DANIEL 1:7 - KITTA KAREBA MADECENG

⁷ Kapala ruma tanggana saorajaé sulléiwi aseng-ngasenna mennang mancaji: Béltsazar, Sadrakh, Mésakh sibawa Abédnégo.

DANIEL 1:7 ပူးပေါင်းရင်းမြစ်များ

KAJAJIYANG 41:45

Nainappa arungngé nawéréng séddi aseng Maséré lao ri Yusuf, iyanaritu Zafnat-Paanéah. Nawéréng toni séddi bainé iya riyasengngé Asnat, ana'na Potiféra iya mancaji imangngé ri kota Héliopolis. Telluppulo taung umuru'na Yusuf wettunna mappammula majjama untu' arung Maséré. Najoppana Yusuf polé ri saorajana arungngé nanalao mattulilingiwi sininna wanuwaé.

2 ARUNG-NGARUNG 23:34

Nainappa Arung Nékho makkai ana' worowanéna Yosia iya riyasengngé Elyakim mancaji arunna Yéhuda, sibawa sulléiwi asenna Elyakim mancaji Yoyakim. Yoahas natiwii ri Maséré nakkuwaniro maté.

2 ARUNG-NGARUNG 24:17

Nainappa Nébukadnézar nakka Matanya, amuréna Yoyakhin, mancaji arunna Yéhuda, sibawa sulléiwi asenna mancaji Zédékia.

DANIEL 1:19

Puranana sipabbicara sibawa iya maneng mennang, nalolongenni arungngé makkedaé Daniél, Hananya, Misaél sibawa Azarya napakacauriwi iya lail-laingngé ri laleng sininna passalengngé. Namappammulana mennang majjama ri saorajana arungngé.

DANIEL 1:3

Nainappa arungngé paréntangngi Aspénas, kapala ruma tanggana saorajaé, untu' piléi polé risining tawanang Israélié siyagangngaré kallolo wija arung iyaré'ga maddara arung.

DANIEL 10:1

Ri taung matellué apparéntanna Arung Korésy ri Persia, séuwa paseng ripannessa lao ri Daniél iya ritellaétto Béltsazar. Iyaro pasengngé tongeng, iyakiya mawatang senna untu' riyajeppui. Wettunna makkuraga untu' pahangngi, tarimani Daniél pappakatajang passalenna pasengngéro ri laleng séuwaé pakkitang.

DANIEL 2:26

Namakkedana arungngé lao ri Daniél iya riyasengngétto Béltsazar, “Mulléga paissengika nippikku sibawa bettuwannato?”

DANIEL 2:49

Iyakiya nasaba paréllaunna Daniél, nabbéréyangngi arungngé apparéntanna propinsi Babélro lao ri Sadrakh, Mésakh sibawa Abédnégo, na aléna Daniél monroi ri saorajaé.

DANIEL 4:5

Iyakiya riséuwaé wenni wettukku matinro, mannippika sibawa lolongeng pakkitang iya pénennengi sennaéngngi atikku.

DANIEL 4:8

Angkanna poléni Daniél iya riyasengngétto Béltsazar pada-pada asenna déwataku. Ripennoini Daniél ri rohna déwata-déwata iya mapaccingngé. Ucuritang towi aléna nippikku, adakku,

DANIEL 5:12

Dé' padanna amaccanna sibawa apanrénna enrengngé maccai ri laleng pakatajangngi nippié, timpa'i rahasiyaé enrengngé pacceppiwi parakara-parakara iya masukkara'é. Asenna Daniél, iyakiya arungngé masengngi Béltsazar. Obbini. Nappaissengengngi matu lao ri Puwakku aga bettuwanna okiéwé.”