DANIEL 12:7 - KITTA KAREBA MADECENG

⁷ Tau iya laingngéro makkai iya duwa limanna ménré ri langié. Uwéngkalingai mattanro nasabbing Allataala iya mannennungengngé sibawa makkeda, “Iyaro sining kajajiyangngé matterui matu tellu sitengnga taung ittana. Pajanana paccallangngé lao ri umma'na Allataala, paja toni iyaro sining kajajiyang makalallaingngé.”

DANIEL 12:7 ပူးပေါင်းရင်းမြစ်များ

YESAYA 62:12

Riyasengngi matu mennang: ‘Umma mapaccing’; ‘Umma iya napassalama'é Puwangnge’. Riteppui matu Yérusalém ‘Kota iya ripalécé ri Puwangnge’, ‘Kota iya dé'énna risalaiwi ri Puwangnge’.

YEREMIA 4:2

Rékko mattanroko ri laleng asek-Ku sibawa tuwoko malempu, adélé sibawa tongeng, sininna bangsaé méllauwi matu ri Iyya kuwammengngi Ubarakkakiwi mennang, nanapoji-Ka matu mennang.”

YEHEZKIEL 20:5

Palettu'i aga iya Upowadaéwé. Purani Upilé Israélié sibawa mattanro untu' mennang. Ri Maséré, Uwappaissengengngi aléku lao ri mennang enrengngé makkeda, ‘Iyya'na Puwang Allataalamu.’

DANIEL 10:5

Congaka, nauwitai séddi tau iya mappaké pakéyang polé ri lénangngé sibawa babbang polé ri ulaweng tuléngngé.

DANIEL 11:13

Untu' mabbékkaduwanna arunna wanuwa manorang mébbui matu pasukang iya battowaé, mala iya lebbi battowaé naiya mammulangngé. Rékko narapini wettunna, mallurui matu sibawa tentara iya battowaé sibawa paréwa iya maéga senna'é.

DANIEL 12:6

Iya séddié makkutanai lao ri iya tettongngé lebbi macawé' sibawa ulunna saloé, “Uppannapa sining kajajiyang iya makalallaingngéwé maccappa matu?”

DANIEL 12:8

Sininna iya napowadaéro mémeng uwéngkalinga, iyakiya dé' upahangngi. Nainappa makkutanaka, “Puwang, pékkugi matu iya manennaé paja?”

DANIEL 4:31

Dé'pa napajaka mabbicara wettunna paéngkalinga sadda polé ri langié, “Arung Nébukadnézar, éngkalingai iyaé! Akuwasammu selaku arung riyalani polé ri alému.

DANIEL 4:34

Labe'nana iyaro wettu pituttaungngé, congana ri langié, nanalisuna amaingekekku. Naupojiwi Allataala Iya Pommatanré. Upojiwi sibawa upakalebbii Aléna iya tuwoé mannennungenro. “Mancaji arungngi matu Allataala untu' mannennungeng. Makuwasai sillampé wettué.

DANIEL 7:21

Wettukku pénessaiwi, iyaro tanru'é mammusui méwai umma'na Allataala sibawa caui mennang.

DANIEL 7:25

Mabbicarai matu méwai Allataala Iya Pommatanré sibawa tenre'i umma'na Allataala. Makkuragai matu pinrai hukkung-hukkungngé sibawa pésta-pésta agamana umma'na Allataala, narikuwasai matu mennang tellu sitengnga taung ittana.

DANIEL 8:14

Uwéngkalingai malaéka iya séddiéssi mappébali, “Gangka 1.150 essopi. Ri lalenna wettuéro akkarobangeng arawéngngé sibawa akkarobangeng éléé dé' nariyakkasuwiyangeng. Purapiro nainappa ripalisu matu bola assompangngé.”

DANIEL 8:24

Mancaji mawatang senna'i matu, iyakiya tenniya nasaba awatangeng riyaléna. Mappapoléi matu abinasang iya mappakatau-taué na agi-agi iya napogau'é mallolongengngi matu. Napabbinasai matu sining tau baranié sibawa umma'na Allataala.

LUKAS 21:14

Esserini makkedaé dé' matu mubata-bata passalenna aga harusu' mupowada untu' méwaiwi alému.

LUKAS 21:24

Engka matu riyuno sibawa peddang, engkato matu ritiwi selaku tawangeng ri wanuwa-wanuwanna tauwé; nasining tau iya dé'é naissengngi Allataala naléjja'-léjja'i matu Yérusalém narapi cappu wettu iya pura napattentué Puwangngé untu' mennang.”

ULANGENG 26:19

Naébbuko matu Puwangnge lebbi battowa polé ri sininna bangsa laing iya puraé Napancaji, ripojiko matu sibawa ripakalebbi. Mancajiko umma'na Puwang Allataalamu pada-pada iya Najjanciyangngé.”

ULANGENG 32:36

Puwangnge passalama'i matu umma'-Na sibawa mamaséiwi ata-atan-Na, rékko naitai teppaullé sibawa acappureng awatangeng.

ULANGENG 32:40

Nasaba alé-Ku, Allataala iya tuwoé, Uwakkai limak-Ku sibawa mattanro:

ULANGENG 7:6

Pogau'i iya manennaro nasaba appunnangennako Puwang Allataalamu. Polé risininna bangsaé ri tompo'na linoé iko ritu napilé Puwang Allataalamu untu' mancaji umma'na iya dé'é padanna.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

WAHYU 12:14

Iyakiya iyaro makkunraié purani riwéréng duwa panni kuwajang iya battowaé, kuwammengngi naluttu lao ri onronna ri padang kessi'é, ri onronna matu ripiyara tellu sitengnga taung ittana, massala polé ri nagaé.

WAHYU 12:6

Nalarina iyaro makkunraié lao ri padang kessi'é, ri onrong iya puraé ripassadiyangengngi ri Allataala. Ri onrongngéro ripiyarai matu 1.260 esso ittana.

WAHYU 13:5

Iyaro olokolo'é ripalaloi powadai gau'-gau' iya matempo senna'é sibawa pakatunai Allataala. Ripalaloi mapparénta patappulo duwa uleng ittana.

WAHYU 4:10

iya duwappuloé eppa pamimpingngéro tassulunni ri yolona iya tudangngé ri kadéra arajangngéro, nainappa nasompa Aléna iya tuwoé mannennungeng. Nainappa naggenrungeng mennang sining passigera'na ri yolona iyaro kadéra arajangngé sibawa makkeda,

WAHYU 4:9

Iya eppa mahlu'éro makkélongngi élokkélong pappojiyang, pappakalebbi sibawa sukkuru' lao ri Aléna iya tudangngé ri kadéra arajangngéro, iyanaritu Aléna iya tuwoé lettu mannennungeng. Na wettunna iyaro mahlu'-mahlu'é makkélong,