DANIEL 12:1 - KITTA KAREBA MADECENG

¹ Makkedasi malaéka' iya paké pakéyang lénanro, “Iyaro wettué mompoi matu malaéka' battowaé Mikhaél pallinrunna bangsamu. Nainappa engka matu wettu asukkarakeng iya dé'é gaga pada-padanna sipongenna engka bangsa-bangsaé. Iyakiya sininna tau polé ri bangsamu iya tarokié asenna ri laleng kitta'na Allataala, ripassalama'i matu.

DANIEL 12:1 ပူးပေါင်းရင်းမြစ်များ

MAZMUR 56:8

Engkaga asalamakeng untu' jana mennang? Paccappui mennang ri laleng cai-Mu, oh Allataala!

MAZMUR 69:28

Leppessanni asalanna tattamba maéga; aja' naripattongeng mennang.

YESAYA 4:3

Tungke tau iya risalaiyé ri Yérusalém, sining tau iya napilé Allataala untu' ripassalama, riteppui matu mapaccing.

YESAYA 9:7

Puwangnge pura pateppai pahukkungengngé ri yasé'na akkarungenna Israélié.

YEREMIA 30:10

Umma'-Ku Israélié, aja' mumétau! Atak-Ku Yakub, aja' mumétau! Iko sibawa wija-wijammu Upassalama'i matu polé ri wanuwa mabélaé, onrommu ritawang. Lisuko matu sibawa monro ri wanuwammu sibawa amang. Tuwoko matu sibawa damé; dé'gaga iya parellué muwétauri.

YEREMIA 30:7

Narapi esso maseroé, esso iya dé'é gaga padanna. Untu' umma'-Ku, panennengi iyaro essoé; iyakiya Upassalama'i matu mennang.”

YEHEZKIEL 13:9

Uhukkukko matu, éh nabi-nabi iya powadaéngngi boto bellé sibawa nawa-nawaéngngi sining pakkitangngé! Dé'na naweddikko maccowé mabbéré apettung ri laleng addeppu-deppungenna umma'-Ku. Ricoré'i matu aseng-ngasemmu polé ri daftar appanna Israélié, sibawa dé' matu mulisuna ri tana assalemmu. Namuwissengngi matu makkedaé Iyya ritu Puwang Iya Pommatanré.

YEHEZKIEL 34:24

Iyya, Puwang, mancaji matu Allataalana mennang, sibawa arung iya pada-padaé atak-Ku Daudro mancaji matu panguwasana mennang. Iyya Puwang pura mabbicara.

YEHEZKIEL 5:9

Nasaba sininna pangkaukemmu iya Ucéccé, Uhukkungngi matu pabbanuwamu masero senna iya dé'éppa naengka Upogau'i sibawa dé'na Upogau'i matu paimeng.

DANIEL 10:13

Naéwaka malaéka' pallinrunna akkarungeng Persia duwappulo séddi esso ittana. Nainappa Mikhaél, sala séddinna polé risining pamimpinna malaéka'é, polé tulukka. Usalaini kuwaro, ri Persia.

DANIEL 11:45

Mala pasangngi matu kéma akkarungeng ri pallawangenna tasi'é sibawa bulu onronna Bolana Puwangnge. Iyakiya ri munri matéi matu na dé'gaga muwi séddi tau iya tulungngéngngi matu.”

DANIEL 7:10

sibawa solo' api massolo polé ri kadéra akkarungengngéro. Massebbu tauwé tumaningiwi Aléna, sibawa majjuta tauwé tettong ri yolo-Na. Nainappa ripammulai sidang pengadilangngé, sibawa ritimpa sining bobbo'é.

DANIEL 9:12

Tinda'ko situru pada-pada iya puraé Muwajjanciyang lao ri idi sibawa lao risining panguwasata. Purani Muhukkung Yérusalém lebbi matedde naiya muwi kota niga ri linoéwé.

YOEL 2:2

Iyaro essoé makalemmengngi namapettang, pennoi saléwu iya mallawu-lawué. Makkapoléngngi tentara incalé pada-pada ellung iya mallebba'é ri yasé'na bulué. Kajajiyang pada-padaéro dé' naengkapa, sibawa dé'to nakkoling matu lettu mannennungeng.

MALEAKHI 3:16

Nainappa mabbicara séddié lao ri laingngé tau iya métaué lao ri Puwangnge. Naéngkalinga Puwangnge sibawa najampangi aga napowada mennang. Sining tau iya pakalebbiéngngi sibawa métaué lao ri Aléna, riyokii asen-Na ri laleng séddié kitta catatang iya engkaé ri yolo-Na.

MATIUS 24:21

Ri esso-esso iya mappakatau-tauéro engka matu asussang battowa iya dé'éppa naengka nakajajiyang sipongenna linoé lettu makkekkuwangngé, sibawa dé' tona nakajajiyanna.

