5 Nainappa uwita duwa tau worowané. Iya séddié tettongngi ri wirinna saloé kumaiyé, na iya laingngé ri wirinna saloé kuwaro.
Nainappa engka lima géssaka sibawa mébbuka moto' namattulekketto ri limakku sibawa uttuku.
Nainappa malaéka' iya maddupa tolinoéro loro'i limanna sibawa géssai témukku. Makkedaka lao ri aléna, “Puwang, iyaé pakkitangngé mébbuka makkuwamani natenre'ku angkanna dé' siseng pakkullékku.
Nainappa makkedasi iyaro malaéka'é lao ri iyya, “Daniél, tongkoi iyaro kitta'é makkekkuwangngé, sibawa paddeppériwi ségélé kuwammengngi tette'i tattongko narapi paccappurenna linoé. Maéga tau cobai matu salidikiwi aga iya mattengngangngé kajajiyang. Iyakiya siya-siyai matu usahana mennanro.”
Iya séddié makkutanai lao ri iya tettongngé lebbi macawé' sibawa ulunna saloé, “Uppannapa sining kajajiyang iya makalallaingngéwé maccappa matu?”