DANIEL 10:6 - KITTA KAREBA MADECENG

⁶ Mattappa tubunna pada-pada paramataé, rupanna siccakka cahaya billa'é, sibawa malluwa-luwa' matanna pada-pada apié. Taiyya sibawa ajéna millak-killang pada-pada tembaga iya rigoso'é, sibawa saddanna paéngkalinga pada-pada saddanna tau maégaé.

DANIEL 10:6 ပူးပေါင်းရင်းမြစ်များ

ASSURENG 28:20

Ri barisi maeppaé batu pirus, yakut sibawa ratna cempaka. Iya seppulo duwa paramataéro harusu'i risiyo sibawa ulaweng.

ELONG MARAJA 5:14

Magello limanna, macciccing ulaweng sibawa mapparamata, tubunna samanna gading riparamatai batu nilang.

YEHEZKIEL 1:14

Aléna iyaro mahlu'-mahlu'é kédoi lolésu siggatti billa'é.

YEHEZKIEL 1:16

Iya eppa padatiéro sirupai nenniya lala'-lala' pada-pada batu paramataé, sibawa tungke-tungke mappunnai séddi padati laingngé iya mappoloé ri tengnga-tengngana.

YEHEZKIEL 1:24

Rékko luttui mennang, uwéngkalinga sadda kampa pannina; oninna pada-pada uwai jompié, pada-pada akka ajéna pasukang tentara iya battowaé, pada-pada saddanna Allataala Iya Pommakuwasaé. Rékko mappésauwi luttu, naleppe'i sining pannina,

YEHEZKIEL 1:7

Ajéna malempu sibawa lala' pada-pada gessa iya rigoso'é. Jari ajéna makkanukui pada-pada kanuku banténgngé.

YEHEZKIEL 10:9

Uwita towi makkedaé iyaro sining kérub-é pada mappunnaiwi séddi padati ri benrénna. Iya eppa padatiéro sinrupai, sibawa lala'-lala'i pada-pada paramata magelloé. Tungke-tungke mappunnaiwi séddi padati laing iya mappoloé ri tengnga-tengngana.

YEHEZKIEL 40:3

Natiwina kuwaro sibawa uwitai séddi tau worowané iya millak-killangngé pada-pada gessaé tettong ri seddéna pintu gerbangngé. Makkatenningngi tulu pangukkuru polé ri lénangngé enrengngé aju pangukkuru.

YEHEZKIEL 8:2

Congana nauwitai séuwa iya sinrupaé tolino. Polé ri benrénna liyawa paitai pada-pada apié, sibawa polé ri benrénna liyasé lala'-lala'i pada-pada gessa iya rigoso'é.

MATIUS 17:2

Ri yolona mennang, tappinrani tappana Yésus: Macakkai rupan-Na pada-pada mata essoé sibawa pakéyan-Na maputé lala'-lala'.

MATIUS 28:3

Tappana iyaro malaéka'é pada-padai billa'é, sibawa pakéyanna maputé senna'.

LUKAS 9:29

Ri wettu massempajanna Yésus kuwaro, tappinrani tappa-Na sibawa pakéyan-Na mancaji maputé millakkillang.

WAHYU 10:1

Nainappa uwita séddi malaéka' poré iya laingngé nonno polé ri surugaé. Risalipuriwi sibawa ellung, enrengngé séuwa tarawu mattemmuiwi ulunna. Tappana maccahaya pada-pada mata essoé, sibawa ajéna pada-pada alliri apié.

WAHYU 19:12

Matan-Na pada-pada luwa' apié sibawa ri ulun-Na pakéi maéga passigera'. Ri Aléna tarokii séuwa aseng; na banna Aléna bawang missengngi iyaro asengngé.

WAHYU 2:18

“Lao ri malaéka'na jema'é ri Tiatira, okii makkuwaéwé: Iyanaé paseng polé ri Ana'na Allataala, iya malluwa'-luwa'é matan-Na pada-pada apié, enrengngé ajé-Na mabbara pada-pada tembaga ritunué.

WAHYU 21:20

malimaé poléi ri batu baiduri sépa'é, maennengngé poléi ri batu dalimaé, mapitué poléi ri batu ratna cempakaé, maaruwaé poléi ri batu pirus-é, maaséraé poléi ri batu topas-é, maseppuloé poléi ri batu krisopras-é, maseppuloé séddi poléi ri batu lazuwardié, sibawa maseppuloé duwa poléi ri batu kecubungngé.