AYUB 7:6 - KITTA KAREBA MADECENG

⁶ Atuwokku iya temmaddennuwangngéro tajjolloi mattuju ri paccappurenna, lebbi masitta'i naiya pattennung massulurengngéngngi taroponna.

AYUB 7:6 ပူးပေါင်းရင်းမြစ်များ

AYUB 13:15

Baranika saba' pettu paddennuwanna! Rékko maéloi Allataala mpunoka, uwabbéréyang bawang, iyakiya uwéwaiwi matu kédo-kédoku ri yolo-Na.

AYUB 14:19

Risossoi matu sining batué ri uwai iya massolo'é maraja; riyalirengngi matu tanaé ri bosi rajaé. Makkuwaniro Muancuru amménasanna tolinoé.

AYUB 16:22

Taut-taukku iya monroé dé'na namaégana; dé'na namaittana ulao nadé'na ulisu matu paimeng.

AYUB 17:1

Macawé'ni ajjalekku, mawé'ni pettu nappase'ku; banna kuburu iya monroé untu' aléku.

AYUB 17:11

Labe'ni esso-essoku, dé'na najaji sininna rancanaku; teddéng toni sininna nawa-nawa atikku.

AYUB 17:15

Kégani paddennuwakku; niga mitai engkana asennangeng ri aléku?

AYUB 17:16

Rékko nonnoka ri linona tau maté, dé'na uwappunnaina paddennuwang.”

AYUB 19:10

Nagasaka polé tulili, pada-pada tau bébbuéngngi ure polé ri tanet-tanengngé, nainappa Naleppessang maddékéréké sibawa makelle, makkuwaniro Nasitta sininna paddennuwakku.

AYUB 6:11

Aga awatangekku angkakku engka mupa? Aga amménasakku untu' macinna tuwo lebbi maitta?

AYUB 9:25

Labe'i esso-essoku sibawa makencang, nainappa teddéng temmasennang.

MAZMUR 102:11

saba' purani Muwakkaka sibawa maggenrungekka ri laleng cai-Mu iya malluwa'-luwa'é.

MAZMUR 144:4

Iyaro tolinoé padai siseppungngé anging, pada-pada wajo-wajo labe'é, makkuwaniro atuwonna.

AMSAL 14:32

Tau majaé binasai nasaba jana, tau makessingngé rilinrungiwi nasaba alempurenna.

YEREMIA 2:25

Israélié, aja' mulari lellungngi déwata-déwataé, sibawa aja' mugora mobbii mennang, maloi matu ajému sibawa marakkoi tigero'mu nasaba dekka. Makkedako, ‘Dé', dé' namakkullé lisuka,’ ‘saba' uwéloriwi déwata-déwataé, sibawa maélo maccowériwi mennang.’ ”

EFESUS 2:12

Iyaro wettué dé' muwasséddi sibawa Kristus, tau polé-poléko iya dé'é nauttama umma' napiléna Allataala. Dé' namumattama ri laleng assisiyoreng assijancingngé iya naébbué Allataala sibawa umma'-Na. Tuwoko ri laleng linoéwé temmaddennuwang sibawa temmakké Allataala.

YAKOBUS 1:11

Ri wettu mompona matanna essoé sibawa pellana iya matire'é, namakelle'na matu iyaro wellaé; angkanna maddunu unganna sibawa teddéng toni agellorenna. Makkuwatoniro sibawa tau iya sugié; ancuru'i matu ri wettunna napajoppa usahana.

YAKOBUS 4:14

Aga iya maéloé kajajiyang sibawa atuwommu baja, alému paimeng dé' naissengngi! Bannako pada-pada rumpué iya cinampe'é bawang paita, nainappa lennye.

1 PETRUS 1:13

Rimakkuwannanaro, sitinajako sadiya-sadiya. Atike'ko sibawa amménasa manenno ri barakka iya maéloé riwéréngngékko ri wettunna polé Yésus Kristus matti.

1 PETRUS 1:24

Ri laleng Kitta'é tarokii makkuwaé, “Sininna rupa tauwé sinrupai wellaé, sibawa sininna arajanna pada-padai unga wellaé. Makelle'i wellaé, maddunu towi unganna;