwangngé pékkugi passalama'i sining tau iya turusiyéngngi élo-Na rékko moloiwi paccobang-paccobang. Sibawa naisseng Puwangngé pékkugi taroi sining tau iya majaé untu' risissa ri Esso Pangadilangngé,

1 SAMUEL 17:37

Puwangnge pura passalama'i atatta polé ri singaé sibawa beruangngé, Alénato passalama'i matu atatta polé ri tau Filistingngéro.” Namakkeda Saul lao ri aléna, “Makessinni, tennapodo Puwangnge tulukko.”