DANIEL 12:2 - KITTA KAREBA MADECENG

² Maéga ri yelle'na mennang iya matéénna tuwoi matu paimeng; sibagiyang péneddingiwi matu atuwong mannennungengngé, na sibagiyassi péneddingiwi matu atunangngé sibawa appakatau-taureng iya mannennungengngétto.

DANIEL 12:2 ပူးပေါင်းရင်းမြစ်များ

AMSAL 12:8

Ripojiwi tauwé situru sibawa apanrénna; ripakatunai tauwé situru sibawa adongokenna.

YESAYA 26:19

Umma'-Mu iya matéénna tuwoi matu paimeng, tokkongngi matu paimeng sining ujuna. Tau iya puraénna rikuburu ri laleng tanaé tokkongngi matu sibawa gora-gora. Pada-pada cinoddo iya pétakkariyéngngi linoé, Mupatuwoi umma'-Mu iya maittaénna maté.

YESAYA 66:24

Wettunna joppa, naitai matu mennang ujuna sining tau iya puraé maronta lao ri Iyya. Ule' iya manrééngngi bakkéna mennang dé' namaté matu, sibawa api iya tunuéngngi mennang dé' napeddé matu; séuwa pakkitang iya mappakatau-taué lao ri sininna tauwé.” 156 1

YEREMIA 20:11

Iyakiya Iko, oh Puwang, ri aléku; mawatang senna'-Ko nabarani. Mennang iya mallellungngé sibawa tenre'ékka sempé'i matu sibawa dé' pakkullénna. Masirii matu mennang matteru-teru, marusa'ni sininna rancanana mennang. Atunanna mennanro tuli riyéngngerangngi matu.

YEHEZKIEL 37:12

Rimakkuwannanaro abbotono lao ri umma'-Ku Israéliéro makkedaé Iyya, Puwang Iya Pommatanré timpa'i matu kuburu'na mennang. Upassui matu mennang polé kuwaro sibawa palisui mennang lao ri tana Israélié.

HOSEA 13:14

Iyaé bangsaé dé' Upassalama'i matu polé ri akuwasanna linona tau maté. Eh amaténg, passanrani saimmu! Pogau'ni jama-jamammu iya paancuru'éro! Dé'na Uwamaséiwi iyaé bangsaé.

MATIUS 25:46

Narihukkung matu iyaro sining tauwé sibawa pahukkungeng mannennungengngé, nasining tau pogau'éngngi élona Allataala napéneddingiwi matu atuwong tongengngé sibawa mannennungengngé.”

RIWAYA'NA RASUL-RASUL-E 24:15

Pada-pada mennang, mappunnai tokka paddennuwang ri Allataala makkedaé sininna tauwé tuwoi matu paimeng polé ri amaténgngé – sining tau makessingngé, iyaré'ga sining tau majaé!

RIWAYA'NA RASUL-RASUL-E 7:60

Nakkaluttuna sibawa gora loppo, “Puwang, aja' naripaéssangi iyaé dosaé ri yasé'na mennang!” Purana makkeda makkuwaro, maténi.

ROMA 9:21

Dé'ga na tau iya mébbuéngngi po' bungaéro mappunnai ha' jamai iyaro tana litaé siélo-élona atinna? Polé ri sitékké tana lita, iyaro tauwé mappunnai ha' mébbu duwanrupa po' bunga: séddi makessing, na iya laingngé makurang kessing.

1 TESALONIKA 4:14

Mateppe'ki makkedaé purai maté Yésus sibawa tuwoi paimeng. Iyanaro saba'na tamateppe'to makkedaé Allataala patuwoi matu paimeng sininna tau iya mateppe'é ri Yésus iya matéénna, kuwammengngi natuwo mennang sibawa Aléna.

WAHYU 20:12

Sibawa uwitai sining tau maté, baiccu battowa, tettong ri yolona kadéra arajangngéro. Naritimpa'na sining kitta'é. Nainappa séddi kitta laingngé ritimpa, iyanaritu Kitta'na Tau Tuwoé. Nainappa ripatatteppa pahukkungengngé ri yasé'na sining tau maté, situru pangkaukenna mennang iya riyokié ri laleng sining kitta'éro.