DANIEL 12:3 - KITTA KAREBA MADECENG

³ Sining pamimping iya mapanré mattappai matu pada-pada cahaya langié. Sibawa mennang iya puraé paggurui maéga tau untu' pogau'i aga iya makessingngé sibawa adélé'é, mattappai matu pada-pada sining wéttowingngé untu' mannennungeng.”

DANIEL 12:3 ပူးပေါင်းရင်းမြစ်များ

ASSURENG 34:35

naitai mennang rupanna Musa mattappa. Nanatongkoni paimessi rupanna narapi wettunna rékko mabbicarasi paimeng sibawa Puwangnge.

AMSAL 11:30

Tau mateppe'é ritanggungngi matu atuwonna; tau iya mapanré tattambai tau maccowériyéngngi.

AMSAL 3:35

Tattamba mabaui matu asenna tau mapanré, na tau madonggoé pédé ricellai.

AMSAL 4:18

Lalenna tau majaé mapettangngi pada-pada kalemmenna wennié. Tabbuttui mennang namabuwang tennaissengngi. Sibalé'na, laleng iya naolaé tau makessingngé iyanaritu pada-padai ompona mata essoé; pédé maitta pédé matajang, angkanna paccappurenna mancaji matajang senna.

PAKKATOBBA 12:9

Iyaro Pappikkiri'é naisseng sibawa mapanréi. Rimakkuwannanaro napagguruwangngi umma'é sininna pangissengengngé. Maéga pakkalarapang naggurui nainappa naoji atongengenna.

YESAYA 53:11

Rimakkuwannanaro makkedai Puwangnge, “Puranana nakenna anrasa-rasang, masennangngi matu sibawa massaunna. Iyaro atak-Ku, iya pésennangiyéngngi atik-Ku, purani natanggung pahukkungenna tau maégaé; nasaba aléna Uwaddampengengngi matu mennang.

YEREMIA 23:22

Akkalarapanna naissengngi mennang aga iya tattampu'é ri laleng pikkirak-Ku, tentu purani mennang napalettu lao ri umma'-Ku sininna iya puraé Upowada. Natoba' matu umma'-Ku polé ri dosa-dosana sibawa ampé-ampéna iya majaé.

DANIEL 11:33

Sining tau mapanré iya pimpingngéngngi ra'ya'é naébbui matu maéga tau majeppuiwi. Iyakiya untu' siyagangngaré wettu ittana, siyagangngaré ri yelle'na mennang matéi matu nasaba musué iyaré'ga nasaba api, nasiyagangngaré tausi rirampo'i matu sibawa ritawang.

DANIEL 11:35

Sibagiyang polé risining pamimping iya mapanréro riyunoi matu, iyakiya iyaro sinrupai ojiyang untu' umma'é angkanna mennang mancaji mapaccing matu. Iyaro gau'é matterui matu lettu ri paccappurenna linoé, iyanaritu wettu iya puraé napattentu Allataala.

DANIEL 12:10

Maéga tau riyoji matu sibawa ripatuléng. Mennang iya majaé dé' najeppuiwi matu sibawa matterui matu pogau'i majaé; banna mennang iya mapanré majeppuiwi matu.

MATIUS 13:43

Na sining tau iya pogau'éngngi élona Allataala mattappai matu pada-pada mata essoé ri laleng Lino Barunna Allataala, Ambo'na mennang. Jaji, rékko maddaucculikko, éngkalingai!”

MATIUS 19:28

Nakkeda Yésus lao ri mennang, “Ateppe'no: Ri Lino Baruéro, Ana'na Tolinoé tudangngi matu ri kadéra arajan-Na malebbié. Iyaro wettué iko ana'-ana' guruk-Ku tudakko matu ri yasé'na seppuloé duwa kadéra arajang sibawa madélékiwi seppuloé duwa suku bangsana Israélié!

MATIUS 24:45

Nakkedasi Yésus, “Rékko makkuwaitu, pattumani nigana matinulu sibawa mapanré? Aléna ritu riyakka ri puwanna mancaji kapala lao ri sining pattumani laingngé; kuwammengngi napanréi mennang ri wettunna.

YOHANES 4:36

Tau iya méngngalaé mammulani nanatarima sarona sibawa paddeppungeng wassélé' untu' atuwong mannennungengngé. Na tau iya mampoé sibawa tau iya méngngalaé weddingngi massennas-sennang massibawa.

YOHANES 5:35

Iyaro Yohanés pada-padai lampu malluwa'é sibawa iya mattaparengngé cahaya. Untu' wettu iya dé'é namaitta masenna'ko tarimai cahayanaro.

RIWAYA'NA RASUL-RASUL-E 13:1

Ri laleng jema'é ri Antiokhia engka nabi-nabi sibawa guru-guru, iyanaritu Barnabas, Siméon iya ritellangngé Si Bolong, Lukius polé ri Kiréné, Menahém iya ripawekke'é silaong Arung Hérodés, sibawa Saulus.

1 KORINTUS 3:10

Nasibawang amaccang iya nabbéréyangngé Allataala, iyya selaku panré bola pura pasangngi pandaménna untu' iyaro bolaé, na tau laingngé patettongngi bolaé ri yasé'na pandaméngngéro. Tungke'-tungke' tau harusu' pénessaiwi madécéd-décéng pékkugiwi patettongngi ri yasé'na iyaro pandaméngngé.

EFESUS 4:11

Aléna ritu iya “mabbéré pabbéré-pabbéré lao ri tolinoé”; sibagiyang nakka mancaji rasul, iya laingngé mancaji nabi; iya laingngéssi mancaji pabbiritta Karéba Madécéngngéro, na laingngéssi nakkai mancaji guru-guru sibawa pappiyarana jema'é.

IBRANI 5:12

Sitongenna wettummuna untu' mancaji guru, iyakiya annessana parellu mupo magguru polé ri tau laingngé passalenna poko'-poko' mammulangngé sining pappagguruwanna Allataala. Dé'pa muwulléi tarima anré iya matedde'é; harusu mupo ménung susu bawang.

2 PETRUS 3:15

Angga'ni asabbarakenna Puwatta selaku kasempatang iya Nabbéréyangngé lao ri iko kuwammengngi naweddikko salama'. Paulus, saudarata iya ripojiyé pura toni naoki makkuwaéro lao ri iko. Naokii iyaro sibawa apanréng iya Nabbéréyangngé Allataala ri aléna.

WAHYU 1:20

Iyanaé rahasiyana polé ripitué wéttowing iya muwitaé ri lima atauk-Ku, sibawa polé ripitu ajé lampu ulawengngéro: Iyaro pitué wéttowing iyanaritu sining malaéka'na pitu jema'é, sibawa pitu ajé lampuro iyanaritu pitu jema'éro.”

HAKING-HAKING 5:31

Tennapodo sining balim-Mu, oh Puwang, matéi pada-pada Siséra, iyakiya sininna sahaba'-Mu mattappai pada-pada mata essoé ri bitaraé! Purairo, amanni wanuwaéro patappulo taung ittana.