MARKUS 13:19

Ri esso-esso iya mappakatau-tauéro, engka matu asussang iya dé'éppa naengka nakajajiyang, sipongenna napancaji Allataala linoé lettu makkekkuwangngé, sibawa dé'tona nakajajiyang matti.

LUKAS 10:20

Namuni makkuwaro aja' mumarennu nasaba sining roh majaé tunru' ri iko. Lebbi kessing muwi akkérennuko nasaba riyokii asemmu ri surugaé.”

ROMA 11:15

Nasaba risampéyangngi mennang ri Allataala, namadécéng paimeng assisumpungenna linoé sibawa Allataala; apalagi rékko ritarimai mennang ri Allataala! Tentu iyaro pada muwi tau maté tuwosi paimeng!

ROMA 11:26

Makkuwaniro sininna tau Yahudié salama'i matu. Saba' ri laleng Kitta'é tarokii makkuwaé, “Arung Pappassalama'é poléi matu ri Sion; naleddai matu sininna ja polé ri wija-wijanna Yakub.

EFESUS 1:21

Iyaro tudangenna Kristus mabélai lebbi matanré naiya tudangenna sininna pamaréntaé, sininna tau makuwasaé, sininna pamimpingngé, sininna bapa'-bapa'é sibawa muwi nigi-nigi iya puraé riwéréng tudangeng matanré muwi iya tuwoé ri wettuéwé iyaré'ga iya tuwoé ri wettu mangoloé.

FILIPI 4:3

Lao ri sellaoku iya matinulué, uwéllau towi kuwammengngi Saudara bantuwi iya duwa makkunraiéro. Purani majjama senna' mennang sibawakka untu' mabbirittangngi Karéba Madécéng polé ri Allataala; pada-pada Klémén sibawa sininna tau laingngé iya majjamaé sibawakka. Aseng-ngasenna mennang engkai ri laleng Kitta'na Tau Tuwoé.

YUDAS 1:9

Aléna Mikhaél, iya kapalaiyéngngi sining malaéka'é, dé' naengka napogau'i iya makkuwaéro. Wettunna mappangéwangngi sibawa Ibillisi' ri laleng assisalanna passalenna niga lolongengngi matu ujuna Musa, dé' nabarani Mikhaél madélékiwi Ibillisi' sibawa ada-ada paccella. Banna makkedai Mikhaél, “Puwangngé gera'ko matu!”

WAHYU 1:5

sibawa polé ri Yésus Kristus, sabbi iya matinulué. Aléna ritu bunge'-bunge' ripatuwo paimeng polé ri amaténgngé sibawa Aléna ritu makuwasa lao risining arunna linoé. Yésus mamaséiki, nanasibawang amatén-Na nanapaleppe'ki polé ri dosa-dosata,

WAHYU 12:7

Nainappa ri surugaé kajajiyanni musué. Mikhaél silaong malaéka-malaéka'na mammusu méwai iyaro nagaé. Na iyaro nagaé ribantui ri malaéka-malaéka'na, méwai Mikhaél.

WAHYU 13:8

Iyaro olokolo'é risompai matu ri sininna tau iya tuwoé ri yasé'na linoé, sangadinna sining tau iya asennaé purani riyoki riwettu dé'napa naripancaji linoé, ri laleng kitta'na tau tuwoé appunnangenna Ana' Bimbala' iya puraé rigéré.

WAHYU 17:14

Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”

WAHYU 20:12

Sibawa uwitai sining tau maté, baiccu battowa, tettong ri yolona kadéra arajangngéro. Naritimpa'na sining kitta'é. Nainappa séddi kitta laingngé ritimpa, iyanaritu Kitta'na Tau Tuwoé. Nainappa ripatatteppa pahukkungengngé ri yasé'na sining tau maté, situru pangkaukenna mennang iya riyokié ri laleng sining kitta'éro.

WAHYU 20:15

Sining tau iya dé'é nariyoki asenna ri laleng Kitta'na Tau Tuwoé, iyaro sining tauwé ribuwangngi ri laleng tasi apié.

WAHYU 3:5

Mennang iya pacaué ripappakéiwi matu pakéyang maputé. Asenna mennang dé' Uleddai matu polé ri Kitta'na Tau Tuwoé. Na riyolona Ambo'-Ku enrengngé malaéka'-malaéka'-Na mangaku-Ka matu makkedaé mennang iyanaritu appunnangek-Ku.

WAHYU 7:14

Umappébali, “Dé' uwissengngi Puwang. Puwang muto missengngi.” Nakkeda lao ri iyya, “Iyanaé sining tau iya salama'é laloiwi wettu paccallangngé iya maseroé. Purani mennang nasessa jumbana enrengngé naébbui maputé sibawa darana Ana' Bimbala'éro.