DANIEL 12:9 - KITTA KAREBA MADECENG

⁹ Nappébali, “Laono makkekkuwangngé, Daniél, saba' iyaé ada-adaé harusu'i risubbu sibawa rirahasiyakang narapi paccappurenna linoé.

DANIEL 12:9 ပူးပေါင်းရင်းမြစ်များ

YESAYA 29:11

Bettuwanna tungke pakkitangngé tassubbui matu ri alému, pada-pada bobbo iya riségélé'é. Rékko iyaro bobbo'é ritiwii ri séddié tau iya weddingngé mabbaca kuwammengngi nabacangekko, makkedai matu makkedaé dé' nawedding, nasaba iyaro bobbo'é riségélé'i.

YESAYA 8:16

Iko, ana'-ana' gurukku harusu'ko taroi sibawa piyarai sining paseng iya nabbéréyangngé Allataala lao ri iyya.

DANIEL 10:14

Poléka untu' mébbuko majeppuiwi aga iya kajajiyangngé matu matti ri bangsamu. Iyaé pakkitangngé passalenna esso mangoloé.”

DANIEL 11:40

Rékko mawé'ni narapi cappa'na akuwasanna arunna wanuwa manorang, arunna wanuwa yattang gasai matu. Nainappa arunna wanuwa manorang mpale'i matu iyaro paggasaé sibawa masero. Pangarai matu maéga karéta musu, anyarang sibawa kappala. Maggasai matu pada-pada lémpe rajaé, sibawa tudangi maéga wanuwa.

DANIEL 12:4

Nainappa makkedasi iyaro malaéka'é lao ri iyya, “Daniél, tongkoi iyaro kitta'é makkekkuwangngé, sibawa paddeppériwi ségélé kuwammengngi tette'i tattongko narapi paccappurenna linoé. Maéga tau cobai matu salidikiwi aga iya mattengngangngé kajajiyang. Iyakiya siya-siyai matu usahana mennanro.”

DANIEL 12:8

Sininna iya napowadaéro mémeng uwéngkalinga, iyakiya dé' upahangngi. Nainappa makkutanaka, “Puwang, pékkugi matu iya manennaé paja?”

DANIEL 8:26

Pakkitang passalenna akkarobangeng arawéngngé sibawa éléé iya puraé ripakatajang lao ri ikoro, tonget-tongengngi kajajiyang matu. Iyakiya iya manennaro kajajiyangngi matu ri wettu mangoloé iya mabélaé mupa; jaji aja' mucuritai muwi lao ri séddié tau.”

WAHYU 10:4

Massaddanna iya pitu guttuéro, maéloka mokii, iyakiya méngkalingaka séuwa sadda polé ri surugaé makkeda, “Rahasiyakangngi aga iya napowadaé iya pitu guttuéro; aja' muwokii!”