DANIEL 11:9 - KITTA KAREBA MADECENG

⁹ Nainappa arunna wanuwa manorang nagasai matu wanuwa yattang, iyakiya ripasoroi matu sibawa lisu ri wanuwanna muto.

DANIEL 11:9 ပူးပေါင်းရင်းမြစ်များ

DANIEL 11:10

Nainappa ana'-ana' worowanéna arunna wanuwa manorang sadiya-sadiyai matu untu' mammusu sibawa mébbu tentara iya battowaé. Sala séddinna polé ri mennanro mallurui matu maggasa pada-pada lémpe'é. Ri laleng aggasareng iya maduwaé nagasai bénténna balié.

DANIEL 11:11

Namacaina arunna wanuwa yattang, namalluru matu ri ammusurengngé méwai arunna wanuwa manorang. Naulléi matu caui tentara battowa iya napangaraé arunna wanuwa manorang.

DANIEL 11:5

Mancaji mawatangngi matu arunna wanuwa yattang. Iyakiya sala séddinna polé risining pallimana mancajiwi matu lebbi mawatang naiya aléna, sibawa naparéntai matu akkarungeng iya lebbi battowaéppa.

DANIEL 11:8

Wettunna lisu ri Maséré, natiwii matu dato-dato déwatana balinna sibawa paréwa ulawengngé nenniya péra'é iya puraé nakkasuwiyangeng lao ri déwataéro. Siyagangngaré taung ittana dé' matu namusui arunna wanuwa manorang.

ZAKHARIA 6:6

Karéta musu iya nagettengngé anyarang bolong mattujui ri Babél ri manorang. Anyarang tembagaé mattujui ri yajang sibawa anyarang iya baloé mattujui ri wanuwaé ri yattang.”

WAHYU 17:14

Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”