DANIEL 10:12 - KITTA KAREBA MADECENG

¹² Nainappa makkeda lao ri iyya, “Daniél, aja' mumétau. Purani naéngkalinga Allataala sempajammu mappammulai esso mammulangngé sipongenna malako apettung untu' pakariyawai alému kuwammengngi mumancaji mapanré. Poléka selaku pappébalinna sempajammu.

DANIEL 10:12 ပူးပေါင်းရင်းမြစ်များ

MAZMUR 69:10

Malluwa'i sumange'ku nasaba pangéloreng lao ri Bola-Mu, pangéllé'-éllé'na tau iya pakatunaék-Ko kennai aléku.

YESAYA 35:4

Powadai lao ri iya marenni atié, “Pakkasse'i atimmu, aja' mumétau, poléi Allataalamu untu' hukkungngi balié, poléi untu' passalama'ko.”

YESAYA 41:10

Aja' mumétau, saba' Iyya sibawakko, aja' mumanenneng, saba' Iyya Allataalamu. Upakkasse'ko matu sibawa Utulung, Udulung sibawa limak-Ku iya poré.

YESAYA 41:14

Adanna Puwangnge, “Aja' mumétau, Israél, namuni baiccu'ko sibawa malemma. Iyya ritu Puwang iya tulungngékko, Iya Pommapaccingngé, Allataalana Israélié iyanaritu Pappassalama'mu.

YESAYA 58:9

Rékko massempajakko, Utarimai matu. Rékko mangobbiko ri Iyya, Ubaliwi matu. Aja'na mutenre'i pada-padammu, pappésauni assimusurengngé sibawa pétenna'é.

YESAYA 65:24

Ri wettu dé'napa naéllauwi, mappébali-Ka; ri wettu dé'napa napura massempajang, Utarimani sempajanna mennang.

DANIEL 10:11

Makkedai iyaro malaéka'é lao ri iyya, “Daniél, namaséiko Allataala. Tokkonno namutettong nainappa éngkalingai iyaé ada-adakku madécéd-décéng. Iyya'é pura risuro lao ri iko.” Wettunna napowada gau'éro, tettonna sibawa ténré.

DANIEL 10:19

Makkedai, “Namaséiko Allataala, rimakkuwannanaro aja' mubata-bata iyaré'ga métau, ayo', ancajino mawatang!” Ri wettu napowadana gau'éro, upéneddingini lebbi mawatakka sibawa makkeda, “Abbicarano, Puwang. Purani natambai awatangekku Puwang.”

ANGIMANGENG 16:29

Iyaé sining peraturangngé harusu'i riturusi lettu mannennungeng. Ri tanggala seppulona uleng pitu, tau Israélié sibawa tau laing iya mattette'é ri yelle'na mennang harusu'i mappuwasa sibawa riyattéyangngi mappallaung, nasaba iyaro essoé mapaccing senna'i. Ri essoéro harusu'i ripakangka upacara untu' pépaccingiwi bangsa Israélié polé risininna dosana mennang kuwammengngi namapaccing.

ABBILANGENG 29:7

Ri tanggala seppulona uleng pitu harusu'ko pakangka addeppu-deppungeng untu' massompa. Iyaro essoé harusu'ko mappuwasa sibawa dé' nawedding mappallaung.

MATIUS 28:10

Nakkeda Yésus lao ri mennang, “Aja' mumétau, lao mupowadangngi saudara-saudara-Ku kuwammengngi nalao ri Galiléa; kuwaro naita-Ka matu mennang.”

MATIUS 28:5

Nakkeda iyaro malaéka'é lao risining makkunraiéro, “Aja' mumétau! Uwisseng musappai Yésus iya puraé risalliro.

MARKUS 16:6

Nakkeda iyaro kalloloé, “Aja' mumétau! Uwisseng musappai Yésus, tau Nazarét iya puraé risalli. Dé'ni gaga kuwaé. Tuwoni paimeng! Ita bawanni, iyanaé onronna mennang paléwui.

LUKAS 1:13

Iyakiya makkedai iyaro Malaéka'é, “Aja' mumétau Zakharia! Naéngkalingani Allataala sempajammu. Bainému Elisabét jajiyangngi matu séddi ana' worowané. Harusu'ko mpéréngngi aseng Yohanés.

LUKAS 1:30

Nanakkeda iyaro Malaéka'é lao ri Maria, “Aja' mumétau Maria, saba' nasitujuiko atinna Allataala.

LUKAS 2:10

Iyakiya makkedai iyaro malaéka'é, “Aja' mumétau! Saba' poléka tiwirekko karéba madécéng – karéba iya pésennangi senna'éngngi sininna tauwé.

LUKAS 24:38

Iyakiya makkedai Yésus, “Magi mumétau? Magi naompo abata-batangngé ri laleng atimmu?

RIWAYA'NA RASUL-RASUL-E 27:24

Makkedai iyaro malaéka'é, ‘Aja' mumétau, Paulus! Saba' mangoloko matu ri Kaisar. Sibawa nasaba akessingeng atinna Allataala ri iko, sininna tau iya muwéwaé sisompereng salama'i matu nasaba iko.’

WAHYU 1:17

Wettukku mitai Aléna, mabuwanna ri yolo-Na pada-pada tau maté. Iyakiya napalénne'i lima ataun-Na ri iyya nainappa makkeda, “Aja' mumétau! Iyya'na iya pammulangngé sibawa iya paccappurengngé.