DANIEL 11:16 - KITTA KAREBA MADECENG

¹⁶ Napogau'i matu siyélonaé arunna wanuwa manorang na dé'gaga méwai muwi céddé. Natudangi towi matu tana iya magelloé sibawa makuwasai manengngi.

DANIEL 11:16 ပူးပေါင်းရင်းမြစ်များ

YESAYA 8:8

Nappo'i matu mennang Yéhuda pada-pada lémpe gangka ellongngé tanréna sibawa malle'i sini-sininnaé.” Allataala sibawakki! Panni-Na iya mallebba'é linrungiwi wanuwatta.

YEREMIA 3:19

Makkedai Puwangnge, “Israélié, macinna-Ka tarimako selaku ana'-Ku, sibawa mpérékko wanuwa iya pasennangiyé, wanuwa iya kaminang makessingngé ri sininna linoé. Macinna-Ka muteppu Ambo', sibawa dé'na mulari polé ri Iyya.

DANIEL 11:3

Nainappa mompo matu séddi arung iya poré. Naparéntai matu akkarungeng iya battowa senna'é sibawa napogau'i matu siyélo-élona.

DANIEL 11:36

Arunna wanuwa manorang napogau'i matu siyélo atinna. Nasibawang atempong makkedai matu makkedaé lebbi battowai naiya muwi déwata niga, mala lebbi battowa towi naiya Allataala Iya Pommatanré. Naulléi matu pogau'i makkuwaéro narapi maccappa caina Allataala. Saba' aga iya puraé napattette Allataala harusu'i kajajiyang riyolo.

DANIEL 11:41

Mala muwi tana iya magelloé nagasato, sibawa mappulo sebbu tau nauno matu. Iyakiya akkarungeng-akkarungenna Edom, Moab sibawa bagiyang iya kaminang pentingngé polé ri akkarungenna Amon salama'i matu.

DANIEL 11:45

Mala pasangngi matu kéma akkarungeng ri pallawangenna tasi'é sibawa bulu onronna Bolana Puwangnge. Iyakiya ri munri matéi matu na dé'gaga muwi séddi tau iya tulungngéngngi matu.”

DANIEL 5:19

Makkuwamani rajanna, angkanna sining tau polé ri sininna bangsaé, suku bangsaé, sibawa basaé, ténré sibawa métau ri aléna. Rékko macinnai mpunoi tauwé, nauno bawang iyaro tauwé. Rékko maéloi passalama'i séddié tau, napassalama'i tauwéro. Napakatanréi iyaré'ga napakariyawai nigi-nigi situru élona.

DANIEL 8:4

Uwitai iyaro bimbala laié mattanru lao ri yajang, manorang sibawa yattang. Dé' muwi séddi olokolo iya tahangngé moloiwi iyaré'ga leppe polé ri akuwasanna. Napogau'i siélo atinna sibawa mancaji matempoi.

DANIEL 8:7

Upénessaiwi gasai iyaro bimbala laié. Makkuwamani japperuna angkanna naleppo bimbala laiéro sibawa poloi iya duwa tanru'na. Iyaro bimbala laié dé' pakkullénna untu' méwa. Taddémpe'ni ri tanaé sibawa riléjja'-léjja', na dé' muwi séddi tau mulléi tulungngi.

DANIEL 8:9

Polé ri sala séddinna tanru'éro tuwoi tanru baiccu, iya mancaji maloppo senna'é sibawa akuwasanna mallowangengngi mattuju ri yattang, mattuju ri alau sibawa mattuju ri tana iya magelloé.

YOSUA 1:5

Dé' muwi séddi tau mulléi cauko matu Yosua, gangka tuwomu. Saba' maélo-Ka tuli ranrekko pada-pada riyolo Uranrengngi Musa. Dé' Umaélo salaiko.