DANIEL 1:5 - KITTA KAREBA MADECENG

⁵ Napattentu towi arungngé makkedaé inanré sibawa énungeng untu' mennang harusu'i pada sibawa iya dipassadiyaé untu' anggota kaluwargana arungngé. Puranana rilati telluttaung ittana, harusu'i mennang mangolo ri arungngé untu' majjama ri saorajaé.

DANIEL 1:5 ပူးပေါင်းရင်းမြစ်များ

1 ARUNG-NGARUNG 10:8

Temmaka sarona sining bainéna Puwang! Sibawa temmaka upe'na sining pegawé iya tuli majjamaé untu' Puwang angkanna naulléi méngkalingai polé ri Puwang sininna pappagguruwang iya mapanré!

2 TAWARIKH 9:7

Temmaka upe'na pegawé-pegawé iya tumaningiyéngngi Puwang sibawa tuli majjamaé untu' Puwang angkanna weddingngi naéngkalinga polé ri Puwang sininna pappagguruwang iya mapanré!

AMSAL 23:3

Aja' mumabuwaja ri inanré malunra iya napatalaé, naullé maéloi cobako.

YEREMIA 15:19

Nappébali Puwangnge, “Rékko lisuko, Utarimako matu. Mancajiko matu atak-Kusi. Rékko muwabbirittangngi gau'-gau' iya makkégunaé sibawa tenniya omong kosong, weddisiko mancaji nabik-Ku. Poléi paimeng sining tauwé ri iko, sibawa dé' naparelluko lao ri mennang.

DANIEL 1:19

Puranana sipabbicara sibawa iya maneng mennang, nalolongenni arungngé makkedaé Daniél, Hananya, Misaél sibawa Azarya napakacauriwi iya lail-laingngé ri laleng sininna passalengngé. Namappammulana mennang majjama ri saorajana arungngé.

DANIEL 1:8

Nasibawang pattulunna Allataala, riyéloriwi Daniél sibawa riyamaséi ri Aspénas. Manniya'i Daniél untu' dé' napanajisi'i aléna sibawa inanré nenniya énungeng anggoro polé ri saorajana arungngé, rimakkuwannanaro naéllauni lao ri Aspénas kuwammengngi weddingngi lolongeng inanré laingngé.

MATIUS 6:11

Wérékki essoéwé inanré iya riyapparelluwangngé.

LUKAS 1:19

Nappébali iyaro Malaéka'é, “Iyya'na Gabriél! Utumaningiwi Allataala sibawa Aléna ritu suroka palettu'i karéba madécéngngé lao ri iko.

LUKAS 11:3

Wérékki esso-esso inanré iya tapparelluwangngé.

LUKAS 21:36

Jaga-jagako, sibawa tuli massempajakko kuwammengngi mulléi niniriwi sininna gau' maéloé kajajiyang sibawa mulléi mangolo ri Ana'na Tolinoé.”

1 SAMUEL 16:22

Nainappa kiring paseng Saul lao ri Isai, “Upojiwi Daud. Palaloni tette monro kuwaé sibawa tumaningika.”