AYUB 32:8 - KITTA KAREBA MADECENG

⁸ Iyakiya iya mabbéré pangissengeng lao ri tolinoé, banna Rohna Allataala Iya Pommakuwasaé.

AYUB 32:8 ပူးပေါင်းရင်းမြစ်များ

AYUB 38:36

Polé kégi naissengngi manu'-manu' ibis-é uppanna Salo Nil mangalle matu? Niga paissengiwi manu' laié makkedaé maéloi polé bosié?

AYUB 33:4

Rohna Allataala pura pancajika sibawa mpéréngngi atuwong aléku.

2 TIMOTIUS 3:16

Sininna iya tarokié ri laleng Kitta'é, napanurungngi Allataala sibawa makkéguna untu' mappagguruwangngi iya tongengngé, untu' pétangngariwi rupa tauwé sibawa pédécéngiwi iya salaé, enrengngé untu' paggurui rupa tauwé kuwammengngi natuwo situru élona Allataala.

YAKOBUS 1:5

Rékko engka séddi tau ri yelle'mu iya makurang panré, sitinajai naéllau ri Allataala, na Allataala mpéréngngi matu apanréng ri aléna; saba' lao ri tungke' tau, mabbéréi Allataala sibawa makacuwa enrengngé paressé babuwa.

PAKKATOBBA 2:26

Allataala mabbéréyangngi pangissengengngé, sibawa apanréngngé lao ri tau iya pésennangiyéngngi atin-Na. Iyakiya tau madosaé Nasuroi mappallaung sappa anré sibawa paggoppoi wassélé'na untu' nabbéréyang lao ri tau iya pésennangiyéngngi atinna Allataala. Jaji, iya manennaro siya-siyai pada-padai usaha lellungngéngngi angingngé.

AMSAL 2:6

Puwangnge ritu mabbéré pangissengeng; polé ri Alénai ritu tolinoé lolongeng pangissengeng sibawa pappéjeppu.

1 ARUNG-NGARUNG 3:12

Upennoiwi matu iyaro paréllaummu. Maélo-Ka pancajiko lebbi mapanré sibawa lebbi macca naiya muwi niga, muwi wettu labe'é iyaré'ga wettu mangoloé.

DANIEL 2:21

Aléna ritu pattette'i wettué sibawa pattaungengngé, Aléna galéttéi sibawa lanti'i panguwasaé. Aléna ritu mabbéré apanréng, enrengngé mabbéréyangngi pappéjeppué.

DANIEL 1:17

Allataala mabbéréyangngi lao ri iya eppa kalloloéro amaccang sibawa apanréng ri laleng kitta'é sibawa pangissengengngé. Ri lainnaéro lao ri Daniél riwéréng towi amaccang untu' pakatajangngi pakkitangngé sibawa nippié.

AYUB 35:11

sibawa iya mpéréngngéngngi tolinoé akkaleng napakacauriwi manu'-manu'é sibawa olokolo'é ri linoé.

AYUB 33:16

Risuroi mennang ri Allataala maréngkalinga; ripatassélengngi mennang sibawa pakkampareng-pakkampareng.

1 ARUNG-NGARUNG 3:28

Wettunna naéngkalinga bangsa Israélié passalenna apettunna Salomo ri laleng parakaraéro, bengngani mennang sibawa pakalebbii. Saba' manessani makkedaé Allataala pura mpéréngngi pangissengeng untu' kédo adélé.

1 KORINTUS 12:8

Lao riséddié tau, iyaro Roh-é mabbéréi amampungeng untu' mabbicara sibawa akuwasang. Lao ri laingngé iyaro Roh iya padaé mabbéréi amampungeng untu' pakatajangngi passalenna Allataala.

KAJAJIYANG 41:39

Namakkeda arungngé lao ri Yusuf, “Allataala pura paissengi manekko iyaé lao ri iko, jaji manessani makkedaé lebbi maccako nenniya mapanré naiya muwi niga.

1 ARUNG-NGARUNG 4:29

Allataala mpéréngngi Salomo pappéjeppu sibawa pangissengeng iya dé'é padanna, enrengngé pappahang iya malamung senna'é.

KAJAJIYANG 41:38

Nanakkeda arungngé lao ri mennang, “Dé' namakkullé lolongekki tau laing iya lebbi coco'é naiya Yusuf, saba' ripimpingngi ri rohna Allataala.”

AYUB 27:3

mattanroka: Ri wettu nawérékku mupa Allataala nappase, ri wettu engkana mupa nyawa ri laleng watakkaléku,

1 ARUNG-NGARUNG 5:9

Sining taukku tiwii matu iyaro ajué nonno polé ri Libanon lao ri tasi'é. Kuwaniro nasiyo matu iyaro sining ajué mancaji rai nanaalirengngi matu mennang mattuttung wiring tasi lao ri onrong iya napattentué Puwang. Kuwaniro iyaro sining raié ribongkara matu nariyabbéréyang lao risining taunna Puwang untu' naurusu matteru. Polé ri Puwang, uwéllauwi kuwammengngi napassadiya Puwang inanré untu' sining tauwé silise saorajaku.”

AYUB 12:16

Iyaro Allataala mawatangngi, masse sibawa tassebbo! Topabengnguwangngé sibawa ribengnguwangngé engkai ri yawa akuwasan-Na.

AMSAL 20:27

Ati marilalenna tolinoé sinrupai tajang polé ri Puwangnge, iya tappaéngngi sininna baténgngé.

YESAYA 28:26

Naisseng carana jamai, saba' purani ripagguru ri Allataalana.