DANIEL 11:34 - KITTA KAREBA MADECENG

³⁴ Ri wettu matteruna iyaro abbunowangngé, lolongengngi matu umma'na Allataala sibawa céddé bantuwang, iyakiya maéga tau masséddi matu sibawa mennang banna untu' apentingenna muto mennang.

DANIEL 11:34 ပူးပေါင်းရင်းမြစ်များ

DANIEL 11:21

Makkedasi iyaro malaéka'é, “Arung rappina iya paréntaéngngi wanuwa manorang iyanaritu séddi tau matuna iya dé'é nappunnai ha' mancaji arung. Iyakiya poléi matu tennasenna-senna sibawa sittaiwi tudangenna arungngé sibawa bellé.

DANIEL 11:32

Nanasibawang belléna arungngéro napalécéi matu sining tau iya salaiyénni agamana, kuwammengngi namaélo bantui. Iyakiya sining tau iya matinulué lao ri Allataala baraniwi matu méwai.

MATIUS 7:15

“Atike'ko lao ri nabi-nabi palsué. Poléi matu mennang ri iko sibawa mallarikkodo bimbala', iyakiya sitongenna mennang pada-padai asu ale' masekkangngé.

ROMA 16:18

Saba' sining tau iya pogau'éngngi makkuwaéro dé' najjama untu' Kristus Puwatta, sangadinna untu' pawessoriwi cinna atinna. Nasibawang pappalécé sibawa ada-ada iya macenningngé, nabengnguwangngi sining tau iya dé'é agaga naisseng.

GALATIA 2:4

namuni engka sining tau iya maddessakengngéngngi gau'éro. Mennang iyanaritu sining tau maccelle'é ri laleng golongetta sibawa mallarikkodo selaku saudara. Muttama'i mennang sibawa mammekko-mekko untu' salidikiwi alaluwasang iya engkaé ri idi nasaba masséddiki sibawa Kristus Yésus. Maéloi mennang palisuki ri laleng keadaang bunge'-bunge'na selaku ata,

2 TIMOTIUS 4:3

Saba' narapii matu wettunna dé'na namaélo tauwé tarima pappagguruwang iya tongengngé. Sibalé'na, naturusiwi matu mennang cinnana muto, sibawa paddeppungeng maéga guru untu' ripagguru gau'-gau' iya malunra'é naéngkalinga ri daucculinna.

TITUS 1:11

Sining tau pada-padaéro harusu'i ritutu' témunna, saba' napakacauwi mennang maéga kaluwarga sibawa sining pappagguruwang iya omong kosongngé. Napogau'i mennang iyaro banna nasaba maéloi sappa asarong iya dé'é nasipato!

1 YOHANES 4:1

Saudara-saudara iya upojiyé! Aja' mumateppe lao ri sininna tauwé iya mangakué mappunnai Rohna Allataala, iyakiya ojiwi mennang riyolo' untu' missengngi aga Roh iya engkaé ri mennannanro assalenna poléi ri Allataala iyaré'ga dé'. Saba' maéga nabi palsu tassiya-siya kégi-kégi.

1 YOHANES 4:5

Iyaro nabi-nabi palsué mabbicarai passalenna gau'-gau' linoé, nanaéngkalingai linoé ada-adanna mennang, saba' mennang appunnangennai linoé.

2 YOHANES 1:7

Maégani tau pabengnguwang tassiya ri sininna linoé. Mennang iyanaritu sining tau iya dé'é nangakuiwi makkedaé Yésus Kristus poléi ri linoé selaku séddi tolino. Tau sinrupaéro iyanaritu pabbelléngngi, enrengngé Balinna Kristus.

YUDAS 1:4

Saba' tenrimaingekiwi, engka tau mattentu iya maccelle'é muttama ri tengnga-tengngata. Mennang tau maja ampé iya putara'balé'éngngi biritta passalenna pammaséna Allataalata, untu' lolongeng kasempatang pallessui napessunna. Nanasampéyangngi mennang Yésus Kristus, alé-aléna Panguwasa sibawa Puwatta. Riyolopa nariyolo pahukkungeng untu' mennang pura ribotoni ri laleng Kitta'é.

WAHYU 12:13

Wettunna namaingeki iyaro nagaé makkedaé purani ribuwang ri linoé, mammulani nalellung makkunrai iya puraénna jajiyang ana' worowanéro.

WAHYU 2:20

Iyakiya iyaé pappotane'-Ku lao ri iko: Muwéréngngi ati Izebél, makkunrai iya mangakuiyéngngi aléna surona Allataalaro. Maégani ata-atak-Ku iya nabengnguwangngé enrengngé napaggurui untu' mappangaddi enrengngé untu' manréi nanré iya puraé riyakkasuwiyangeng lao ri barahalaé.