DANIEL 10:9 - KITTA KAREBA MADECENG

⁹ Wettukku méngkalingai saddanna, marenne'na mabuwang gangka moppang ri tanaé.

DANIEL 10:9 ပူးပေါင်းရင်းမြစ်များ

KAJAJIYANG 15:12

Mammulanana labu essoé, memme'ni tinrona Abram. Tappa napoléini pappénedding métau iya masero senna'é.

KAJAJIYANG 2:21

Nainappa naébbu Puwang Allataala iyaro tolinoé memme tinrona, na wettunna matinro mupa, napassuni Puwang Allataala sala séddinna rusu'na polé ritolinoéro, nainappa natongko baténa sibawa juku.

AYUB 33:15

Sedangkang tau memme'é tinrona ri wennié, ri laleng nippi sibawa pakkitang, mabbicarai Allataala.

AYUB 4:13

Tagganggui tinroku sibawa ripaddésu ri aléna, pada-pada mannippi majaé ri wenni makalemmengngé.

ELONG MARAJA 5:2

Matinroka, iyakiya péseddingngi atikku. Engkalingai, canrikku maggetto tange. Timpakengngi tange, anri, canrikku, jangang-jangakku, pappojinna atikku; marica ulukku nasaba cinoddo, penno gemme'ku tetti-tetti cinoddo wenni.

DANIEL 10:16

Nainappa malaéka' iya maddupa tolinoéro loro'i limanna sibawa géssai témukku. Makkedaka lao ri aléna, “Puwang, iyaé pakkitangngé mébbuka makkuwamani natenre'ku angkanna dé' siseng pakkullékku.

DANIEL 8:18

Ri wettu mabbicarana mupa, marenne'na. Iyakiya nakkatennikka sibawa natulukka tettong paimeng. Nainappa makkeda,

HABAKUK 3:16

Métau atikku méngkalingai iyaro sibawa ténré témukku. Mancaji malemmaka dé' pakkullékku, ajéku tabbuttu, muwi kégika joppa. Maélo-Ka mattajeng sibawa tennang pahukkungenna Allataala lao risining paggasaé.

LUKAS 22:45

Puranana massempajang, lisuni Yésus ri ana'-ana' gurun-Na. Napoléini mennang matinro nasaba messé senna'i.

LUKAS 9:32

Iyaro wettué Pétrus sibawa sellao-sellaona matinroni, iyakiya tennasenna-sennani moto, nanaitai Yésus maccahaya sibawa iya duwa tauwéro tettong silaong Yésus.

WAHYU 1:17

Wettukku mitai Aléna, mabuwanna ri yolo-Na pada-pada tau maté. Iyakiya napalénne'i lima ataun-Na ri iyya nainappa makkeda, “Aja' mumétau! Iyya'na iya pammulangngé sibawa iya paccappurengngé.