DANIEL 1:2 - KITTA KAREBA MADECENG

² Puwangnge palaloi aléna caui Arung Yoyakim sibawa rampasa'i sibagiyang polé ri barab-barang mangke'é ri Bolana Puwangnge. Sining tau iya natawangngé, natiwii lao ri bola déwatana ri Babél, sibawa barab-barang mangke iya narampasa'é, nataroi ri laleng sining gudanna bola déwataéro.

DANIEL 1:2 ပူးပေါင်းရင်းမြစ်များ

KAJAJIYANG 10:10

Bunge'-bunge'na akkarungenna napalaiwi Babél, Erekh sibawa Akad, iya tellunna ri Babilonia.

KAJAJIYANG 11:2

Wettunna mennang solléi lao ri seddé alau, lettu'ni mennang riséddié tanété ri Babilonia, nainappa mattette kuwaro.

2 ARUNG-NGARUNG 24:1

Ri wettu apparéntanna Arung Yoyakim, Nébukadnézar arung Babél gasai sibawa caui Yéhuda. Telluttaung ittana Yoyakim tunru lao ri Nébukadnézar, iyakiya ri munri maronta'i.

2 TAWARIKH 36:5

Umuru'na Yoyakim wettunna mancaji arunna Yéhuda 25 taung, namapparéntai ri Yérusalém 11 taung ittana. Madosai lao ri Puwang Allataalana.

2 TAWARIKH 36:7

Sibagiyang barab-barang mangke'é ri Bolana Puwangnge natiwii Nébukadnézar nanataroi ri laleng saorajana ri Babél.

EZRA 1:7

Napassuni Korésy mangko-mangko'é sibawa sining énungeng iya ripaké riyolo ri laleng Bolana Puwangnge ri Yérusalém. Iyaro barab-barangngé natiwii Arung Nébukadnézar nanataroi ri laleng bola déwata-déwatana.

YESAYA 11:11

Ri essoéro siseppi napakéi matu akuwasanna Puwangnge sibawa tiwii lisu umma'-Na iya nasésaé ri Asyur sibawa Maséré, ri wanuwa-wanuwa Patros, Sudan sibawa Elam, ri Babél, Hamat sibawa pulo-pulo iya mabélaé.

YESAYA 42:24

Niga mabbéréyangngi Israélié untu' rirampasa? Tenniyaga Aléna Puwangnge? Lao ri Aléna ritu madosaki, dé' tatuwo situru parénta-Na, sibawa temmaccowériwi pappagguruwan-Na.

YEREMIA 25:1

Ri taung maeppaé mancaji arunnana Yoyakim ana' worowanéna Yosia ri Yéhuda, lolongenna paseng polé ri Puwangnge passalenna sininna bangsa Yéhudaé. Iyaro wettué taung mammulangngé mancaji arunna Nébukadnézar ri Babél.

YEREMIA 27:16

Nainappa upaissengi imang-ngimangngé sibawa sininna ra'ya'é makkedaé makkeda makkuwaiyé Puwangnge, “Aja' muwéngkalingai nabi-nabi iya makkedaé dé' namaittana sining barangngé ri laleng Bola-Ku ritiwii matu lisu polé ri Babél. Mabbelléi mennang.

YEREMIA 28:3

Ri laleng wettu duwattaungngéwé Upalisui matu barab-barang polé ri Bola-Ku, iya puraé riyakka lao ri Babél ri Arung Nébukadnézar.

YEREMIA 35:11

Iyakiya wettunna Arung Nébukadnézar gasai wanuwaéwé, ripettuiwi untu' lari polé ri tentara Babél-é sibawa tentara Siriaé, sibawa mangungsi ri Yérusalém. Iyanaro saba'na taonro makkekkuwangngé kuwaé.”

YEREMIA 50:2

“Pasanno tanrang sibawa appallebbangengngi lao ri bangsa-bangsaé makkedaé sempé'ni Babél! Aja' murahasiyakangngi gau'éro! Purani riyancuru Mérodakh déwatana, sibawa dato-dato'na iya mappangaddié mareppa'ni tassiya-siya, enrengngé barahala-barahalana ripakatuna senna'ni.

YEREMIA 51:44

Bél, déwatana wanuwa Babél, Uhukkungngi matu. Uwébbui matu napalisu aga iya puraé narampasa. Dé'na nasompai matu bangsa-bangsaé. Maruttunni sining témbo'na Babél.

DANIEL 5:13

Ritiwini masitta Daniél mangolo ri arungngé. Namakkutanana arungngé lao ri aléna, “Ikoga Daniél, tau Yahudi ripalié, iya puraé natiwi ambo'ku polé ri tana Yéhuda?

DANIEL 5:18

Allataala Iya Pommatanré mébbui Nébukadnézar, ambo'na Puwakku mancaji arung maraja sibawa mpéréngngi arajang nenniya ataromporeng.

HABAKUK 1:16

Nainappa nasompa mennang iyaro jalaé sibawa nawéréngngi pakkasuwiyang akkarobangeng, saba' nasibawang iyaro jalaé lolongenni mennang dallé maona sibawa mancajini madécéng.

ZAKHARIA 5:11

Pappébalinna, “Ri Babél, kuwaniro mennang maélo patettong bola déwata untu' aléna. Rékko tépuni iyaro bola déwataé, nataroni iyaro bakaé kuwaro untu' nasompa.”

ULANGENG 32:30

Pékkugi séddi tau naullé lellungngi sisebbu tau, sibawa duwa tau palariwi seppulo sebbu tau? Puwangnge, Allataalana mennang, pura balu'i mennang; risalaini mennang ri Allataala iya poré.

HAKING-HAKING 3:8

Namacaina Puwangnge lao ri umma Israélié, sibawa leppessangngi mennang ricau ri Arung Kusyan-Risyataim polé ri Mésopotamia. Aruwa taung ittana iyaro arungngé makuwasaiwi mennang.

HAKING-HAKING 4:2

Narileppessanna mennang ricau ri Yabin, arung Kanaan iya malaé tudangeng ri kota Hazor. Pallima tentarana iyanaritu Siséra iya monroé ri Harosét-Hagoyim.

1 SAMUEL 5:2

Kuwaniro natiwi iyaro Pettié muttama ri bola déwatana mennang, Dagon, sibawa napalénne ri seddéna dato'-dato' déwataéro.