DANIEL 2:11 - KITTA KAREBA MADECENG

¹¹ Nacinnaiwi Puwakku séuwa iya mawatang senna'é. Dé' muwi séddi mulléi pennoiwi sangadinna sining déwataé, iyakiya dé' mennang naonro ri yelle'na tolinoé.”

DANIEL 2:11 ပူးပေါင်းရင်းမြစ်များ

KAJAJIYANG 41:39

Namakkeda arungngé lao ri Yusuf, “Allataala pura paissengi manekko iyaé lao ri iko, jaji manessani makkedaé lebbi maccako nenniya mapanré naiya muwi niga.

KAJAJIYANG 41:8

Elénana maséssani arungngé, rimakkuwannaro nasuroni mobbii sininna passéhéré'é sibawa tau maccaé ri Maséré. Nainappa nacurita nippinna lao ri mennang, iyakiya dé' muwi séddi tau mulléi pakatajangngi bettuwanna.

1 ARUNG-NGARUNG 8:27

Iyakiya, oh Allataala, maélo tongekkoga monro ri linoéwé? Namuwi sininna langié dé'to nagenne lowanna untu' alé-Mu, apalagi bola assompang iya upatettongngéwé!

2 TAWARIKH 6:18

Iyakiya, oh Allataala, tongekkoga Maélo monro ri linoéwé ri yelle'na tolinoé? Muwi sininna langié dé'to nagenne lowanna untu' alé-Mu, apalagi bola assompang iya upatettongngéwé!

MAZMUR 132:14

Adan-Na, “Kuwanié onrok-Ku untu' mannennungeng, macinnaka mapparénta ri onrongngéwé.

MAZMUR 68:18

Nasibawang mappulo sebbu karéta mawatang mallurui Allataala ri yelle'na mennang ri laleng arajan-Na.

ASSURENG 29:45

Maélo-Ka monro ri tengnga-tengngana bangsa Israélié, sibawa mancaji Allataalana mennang.

ASSURENG 8:19

angkanna sining ahli passéhéré'éro makkeda lao ri arungngé, “Iyaé pangkaukenna Allataala.” Iyakiya iyaro arungngé matedde atiwi, napada-pada iya pura napowadaé Puwangnge, iyaro arungngé dé' namaélo bati-batiwi ada-adanna Musa sibawa Harun.

YESAYA 47:12

Attunru-tunruno bawang sibawa sininna pajjappi sibawa passéhéré'mu, iya réppaiyékko mappammulai wettu baiccu'mu. Nigana missengngi makkégunai iyaro ri alému, untu' péttauriwi sining balimmu.

YESAYA 57:15

Saba' makkuwaiyé adanna Allataala Iya Pommatanré sibawa mapaccingngé, iya makuwasaé untu' mannennungeng, “Monroka ri onrong iya matanré sibawa mapaccingngé, iyakiya ri yelle'nato sining tau iya mariyawa atié sibawa iya sesse'éngngi dosa-dosana, untu' palisui sumange'na sibawa amménasanna mennang.

YESAYA 8:18

Iyya'naé sibawa ana'-ana' iya nawéréngngékka Puwangnge. Puwang Iya Pommakuwasaé iya mapparéntaé ri Bulu Sion, suroki mancaji tanrang untu' umma Israélié.

DANIEL 4:4

Monroka sibawa saléwangeng ri laleng saorajaku nenniya tuwo sibawa masennang.

DANIEL 5:11

Saba' ri laleng akkarungenna Puwakku engka séddi worowané iya ripennoiyé ri rohna déwata-déwata iya mapaccingngé. Ri wettu apparéntanna ambo'na Puwakku, pabuttini iyaro tauwé mappunnaiwi amaccang, pappéjeppu sibawa pangissengeng, iya pada-padaé pangissengenna sining déwataé. Ambo'na Puwakku Arung Nébukadnézar pura makkai mancaji pamimpinna sining pabotoé, ahli pajjappié, sining tau mappangissengengngé sibawa ahli pappalakiyaé.

ABBILANGENG 35:34

Aja' mucarépaiwi tana iya muwonroiyé, nasaba Iyya'na Puwang, na Iyya monro ri tengnga-tengngana bangsa Israélié.”

MATIUS 19:26

Naitani Yésus mennang nainappa makkeda, “Untu' tolinoé, mustahélé' iyaro! Iyakiya untu' Allataala, wedding maneng.”

YOHANES 1:14

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

YOHANES 14:17

Aléna Rohna Allataala iya pannessaéngngi matu atongengengngé passalenna Allataala. Dé' naulléi linoé tarimai, saba' dé' naitai iyaré'ga naissengngi. Iyakiya iko muwissengngi, nasaba monroi sibawakko enrengngé maélona masséddi sibawa iko.

YOHANES 14:23

Nappébali Yésus, “Tau iya mamaséiyékka, naturusiwi pappagguruwak-Ku. Ambo'-Ku mamaséiwi. Ambo'é sibawa Iyya laowi matu ri aléna sibawa monroi sibawangngi.

2 KORINTUS 6:16

Aga assisumpungenna Bolana Puwangngé sibawa bolana barahalaé? Idi'é Bolana Puwangngé, Allataala iya tuwoé. Allataala muto makkeda, “Maélo-Ka monro ri tengnga-tengngana mennang, sibawa tuwo silaong mennang. Mancaji-Ka matu Allataalana mennang, sibawa mennang mancaji matu umma'-Ku.

WAHYU 21:3

Nainappa uwéngkalinga sadda polé ri kadéra arajangngéro gora sibawa maloppo, “Makkekkuwangngé onronna Allataala iyanaritu silaongngi tolinoé! Tuwoi matu sibawa mennang, nancaji matu mennang umma'-Na. Aléna Allataala sionrong matu sibawa mennang enrengngé namancaji Allataalana mennang.