DANIEL 10:1 - KITTA KAREBA MADECENG

¹ Ri taung matellué apparéntanna Arung Korésy ri Persia, séuwa paseng ripannessa lao ri Daniél iya ritellaétto Béltsazar. Iyaro pasengngé tongeng, iyakiya mawatang senna untu' riyajeppui. Wettunna makkuraga untu' pahangngi, tarimani Daniél pappakatajang passalenna pasengngéro ri laleng séuwaé pakkitang.

DANIEL 10:1 ပူးပေါင်းရင်းမြစ်များ

KAJAJIYANG 41:32

Nippinna Puwakku kajajiyangngi wékkaduwa, bettuwanna iyaro makkedaé iyaro gau'é purani napattentu Allataala sibawa masitta'na maélo napajoppa Allataala.

2 TAWARIKH 36:22

Ri taung mammulangngé apparéntanna Korésy, arung Persia, napogau'i Puwangnge aga iya puraé Napowada naolai Nabi Yérémia. Puwangnge pakédoi atinna Korésy untu' passu séddi parénta iya nabacaé ri sininna akkarungenna. Oninna makkuwaiyé:

EZRA 3:7

Massumbanni dowi ra'ya'é untu' pagajiwi tukang batué sibawa tukang kajué. Kiring towi mennang inanré, énungeng sibawa minnya zaitun lao ri kota-kota Tirus sibawa Sidon untu' risélé sibawa aju camara Libanon polé ri kota-kotaéro. Iyaro ajué ritiwii lao ri Yafo lalo ri tasi'é. Sininnaro najamai ra'ya'é sibawa pappalalona Korésy, arung Persia.

EZRA 4:3

Iyakiya mappébaliwi Zérubabél, Yésua sibawa sining kapala appangngéro, “Dé' tapparelluwangngi bantuwammu untu' patettongengngi Bola Puwang Allataalata. Aléta muto maélo patettongngi situru sibawa paréntana Korésy, arung Persia, lao ri idi.”

EZRA 4:5

Nasogo'i mennang pajaba-pajaba pamarénta Persia kuwammengngi dé' napajajiwi rancanana tau Yahudiéro. Iyaro gau'é matterui kajajiyang ri wettu apparéntanna Arung Korésy narapi apparéntanna Arung Darius.

EZRA 6:14

Risokong ri nabi-nabi Hagai sibawa Zakharia, napatteruni sining pamimping Yahudié appatettongenna Bolana Puwang-ngéro. Napattépui masitta appatettongengngéro situru paréntana Allataalana Israélié sibawa paréntana Korésy, Darius sibawa Artahsasta, arung-ngarunna Persiaro.

EZRA 6:3

“Ri taung mammulangngé apparéntanna Arung Korésy, passui parénta kuwammengngi naripatettong paimeng Bolana Puwangnge ri Yérusalém selaku onronna tauwé mattiwi pakkasuwiyang sibawa mattunu akkarobangeng. Tanréna iyaro Bolaé harusu'i 27 météré sibawa sakkana 27 météré.

YESAYA 44:28

Iyya ritu iya makkedaé lao ri Korésy, ‘Iko ritu mapparéntangek-Ka matu, sibawa pogau'i sininna élo-Ku. Paréntangngi kuwammengngi naripatettong paimeng Yérusalém, sibawa Bolana Puwangnge ripalénne'i pallanggana.’ ”

DANIEL 1:17

Allataala mabbéréyangngi lao ri iya eppa kalloloéro amaccang sibawa apanréng ri laleng kitta'é sibawa pangissengengngé. Ri lainnaéro lao ri Daniél riwéréng towi amaccang untu' pakatajangngi pakkitangngé sibawa nippié.

DANIEL 1:21

Tette'i Daniél majjama ri saorajaé narapi Arung Korésy polé ri Persia caui Babél.

DANIEL 1:7

Kapala ruma tanggana saorajaé sulléiwi aseng-ngasenna mennang mancaji: Béltsazar, Sadrakh, Mésakh sibawa Abédnégo.

