AYUB 7:9 - KITTA KAREBA MADECENG

^9-10 Pada-pada ellung iya massalawué nainappa teddéng, maté towi tolinoé, dé' nalisuna matu paimeng. Sininna tau iya puraé missengngi, nallupaini sibawa dé'na naéngngerangngi.

AYUB 7:9 ပူးပေါင်းရင်းမြစ်များ

2 SAMUEL 12:23

Iyakiya makkekkuwangngé, maténana, aga akkégunana matteruka mappuwasa? Uwulléga patuwoi paimeng? Matti lao tokka matu ri onrong naonroiyé, iyakiya makkekkuwangngé dé' nalisu matu ri iyya.”

2 SAMUEL 14:14

Maté manekki matu; idi'é pada-padaki uwai iya tuppa'é ri tanaé nadé'na nawedding ripaddeppungeng paimeng. Muwi Allataala dé'tona napatuwoi matu paimeng tau iya matéénna; rimakkuwannanaro sitinajai Puwakku makkuraga kuwammengngi tau ripalié weddingngi lisu paimeng.

AYUB 10:21

Dé'na namaittana ulao sibawa dé' nalisu, mattuju ri wanuwa iya mapettangngé sibawa makalemmeng senna'é,

AYUB 11:8

Akuwasan-Na lebbi tanréi naiya bitaraé; dé' mulléi rapii sibawa malai. Akuwasan-Na lebbi maliyungngi naiya linona tau maté, dé' sises-siseng mulléi pahangngi.

AYUB 16:22

Taut-taukku iya monroé dé'na namaégana; dé'na namaittana ulao nadé'na ulisu matu paimeng.

AYUB 17:13

Banna linona tau maté ritu uwamménasai, kuwana'ro matinro matu ri laleng pettangngé.

AYUB 17:16

Rékko nonnoka ri linona tau maté, dé'na uwappunnaina paddennuwang.”

AYUB 3:13

Akkalarapanna iyaro wettué ulisu, matinrona nenniya mappésau sibawa tennang,

AYUB 30:15

Nasalipuriwi aléku aserongngé; padai iri angingngé, labe angke'na aléku; padai ellung laloé, teddéngngi asennangekku.

AYUB 37:11

Napatiwiriwi uwai ellungngé, sibawa ellung maccahayaé natajangiwi letté.

MAZMUR 39:13

Engkalingai sempajakku oh Puwang, pénessai paréllaukku; aja' Muwonro mammekko rékko terika. Pada-pada sininna néné-nénéku, cinampe bawang mappérumaka ri alé-Mu.

YESAYA 26:14

Maténi mennang nadé' natuwo matu paimeng, dé' namakkullé moto paimeng waliyalana. Saba' cappuni mennang Mupabbinasa sibawa Muledda polé ri paréngngerangngé.

YESAYA 38:11

Adakku, dé'na uwitai matu Puwangnge ri linoé, iyaré'ga mitai tolinoé ri linoéwé.