DANIEL 11:8 - KITTA KAREBA MADECENG

⁸ Wettunna lisu ri Maséré, natiwii matu dato-dato déwatana balinna sibawa paréwa ulawengngé nenniya péra'é iya puraé nakkasuwiyangeng lao ri déwataéro. Siyagangngaré taung ittana dé' matu namusui arunna wanuwa manorang.

DANIEL 11:8 ပူးပေါင်းရင်းမြစ်များ

KAJAJIYANG 31:30

Uwisseng makkedaé joppako nasaba macinna senna'ko lisu. Iyakiya magi muwénnauwi dato'-dato' pallinrung kaluwargaku?”

2 SAMUEL 5:21

Larini pasukang Filistingngé tennarapini tiwii dato'-dato' barahalana. Iyaro dato'-dato'é nalani Daud sibawa ana' buwana.

ASSURENG 12:12

Iyaro wennié maélo-Ka jalajja'i sininna tana Maséré, sibawa mpunoi tungke' ana' worowané macowaé, muwi tolino, iyaré'ga olokolo. Maélo-Ka hukkungngi sininna déwataé ri Maséré, nasaba Iyya'na Puwang.

YESAYA 2:16

Sining kappala iya kaminang maloppoé sibawa kaminang magelloé ripatallemme'i matu.

YESAYA 37:19

Natunu towi déwata-déwatana mennang sibawa naancuru'i, saba' iyaro déwata-déwataé dé' sises-siseng namakuwasa. Bannai mennang dato-dato polé ri ajué sibawa batu ébbu tolinoé.

YEREMIA 46:25

Puwang Iya Pommakuwasaé, Allataalana Israélié, makkeda, “Uhukkungngi matu Amon, déwata polé ri Tébé, silaong sininna Maséré sibawa déwata-déwatana enrengngé arung-ngarunna. Arung Maséré sibawa sininna tau iya mattuwangngéngngi

DANIEL 10:3

Ri lalenna wettuéro dé' uwanré inanré iya malunra'é iyaré'ga juku; dé' uwénung anggoro, sibawa dé'to ujakkaiwi gemme'ku.

DANIEL 11:9

Nainappa arunna wanuwa manorang nagasai matu wanuwa yattang, iyakiya ripasoroi matu sibawa lisu ri wanuwanna muto.

HOSEA 13:15

Namuni madécéngngi Israélié pada-pada wella iya macommo'é, iyakiya kirik-Ka matu anging alau iya mapellaé polé ri padang kessi'é. Iyaro angingngé narakkoiwi matu sininna mata uwai sibawa sining bujungngé, angkanna lennye sininna iya mangke'é.

HOSEA 8:6

Saping ulaweng iya nasompaé ri Samariaro iyanaritu ébbuna sining panré ri Israélié! Tenniya Allataala iyaro, na harusu'i riyancuru!

ABBILANGENG 33:4

iya mattengngangngé kuburu'i ana'-ana' macowana mennang iya puraé nauno Puwangnge. Nasibawang pangkaukengngéro, napabuttiwi Puwangnge makkedaé lebbi watangngi naiya déwata-déwata Maséré'é.

ULANGENG 12:3

Ruttungngi mézba-mézbana mennang sibawa ropo'i alliri-alliri batu iya naangga'é mennang makarame'. Tunui lambang-lambang Asyéraé, sibawa ancuru'i dato'-dato' barahalana mennang, angkanna iyaro déwata-déwataé dé'na narisompa matu paimeng ri onrong-ngonrongngéro.

HAKING-HAKING 18:24

Nappébali Mikha, “Mulariyangngi dato'-dato'ku sibawa imanna, angkanna dé'na uwappunnai aga-agana, nainappako makkeda, ‘Engka aga!’ ”