DANIEL 2:10 - KITTA KAREBA MADECENG

¹⁰ Nappébali sining tau accaéro, “Ri sininna linoé dé' muwi séddi tau iya mullééngngi mappaissengengngi aga iya nacinnaiyé Puwakkuro. Sibawa dé'pa naengka séddi arung, muwi maga rajanna sibawa lebbina, tuntu'i gau' pada-padaéro polé risining pabotoé, pajjappi maccaé, sibawa sining tau mappangissengengngé ri saorajana.

DANIEL 2:10 ပူးပေါင်းရင်းမြစ်များ

YESAYA 47:13

Posoko nasaba égana pangaja. Suroi sining pabotoé malluru passalama'ko; mennang iya puraé salidikiwi sininna sunna langié sibawa magguruiwi sining wéttowingngé, sibawa ri tungke uleng baru botoi aga iya mancajiyé totomu.

DANIEL 2:2

Rimakkuwannanaro naobbini sining pabotoé, pajjappi maccaé, sanroé sibawa sining tau mappangissengengngé, untu' pakatajangngi nippinnaro.

DANIEL 2:27

Nappébali Daniél, “Puwakku, dé'gaga tau mappangissengeng, pajjappi macca, paboto iyaré'ga pappalakiya iya mullééngngi mappaissengengngi gau'éro lao ri Puwakku.

DANIEL 3:8

Siyagangngaré tau Babél pakéi kasempatangngéro untu' cilakaiwi tau Yahudié.

DANIEL 4:7

Iyakiya wettunna sining pabotoé, pajjappi maccaé, sining tau mappangissengengngé sibawa sining pappalakiyaéro polé sibawa ucuritangngi nippikkuro lao ri mennang, dé' muwi séddi tau mulléi pakatajangngi bettuwanna.