DANIEL 10:14

Poléka untu' mébbuko majeppuiwi aga iya kajajiyangngé matu matti ri bangsamu. Iyaé pakkitangngé passalenna esso mangoloé.”

DANIEL 11:2

Na aga upowada matu lao ri iko iyanaritu tongengngi.” Napowadai iyaro malaéka'é, “Tellu arung laing paréntai matu Persia, riyaccowéri ri arung iya maeppaé iya lebbi sugié naiya laingngé. Ri coppo'na akuwasanna sibawa asugirenna, siyéwa awatangengngi matu sibawa akkarungeng Yunani.

DANIEL 12:4

Nainappa makkedasi iyaro malaéka'é lao ri iyya, “Daniél, tongkoi iyaro kitta'é makkekkuwangngé, sibawa paddeppériwi ségélé kuwammengngi tette'i tattongko narapi paccappurenna linoé. Maéga tau cobai matu salidikiwi aga iya mattengngangngé kajajiyang. Iyakiya siya-siyai matu usahana mennanro.”

DANIEL 12:9

Nappébali, “Laono makkekkuwangngé, Daniél, saba' iyaé ada-adaé harusu'i risubbu sibawa rirahasiyakang narapi paccappurenna linoé.

DANIEL 2:21

Aléna ritu pattette'i wettué sibawa pattaungengngé, Aléna galéttéi sibawa lanti'i panguwasaé. Aléna ritu mabbéré apanréng, enrengngé mabbéréyangngi pappéjeppué.

DANIEL 4:8

Angkanna poléni Daniél iya riyasengngétto Béltsazar pada-pada asenna déwataku. Ripennoini Daniél ri rohna déwata-déwata iya mapaccingngé. Ucuritang towi aléna nippikku, adakku,

DANIEL 5:12

Dé' padanna amaccanna sibawa apanrénna enrengngé maccai ri laleng pakatajangngi nippié, timpa'i rahasiyaé enrengngé pacceppiwi parakara-parakara iya masukkara'é. Asenna Daniél, iyakiya arungngé masengngi Béltsazar. Obbini. Nappaissengengngi matu lao ri Puwakku aga bettuwanna okiéwé.”

DANIEL 5:17

Nappébali Daniél, “Dé' naparellu Puwakku mabbéréyangngi iyaro sining hadiyaé lao ri iyya, wéréng bawanni tau laingngé. Maéloka bacai iyaro okié untu' Puwakku sibawa mappaissengengngi bettuwanna.

DANIEL 6:28

Mappassalama'i sibawa mappaleppe, pogau'i anu makalallaing sibawa dé'é padanna ri langié iyaré'ga ri linoé. Purani ripassalama Daniél, polé ri pakkokkona singa-singaé.”

DANIEL 8:16

Uwéngkalingai sadda iya mangobbié ri liwenna Salo Ulai, adanna, “Gabriél, pakatajanni lao ri aléna pakkitangngéro.”

DANIEL 8:26

Pakkitang passalenna akkarobangeng arawéngngé sibawa éléé iya puraé ripakatajang lao ri ikoro, tonget-tongengngi kajajiyang matu. Iyakiya iya manennaro kajajiyangngi matu ri wettu mangoloé iya mabélaé mupa; jaji aja' mucuritai muwi lao ri séddié tau.”

LUKAS 1:20

Aga upowada, kajajiyangngi matu ri wettunna. Iyakiya nasaba dé' mumateppe, dé' matu mulléi mabbicara; pépéko matu narapi kajajiyang aga iya upowadangngékko.”

WAHYU 19:9

Nainappa makkeda iyaro malaéka'é lao ri iyya, “Okii iyaé: ‘Masennangngi tau iya riundangngé lao ri pésta akawingenna iyaro Ana' Bimbala'é.’ ” Nainappa iyaro malaéka'é tambai towi, “Iyanaé biritta tongeng polé ri Allataala.”