DANIEL 11:18 - KITTA KAREBA MADECENG

¹⁸ Purairo nagasai matu bangsa-bangsaé ri wiring tasi'é, namaéga iya nacaué. Iyakiya séddi pamimpinna wanuwa laingngé pappajai matu pappakatuna iya napogau'éro, mala nawale'i matu iyaro pappakatunaé lao ri aléna.

DANIEL 11:18 ပူးပေါင်းရင်းမြစ်များ

ESTER 10:1

Pakangkai Arung Ahasywéros jamang passa, tenniya bawang ri ra'ya'é ri daéra-daéra wiring tasi'é ri laleng akkarungenna, iyakiya ri daéra-daéra padalamangngétto.

YESAYA 66:19

Taroka matu séddi tanrang ri tengnga-tengngana mennang. Sibagiyang céddé ri yelle'na mennang Upassalama matu. Usuroi matu mennang lao ri bangsa-bangsaé ri wanuwa-wanuwa mabélaé iya dé'éppa naengka naéngkalingai passalenna Iyya iyaré'ga mitai arajak-Ku sibawa akuwasak-Ku; lao ri Tarsis, Libia, nenniya Lidia sibawa pappana-pappana iya maccaé, lao ri Tubal sibawa Yunani. Nabbirittangngi matu mennang arajak-Ku ri yelle'na bangsa-bangsaéro.

YEREMIA 2:10

Tuttunni wirinna Siprus seddé yajang, kiringngi tauwé lilau ri wanuwa Kédar, paréssai kuwaro sibawa matutu, puraga kajajiyang gau' iya sinrupaé?

YEREMIA 31:10

Makkedai Puwangnge, “Engkalingai éh bangsa-bangsa! Palettu'i pasek-Ku ri liweng tasi: Umma'-Ku iya puraé Upassara-sarang Upaddeppungengngi matu sibawa Upiyara pada-pada pakkampié monrowangngi bimbala'na.

YEHEZKIEL 27:6

Sining wisému riyébbui polé ri ajukajung battowaé ri Basan. Dapara'na riyébbui polé ri aju camaraé, polé ri pulo Siprus assalenna, bélo-bélona paramata gading mangke'é.

HOSEA 12:14

Suroni Puwangnge séddi nabi untu' tiwii tau Israélié massu polé ri angatangengngé ri Maséré, sibawa untu' jagaiwi mennang.

ZEFANYA 2:11

Puwangnge mébbui matu mennang métau. Naancuru'i matu sining déwataé ri linoé. Nainappa sininna bangsaé massompai matu lao ri Puwangnge, tungke'-tungke' ri wanuwanna muto.

MATIUS 7:2

Saba' pékkugiko madélékiwi tau laingngé, makkuwatoro Allataala madélékiko matu. Na ukkurang mupaké untu' tau laingngé, napaké towi matu Allataala untu' iko.

HAKING-HAKING 1:7

Adanna Adoni-Bézék, “Riyolo pituppulo arung pura urette indo' jari limanna sibawa ajéna, nainappa uleppessang manré sésa-sésa inanré iya sempé'é polé ri méjakku. Makkekkuwangngé Allataala gaukekka pada-pada pura ugaukengngéngngi mennang.” Naritiwina Adoni-Bézék, ritiwi ri Yérusalém, nakkuwaniro maté.